+11111111111
اولا الف مبروك الفلوانس الفيس ليفت...اختيار رائع للسيارة و اختيار رائع للون....
ثانيا هو انا اسيب المنتدى شوية الاقى الوحوش جاوبوا كل الأسئلة و ماسبوليش حاجة أجاوبها...على العموم هجاوب على السؤال الصغير ده
قارئ الكارت مش محتاج بطارية خالص علشان يقرا الكارت...يعنى لو الكارت مفهوش اصلا بطارية و حطيته داخل القارئ ( الفتحة اللى فى الطابلوه) العربية هتدور و هتبقى زى الفل....
عدم وجود بطارية مش هيخليك تستخدم الكارت فى الفتح و القفل و علشان كده فيه مفتاح طوارئ فى الكارت علشان تفتح السيارة
و كمان مش هيخليك تدور العربية من على بعد...اما تدوير العربية و الكارت فى مكانه داخل القارئ لا يحتاج بطارية....
مش بس كده....انا معايا ميجان و البطارية فى الكارت من ساعة ما اشتريت العربية من ٧ سنين و الحمدلله لسه شغاله
مش بس كده... اول ما البطارية بتبتدى تضعف و بقول بتبتدى يعنى معاك كمان ٦ شهور على ما تفضى بيظهر مع كل تدويره للعربية رسالة تحذير : Card Battery Low....Please Replace
الرينو عربيات سمارت smart cars
انا دايما بشبه اللى كان راكب عربية تانية و نقل للفلوانس او الرينو و كأنه كان معاك موبيل صينى بكشاف و جاب سمارت فون سامسونج S4 او iphone 5s هو ده بالظبط الاحساس
مرة تانية الف مبروك و استمتع بالفلوانس......
تقبل تحياتى
السلام عليكم
1000 مبروك يا كبير واختيار موفق
وربنا يكفيك شرها ويباركلك فيها ان شاء الله
وبالتوفيق
يا باشا ألف مبروك و عقبال ال s600 و مرحبا بك .. في لقاء رينوهاوي .. مدينه نصر جراند ليموزين سوف السيارات الساعه 8 مساءا يوم الخميس 23 يناير
الف مبروك ياباشا علي احسن عربية في الفئة دي ( اللي هي اول فئة في العريبات الكلاااس او البرستيج )
ربنا يبارلك فيها ويديك خيرها ويكفيك شرها وشر الطريق - حاول بس تدبح حاجة
عربيه محترمه واختيار موفق وربنا يباركلك فيها
امين يارب..
مشكور وربنا يخليك ياباشا
الله يبارك فيك يا باشا
شكرا علي الدعوه الكريمه وربنا يسهل واقدر اجي علشان اتعرف علي شخصك الكريم وباقي الزملاء الافاضل
الله يبارك فيك .. وان شاء الله ان فعلا ناوي ادبح حاجه .. وربنا يبعد عننا العين
الله يبارك فيك .. ومتشكر لذوقك
قابلتني مشكه في الترخيص واعتقد انها قابلت بعض الزملاء ايضا
الستاير بتاعه العربيه مريضيوش يثبتوهالي علي الرخصه
بالرغم اني عملت محولات جامده وكلمت كل الناس لحد مدير المرور
بس كلهم اعتذروا بحجه انها مش مثبته في الافراج الجمركي وان دي غلطه الشركه
وللاسف رضخت في الاخر بعد ساعتين من المحاولات والجدال ورخصت من غير ما اثبتها في الرخصه
بس هو فعلا ليه الوكيل مبيثبتهاش في الافراج ؟؟
وهل ينفع الواحد يثبتها بعد كده ؟؟ وازاي ؟؟