استفسار بعد استلامى الكيا سيراتو

**spidars** · 22-01-2014 03:26 PM

معاك حق السيراتو الجديده عدت اليباني

**devil_storm** · 22-01-2014 10:03 PM

المشاركة الأصلية كتبت بواسطة البراء بن مالك

الحمد لله رب العالمين

العربيه انا جبتها من معرض بى اوتو ..وفى المعادى شارع اللاسكلكى ..والصراحة التعامل كان سىء ..جهزت الفلوس وقالى اول ما تجهز الفلوس يوم او يومين وتلاقى العربيه ..جهزت الفلوس وكلمته وفضلت مستنى عشر ايام لحد ما العربيه جت ..وكنت متضايق قوى من الى شغالين هناك ..وعقبال ما جابو الافراج الجمركى بتاعها قعدوا عشر ايام تانيين ..مفيش دقه فى المواعيد .

المهم اخدت العربيه من المعادى وسفرت بيها لحد طنطا لانى ساكن فى طنطا ..العربيه ما شاء الله ناعمه جدا وثابته ..انا جبت ال 120 مرة واجده ...العربيه فاخمه جدا من جوه ..لعزل بتاعها ممتاز ..مفيش مقارنه بينها وبين السيراتو القديم ..ومن وجهه نظرى لو قارنتها ب الانترا او حتى التويوتا ..اعتقد انها هى الى تكسب ..لسعرها وامكانيتها..

وكل ده طبعا من فضل ربنا ..

شكرا علي التقييم الاولي و العربيه دي فعلا جامده جدا ... نعومه و ثبات و عزل صوت رائع و اوبشن جامده و شكل جميل و صالون واسع ... عربيه من الاخر ربنا يباركلك فيها