طنابير خلفية اوبل فكترا a ال2000 سى سى

**MMamdouh** · 20-01-2014 03:07 AM

كالعادة لما بتزنق فى قطعة غيار بلجاء لرجالة الاوبل...

انا مركب فىت عربيتى جنبين ورا بتوع اوبل فكترا A ال2000 سى سى عشان اعدل الفرامل الخلفية من طبلة الى سكاكين... بس اكتشفت لما جيت اشترى جوز طنابير جداد عشان اللى عندى متاكلين جامد ان الجنبين اللى اشتريتهم بتوع اوبل فكترا اوروبى (او ايا كان مصدرهم) المهم يعنى ان الجنبين بتوعى فيهم الطنابير و الصرة حتة واحدة

طبعا لما جيت اشترى اكتشفت ان اللى منتشر فى السوق هى الطنابير العادية اللى منفصلة عن الصرة و باسعار من 150 الصينى الى 350 الالمانى او حاجة كدة

الطنابير الغريبة اللى عندى فية محل فى العشرينى قاللى ممكن يجيبهم ليا ب500 جنية الجوز و بعد اسبوعين لقيت المحل مقفول و معروض للبيع اساسا... شكل الراجل فلس على حظى... حاليا الطنابير تخانتها قلت عن الحد الادنى المسموح بيه و مش هينفع معاهم خراطة و لازم يتغيروا

دلوقتى انا محتار... هل احاول ادور على الطنابير العجيبة دى مرة تانية على امل انى الاقيها... يعنى فيه حد هنا عندة نفس القصة دى و عرف يلاقى الطنابير دى عند تاجر معين اقدر اروحلة؟؟؟

ولا الاسهل انى اجيب جنبين استيراد تانيين و خلاص طالما جوز الطنابير العجيب بيعمل 500 جنية و دة تقريبا تمن الجنبين استيراد (دا غير تمن طقم بلى خلفى لان الطمبورة اكيد بتيجى من غير بلى) بس طبعا اجيب جنبين ولاد حلال من اللى ليهم طنابير بتتباع فى السوق عشان ملبسش القصة دى تانى؟؟

افيدونا افادكم الله

MMamdouh

**sherif moneer** · 20-01-2014 07:00 AM

واضح ان نوع الطنابير ده نادر جدا
ولو لقيت المره دي مش هتلاقي المره الجايه
ف من رأيي تشتري جمبين استيراد وهات اللي منتشر وموجود عشان حتى لو بعت عربيتك اللي يشتريها ميبقاش يتعب برده

**swimmer25** · 20-01-2014 08:41 AM

هات جنبين تانيين أحسن بس نقيهم بقي عالفرازة لأني جبت جنبين فيهم طنابير عاملة شفة وبالتالي محتاجة مسحة عند الخراط...والشفة دي أعتقد كانت السبب إن فرامل ورا بتقفش قبل قدام
أنا بقي غيرت عند ميكانيكي كان شاطر وراح معايا وانا بشتري ونقالي الجنبين اللي بيتفكوا بمسمار بدل وجع دماغ الجنبين اللي فيهم صرة (قريب من مشكلة الجنبين الطبل بتوع اللانوس لما تيجي تعمل رجلاش)

عندك حل تاني إنك تسأل عليهم في الحرفيين عند سفينة الأوبل ولو لقيتهم تقرر
كلم عصام سفينة شاب محترم جدا وجدع..مش معايا رقمه للأسف بس جرب دا كدا
سفينة اوبل, الحرفيين, القاهرة, مصر | سيارات - قطع غيار وكماليات | Yellow.com.eg | ش يوسف صبرى ابو طالب

**swimmer25** · 20-01-2014 09:35 AM

سؤال صغير عالسريع
لو حبيت اخرط الطنابير بخرطها من جوا وبرا وأغير تيل داخلي وخارجي مع بعض عشان الدنيا تبقي متساوية ومحسش بحدفة ولا العربية تعوم ؟

**فادى محمد** · 20-01-2014 10:27 AM

جنبين استيراد احسن الحلول يا محمد بيه , اهم حاجه الطنابير تكون لحميتها محمله . وانت عندك واير الهاند وماسوره الزيت ( لو لقيتهم ناقصين ) خلي بالك لو كنت اشتريت جديد ان تمن البلي الخلفي مبالغ فيه !! فكده اوفر
تحياتي

**فادى محمد** · 20-01-2014 10:32 AM

المشاركة الأصلية كتبت بواسطة swimmer25

سؤال صغير عالسريع
لو حبيت اخرط الطنابير بخرطها من جوا وبرا وأغير تيل داخلي وخارجي مع بعض عشان الدنيا تبقي متساوية ومحسش بحدفة ولا العربية تعوم ؟

في حد معين للخرط . طبعا انت بتمسح الطنابير بس بقلم المخرطه مش بتاخد منها كتير . الطنابير هتلاقي عليها من الجنب ( السماكه بتاعتها) علامه كده بتدل علي حد الامان بالنسبه للسمك الامن لها
لو التاكل وصل للعلامه دي ما ينفعش معاها خرط . لازم تغيير..لو عمليه المسح دي تمت بشكل مظبوط وغيرت التيل وطبع علي الطنابير مش هتعوم ولا حاجه ..

**MMamdouh** · 20-01-2014 01:19 PM

شكرا ليكم يا رجالة... شكلى كدة هجيب جنبين تانيين و امرى الى الله

MMamdouh

**tananybasha** · 20-01-2014 02:06 PM

المشاركة الأصلية كتبت بواسطة mmamdouh

شكرا ليكم يا رجالة... شكلى كدة هجيب جنبين تانيين و امرى الى الله

mmamdouh

انت عايزيهم جداد
صح
طيب شوفهم عند محمد ربيع
27539720
مش هيديك سعر بس شوفهم بس

01001607131
دى نمرة محمد سعيد
شوفها برضوا و اجيبلك سعرهم

-

-

الموضوع: طنابير خلفية اوبل فكترا a ال2000 سى سى

LinkBack

أدوات الموضوع

عرض

طنابير خلفية اوبل فكترا a ال2000 سى سى - انشر الموضوع فى :

-

-

-

-

-

-

المواضيع المتشابهه

طنابير خلفية

عايز طنابير نوبيرا خلفية

الفرق بين ال 2001 فكترا 1600 وبين ال2000

في حد ركب طنابير خلفية؟

ما سبب تفضيل اوبل فيكترا 98 و 99 عن موديلات ال2000

الكلمات الدلالية لهذا الموضوع

المفضلات

المفضلات

ضوابط المشاركة