تجربتى مع بعض زيوت المحركات

**akmm** · 24-01-2014 05:42 PM

المشاركة الأصلية كتبت بواسطة ls1090

انا بتكلم عن تجربة عدة زيوت فى عربية وحدة يعنى كل العوامل واحدة (رادياتيير والماده المصنع منها ونظافه الردياتير من الخارج والداخل ونوعيه مياه التبريد وطلمبه المياه .... الى آخر العوامل الاخرى المؤئره الخ الخ)
الزيت بيلعب دور كبير فى تبريد المحرك لا يقل اهمية عن دورة التبريد
نورت الموضوع

كلامك صحيح ولكن تجربه عدد 5 انواع مختلفه من الزيوت التخليقيه وكل نوع بيقعد فى العربيه 10000 كم ده معناه ان التجربه علشان تم هتكون العربيه قطعت 50000 كم وبمعنى ان حاله اى عربيه فى التجربه الاولى هيكون الموتور وباقى العوامل اللى ذكرتها افضل حالا من تجربه الزيت التانى وهكذا الى الاخير بعد قطع 50000 كم والزيت المتجرب الاول هيكون النتيجه لصالحه اكيد عن الثانى والثانى افضل من الثالث وهكذا......... وده مش تقليل من مجهودك فى التقرير ولكن المقياس اعتقد مش دقيق تحياتى .

**darshing** · 24-01-2014 06:10 PM

انا حسيت بنفس الاحساس في الولف
بس هو انت تجربتك كانت على العربيتين ولا عربيه واحده وايه هي وكلامي على التوتال
وشكرا جدا على الافاده

**wael al baz** · 29-01-2014 04:50 PM

الأخ العزيز , من ملاحظاتك تقدر تعرف ليه حصل كده , من المعروف ان جزء من وظائف الزيت في المحرك هي التبريد , وفي نفس الوقت كفاءة الأنجكشن تتأثر بدرجة الحرارة ولآننا نستخدم بنزين ذو معامل اوكتين اقل من المفروض فتحدث عمليه الأحتراق قبل المعاد ويزيد الأمر سوأ هو ارتفاع درجة حرارة المحرك نتيجة ارتفاع درجة حرارة الجو + التحميل في المطالع + ضعف تبريد الزيت . فتحدث عملية التسقيف الي انت لاحظتها .