الموضوع: الي اصحاب الفليشيا

الشنطة تفتح من الخارج عادي بالمفتاح لكن في شداد بجانب كرسي السائق بيفتح الشنطة ايضا من الداخل و بسبب الجزء المكسور الي في الصورة مش بتفتح من الداخل
وخصوصا الايام دية كل ما تيجي تدخل بنزينة او مول لازم يبصوا في الشنطة فا مش كل مرة انزل افتح الشنطة بالمفتاح

المشاركة الأصلية كتبت بواسطة sakr1964

مشكلتك حلها بسيط جدا اتفضل حمل الكتالوج من الموضوع اللى فى الرابط لنى فعلا فيه صعوبة انى ارفق لك صورة القالون من الداخل حاول معاه ترجم على قد ما تقدر وعلى فكرة حتستفاد جدا من الكتالوج دا لنه شارح كل حاجة بالتفصيل وكلنا بنتعلم منه **وعلى فكرة علشان اخفف عنك مشكلتك فى الصفحة رقم 115 **

وعلى فكرة الجزء اللى حضرتك بتسال علية دا بخصوص فتح الشنطة من الداخل يدويا يعنى عند حدوث اى مشكلة يمكن فتح الشنطة من الداخل بتحريك السقاطة فقط انما يبدو ان مشكلتك فى الشداد نفسة ممكن يكون مقطوع مع انى شايف انة راكب عادى**

http://www.nilemotors.net/nile/317766-a.html

متشكر جدا علي الفايل دة جامد جدا جدا يكفي بس الرسومات التوضيحية و لو حد غلب في جملة يكتبها بالالماني ( لغة الفايل الماني ) في ترجمة جوجل هيجبهاله بكل اللغات

بالنسبة للجزء بتاعي اللي بسائل علية هو موجود فعلا في صفحة 115 بس معرفش اخد منة ابعاد عشان اصنع زية

شكرا للجميع وشكر خاص لمن شارك سواء بالتوجيه او المعلومة
انا روحت لواحد بتاع باب عربيات و قالي ان الحديدة دية الي في قفل الشنطة ببتكسر في كل العربيات الفليشيا يعني مش انت لوحدك المهم قالي اصنعهالك و الحمها بـ 30 جنية قولتله ماشي بس كانت المشكلة انة قالي هتاخد نص ساعة و انا الصراحة مكنتش فاضي و هو سمحلي اصورها من سيارة فليشيا هو عملها فيها قبل كدة و انا صنعتها بنفسي ناقص ان الحمها و اول ما اخلص هحط الصور و كل التفاصيل ان شا الله

تمت بحمد الله
قطعة صاج سمك 1.5 ملي او 1 ملي مقاسها 1.5 سم في طول 4 سم و تخلي في جزء مثني كما بالصورة وتفك القفل ( ملحوظة مهمة خلي بالك و انت بتفك القفل الاول تهوي المسمارين و بعد كدة تفك مسمار بالكامل و ترجع تسبتة في صمولة تاني عشان الصاملة الي من تحت متقعش و كذلك مع المسمار التاني ) و تاخدة و تروح للحام يلحمهالك و ترجع تركبها تاني و تظبطها يعني لو احتاجت تتني شوية كمان ممكن تتنيها بالبنسة
القفل و هو مكسور من غير الحديدة الحديدة الي هتتلحم


و دية الصور بعد اللحام و تجرتة مع الشنطة