باشا الفلوانس الفيس ليفت 2014 الفتيس بتاعها شىء مختلف تماما عن الأوتو العادى و أسمه xtronic cvt و ده تجميعه أحسن من الفتيس ال6 سرعات أبو نفس قصير و أحسن كمان من الأربع سرعات علشان بيريح الموتور جدا و بيوفر فى البنزين جدا جدا....
الفتيس ال cvt ده مفهوش تروس....و بتتحكم فيه من بدال البنزين....تدوس ناعم يطلع معاك بسلاسة و كأنك على نفس الغيار...كفاية تعرف أنه بيجيب سرعة 120 كم/ساعة عند rpm = 2000
تكبس دواسه و تشيل و تكبس تانى....تلاقى الوحش الفرنسى كشر عن أنيابه و الموتور يزأر بقوة علشان يطلع كل العزم اللى فيه...ميزته انه مفهوش تهدير فى وقت النقلات لأننا ممكن نشبهه كأنه غيار واحد بس متغير حسب الدوسه
و علشان كده الفلوانس الجديدة بتجيب من 0-100 فى زمن أقل من الفلوانس القديم بفضل هذا الجيربوكس
فيه نمط سواقى manual فى هذا الفتيس نادرا لما حد بيستحدمه....فى هذا النمط الكمبيوتر بيحدد النقلات إلكترونيا ب 6 نقلات و لكن فى النمط ال manual فقط....
غير كده طول ما انت بتكبس طول ما ال rpm بيعلى معاك بدون ما ينزل زى باقى العربيات الأوتو...لغاية لما تثبت على سرعة و ساعتها يبتدى ينزل......
المفضلات