سكودا فليشيا موتور انجكشن بيطلع دخنة سودا

**elandlos** · 20-01-2014 12:14 PM

ابو على حبيبى
مشكلتك مابين
البوجيهات والمسطره
والرشاشات
فيه فى باكوس واحد اسمه المهندس ماجد كويس جدا وهو مهندس فعلا على حسب كلام المحيطين ومتخصص سكودا
لوفكيت مسطرة البوجيهات هتلاقى سوسته مابين البوجيهات والمسطره اكشف على الاربع سوست وغير البوجيهات بالمره
على فكره حكاية الدخان الاسود مقلقانى
سؤال الزيت زيت الموتور بينقص ؟؟؟

**حسن محمود احمد** · 20-01-2014 05:42 PM

المشاركة الأصلية كتبت بواسطة elandlos

ابو على حبيبى
مشكلتك مابين
البوجيهات والمسطره
والرشاشات
فيه فى باكوس واحد اسمه المهندس ماجد كويس جدا وهو مهندس فعلا على حسب كلام المحيطين ومتخصص سكودا
لوفكيت مسطرة البوجيهات هتلاقى سوسته مابين البوجيهات والمسطره اكشف على الاربع سوست وغير البوجيهات بالمره
على فكره حكاية الدخان الاسود مقلقانى
سؤال الزيت زيت الموتور بينقص ؟؟؟

ماجد ده انا سمعت عنه من خلال النت وفي كمان واحد اسمه اشرف بيقولو عليه وهو موجود اول شارع شمال من خليل حماده وانت جاي من جمال عبد الناصرقي اتجاه السكة الحديد ولكن للاسف مروحتش لحد فيهم لان حاسس ان ممكن يكونوا شماطين لان الواحد عاني كتير من الصنيعية

**elandlos** · 20-01-2014 10:30 PM

بسم الله الرحمن الرحيم
بالنسبه لماجد ان شاء الله مش هاتندم لو رحت له
العربيه لما بتكون مبرجله بيبقى قلتها احسن
والمزاج بيبقى زفت
الفليشيا لما بتتظبط بتبقى متعه وحاجه تانيه

سبحانك اللهم وبحمدك ، أشهد أن لا إله إلا أنت
أستغفرك وأتوب إليك

**aw2100** · 20-01-2014 11:27 PM

المشاركة الأصلية كتبت بواسطة حسن محمود احمد

ماجد ده انا سمعت عنه من خلال النت وفي كمان واحد اسمه اشرف بيقولو عليه وهو موجود اول شارع شمال من خليل حماده وانت جاي من جمال عبد الناصرقي اتجاه السكة الحديد ولكن للاسف مروحتش لحد فيهم لان حاسس ان ممكن يكونوا شماطين لان الواحد عاني كتير من الصنيعية

على فكرة مش اى ميكانيكى يشتغل فى الأسكودا كلهم دكاترة وطالما اشتريت اسكودا استحمل ولو ميكانيكى لخبط فى العربية حتقرفك وتزهقك وعموما خاصة المواتير الأنجكشن بتحتاج ظبط على كومبيوتر اعطال علشان كده اغلب اللى بيشترى فليشيا بيشتريها كاربراتير وانا منهم علشان نبعد عن مشاكل الحساسات والبوابة وخلافة وبالنسبة للبنزين ال 80 انت كده بتبوظ الموتور علشان الأنجكشن مصمم لبنزين اوكتين اعلى من 90 بمعنى لازم تفول بنزين 92 وال 80 بيمشى مع الفليشيا الكاربراتير بس وبرضة لما بتفول 92 للكاربراتير بتحس انك ركبت صاروخ غير كده العربية حتخنقك وكل شوية الرشاشات تتسد والحساسات تبرجل العربية وبراحتك يابو على ؟؟؟؟

**aw2100** · 05-02-2014 11:02 PM

هل نظفت فلتر الهواء ؟

**Amr_Azab** · 09-02-2014 11:31 AM

1. اتأكد من حالة الفلاتر ( فلتر بنزين وهواء )
2. نضف بوابة الهواء بالآسبراي
3. حط صفيحة بنزين 95 اذا أمكن وفول الباقي 92
4. أطلع بالعربية علي طريق فاضي وأقرص علي الغيارات شوية قدر المستطاع

90% حتلاقي المشكلة اتحلت ان شاء الله وحتحس بفوقان كبير اوي في العربية

**aw2100** · 17-02-2014 10:57 PM

المشاركة الأصلية كتبت بواسطة حسن محمود احمد

ايه ياخوانا محدش رد ليه مع اني شايف الاخ وليد رايح جاي علي مواضيع اخري

ياباشا اخوك مالوش فى الأنجكشن قوى وهربت منه ومشاكل الحساسات والكومبيوتر واشتريت عربية كاربراتير علشان التحكم الألى فى العربيات عموما مش بس الفليشيا فاشل فى مصر بسبب البنزين الزفت والتراب اللى فى الجو ونوعية الزيوت الرديئه اللى بنحطها فى العربيات وبالنسبة للاسكندرية الرطوبة العاليه وطبعا ده بيلخبط اى عربية بتعتمد على الكومبيوتر والحساسات وممكن عضو الفريق الجديد ا عمر يفيدك فاعرض مشكلتك فى قسم الفابيا الجديد على فكرة موتور الفابيا قريب قوى من الفليشيا الأنجكشن وماتزعلش منى انا مابحبش افتى فى حاجة مافهمش فيها ومن قال لا فقد افتى !!!