الموضوع: تجربتى مع فرش تفصيل ل 301

الف مبروك ولو ممكن تقول التكلفة بالنسبة للفرش الجلد بنوع جيد كام عندهم

الله يبارك فيكم جميعا وان شاء الله اللى ناوى يركب ربنا يوفقة ويركب الاحسن ان شاء الله ومتشكر جدا على جميع المشاركات

المشاركة الأصلية كتبت بواسطة mahmoudysf

الف مبروك
بس فيه ملاحظة ليه فرش الارضية فيه حتت بيضا كدة زي خطوط بيضا هي مش متخيطة ولا ايه

الله يبارك فيك
فرش الارضية من النوع اللى ضهرة فيه زى وبرة بيضه وهى دى اللى باينة فى الصور اثناء الخياطة بس لما الكراسى ركبت مكنتش باينة و هى معمولة خياطة طبعا ومتهيألى حتى لو هتبان اسبوع بالكتير وها تبقى سودة من التراب واللذى منه هطبع يعنى

المشاركة الأصلية كتبت بواسطة hugan

1000مبروك
بس التكلفه كام
ضهر الكرسي الامامي يمين مش مضبوط
الغرزه ماييله جدا

الله يبارك فيك
والله على الطبيعة الكرسى مش كدة دة كل حد يشوفة يقولى مفيهوش غلطة يمكن من زاوية التصوير او انا اللى كنت معووج مش عارف
بالنسبة للتكلفة فى نوعية حلوة جدا بتبدأ من 1200 جنية وعليها ضمان وكل حاجة بس انا اللون اللى ركبته مكنش فية من اللى ب 1200 فالنوعية اللى ركبتها كانت 2300 قبل الخصم والارضية النوع اللى فية وبرة من تحت ب 450 ونوعية اقل ب 350 والخصم كل واحد وشاطرتة

المشاركة الأصلية كتبت بواسطة m.emam

الف الف مبروك وربنا يرزقك خيرها ويكفيك شرها
بس لو ممكن تقولنا تكلفتها كام ولو من غير الارضية بكام
وبتاخد وقت اد ايه فى التفصيل والفك والتركيب...يعنى انت سيبتلهم العربية ولا لأ

الله يبارك فيك
بالنسبة للتكلفة ان ذكرتها فوق
وبالنسبة للتركيب انت لما بتروح اول مرة علشان تختار النوعية والالوان بيقولك الفك والتفصيل والتركيب 6 ساعات ولو هتركب فرش ارضية يبقى ساعة كمان وهو بيحددلك ميعاد تروح فية من اول النهار
انا رحت 11 الصبح واستلمتها حوالى 7 بالليل وانا كنت ناوى ما سيبش العربية بس على الساعة 2 زهقت ورجعت تانى الساعة 6

المشاركة الأصلية كتبت بواسطة hossam_elwani

الف مبروك عليك

الشغل عالى واللون جميل ماعادا ضهر الكرسى مش تمام والخياطه مايله ومش متقنه والضهر ضيق عن الكرسى

فرش الارضيه مش حلو انا مش عايز اجامل

وانا رايى انا العربيات الفخمه مايتعملهاش فرش ارضيه والافضل ايدك تكون فيها على طول

الله يبارك فيك
ضهر الكرس هو باين بس فى الصورة كدة بس على الطبيعة الحمد لله تمام والله
بالنسبة لفرش الارضية انا عارف انة مش حلو خالص كمان وانا كنت قاصد اصورة علشان اللى بيفكر يركب يبعد الفكرة من دماغة ودة راى لانة بيقلل من قيمة العربية
وعلى فكرة دى كانت اول مرة اركب فيها فرش جلد لارضية عربيه ليا مع العلم الريو اللى كانت معايا رحت اشتريت موكيت سجاد لونة جراى غامق وانا اللى ركبتة وفصلتة بنفسى ايام الروقان وكان مزبوط جدا جدا ومكنش باين انة تركيب خالص لانة موكيت شبة موكيت الفبريكة وكلفنى 90 جنية وشكلى كدة هاعملة فى البيجو بس الاقى فكرة ازى اسبته من الاطراف او حد يقولنا على فكرة
من الاخر انا كنت لازم اعملها فرش ارضية علشان ابنى ما شاء الله عليه

المشاركة الأصلية كتبت بواسطة nonalaziza

ما شاء الله اللون حلو مبروك عليك.
بس لما اروح اعمل فرش لو الحاج احمد مشعل مش اداني النيك رست هزعل اوووووى

الله يبارك فيكى
والله الحج احمد ما يتوصاش من ناحية الكرم هو الهدايا بتاعتة حلوة زى النيك رست وسائل تنظيف الجلد ومعطر وفوط للتنضيف غير انة عملى فرش الشنطة هدية كمان