لييييييه كده،،،،صدمتينى يا انسيجنيا ،،،بس برده بحبك

**Mr_revenger** · 23-01-2014 12:59 AM

بقالى اكتر من شهرين،،،عمال اسال وادعبس واطقس عن كل كبيره وصغيره بخصوص الاسترا،،،وشوفت ريفيوهات ليها وعرفت كل كبيره وصغيره عنها وركبتها وقلبت فيها واقتنعت بيها ٣٠٠٪ وكنت خلاص رايح اخلص فيها،،،،،

مجرد ما الانسيجنيا بسبستلى بس ودخلتها وركبت جواها واخدنا وادينا فى الكلام شويه،،،،،عربنت فيها وقتى،،،، طب ده كلام !!!!!!

صدقونى يا جماعه اللى بيسمع ويشوف غير اللى بيجرب فى الحقيقه،،،،العربيه مينفعش تركبها وتنزل منها الا وانت بتفكر،،،احوش تمنها بنت المجنونه دى ازاى،،،،

بس،،،وياخوفى من كلمه بس،،،،بعد مكان انبهارى بيها ملوش نهايه من شكل واوبشنز وكل حاجه،،،اتصدمت لما عرفت ان الشاشه التاتش ال ٨ بوصه فى الهايلاين والتوب لاين بيشغلوا افلام وميديا عادى بس مجرد انك جبت الفتيس على D،،،،بخ،،،،،!!!!! يبقى صوت بس ده ينفع بذمتكم،،،،،طيب كده يبقى فرق ايه عن الشاشه بتاعت الاليجانس ال ٤ بوصه !!

فبع مكنت مقتنع تماما بالهايلاين،،،،راجعت حساباتى تانى وقولت استشيركم،،،،، مستاهله ادفع ٢٥ الف زياده مقابل الاوبشنز الزياده دى ولا اكتفى بالاليجانس واهو اسمى راكب انسيجنيا برده

١ فرش جلد
٢ زجاج فيميه مثبت فى الرخصه
٣ شاشه ٨ تاتش،،،،،ولو انى شايفها زى قلتها
٤ الكراسى فيها ميمورى وبتتظبط بالكهربا
٥ سنسور بارك امامى وخلفى،،،وده شايفه اهم اوبشن فيهم
6 usb 2 port
7 خاصيه ال intilink واللى لحد دلوقتى مفهمتش اهميتها اوى

هل فى رأيكم ال ٢٥٠٠٠ تستاهل ده ولا انا ممكن معظم الاوبشنز دى اركبها بره واوفر. ٢٥٠٠٠ !!؟

**eng wael** · 23-01-2014 01:05 AM

بصراحه انا اهم حاجه فى العربيه هيا الموتور ال1600 التيربو
كل الكماليات بتطلع مع الغسيل ذى مابيقولو ههههههههه
ولو كانت الاسترا التيربو لسه بتنزل كنت جبتها
دى وجهه نظر

**speed_magnum** · 23-01-2014 01:08 AM

والله دا يرجعلك انت وعلى حسب ميزانيتك
بس العربيات دي
تتركب ولو فاضيه .. بسم الله ما شاء الله
اهم حاجه ما يكونش الهايلاين فيه اوبشن زياده في الامان او الفرامل او الثبات الاليكتروني لان دول بيفرقوا جامد ومش هتعرف تركبهم
ومبروك مقدما يا باشا

**M I D O** · 23-01-2014 01:08 AM

الاوبشن مغري بصراحة بس ميستاهلش 25 الف لييييييييييية برة تركب الليلة دي ب 10 الاف بالكتير معا دفع فارق السعر بين الشاشة ال 4 بوصة و ال 8 بس هتخرج من الضمان كدة و موضوع الصوت و الصورة دة عشان وانت سايق متتشغلش بالفرجة وتنسي السواقة وتلبس يعني موضوع امان بحت ودة كويس جدا

**blazer** · 23-01-2014 01:31 AM

[quote=mr_revenger;3875391322
١ فرش جلد
٢ زجاج فيميه مثبت فى الرخصه
٣ شاشه ٨ تاتش،،،،،ولو انى شايفها زى قلتها
٤ الكراسى فيها ميمورى وبتتظبط بالكهربا
٥ سنسور بارك امامى وخلفى،،،وده شايفه اهم اوبشن فيهم
6 usb 2 port
7 خاصيه ال intilink واللى لحد دلوقتى مفهمتش اهميتها اوى

هل فى رأيكم ال ٢٥٠٠٠ تستاهل ده ولا انا ممكن معظم الاوبشنز دى اركبها بره واوفر. ٢٥٠٠٠ !!؟[/quote]
مبدئيا ال25000 الف مش كتير على الاوبشنز دى
لو ركبت فرش جلد محترم برده هتدفعلك 3000 جنيه او 2000 و هيبقى غلط لان كدا هتغطى الايرباج الى موجود فى الكراسى " على حد علمى بعض العربيات الايرباج فى القايم و بعض العربيات فى الكراسى " دا غير انه مش هيبقى بجوده جلد المصنع

ثانيا الفيميه مهم و بيدى منظر للعربيه و حلو عشان التكييف :)
ثالثا السنسورز مهمه لعربيه بلحجم دا
وغير كدا انت متقدرش تركب فتله فى العربيات دى مش ببب ان الضمان هيتشطب عليه وبس
دا لان العربيات دى الكمبيوتر بتاعها بيحسب احمال كل سلك فى العربيه ولو زاد او قل بيدى error و ممكن يطيرلك حاجه فى العربيه

**Mr_revenger** · 23-01-2014 01:33 AM

المشاركة الأصلية كتبت بواسطة speed_magnum

والله دا يرجعلك انت وعلى حسب ميزانيتك
بس العربيات دي
تتركب ولو فاضيه .. بسم الله ما شاء الله
اهم حاجه ما يكونش الهايلاين فيه اوبشن زياده في الامان او الفرامل او الثبات الاليكتروني لان دول بيفرقوا جامد ومش هتعرف تركبهم
ومبروك مقدما يا باشا

مخبيش عليك يا كبير،،،الاليجانس فى المتناول،،،،الهايلاين حتزنقنى شويه،،،،بس مش قادر اقيم واحدد ان كانت الحاجات دى مستاهله الفرق ده ولا لاء وهل حينفع انى استغنى عنهم مثلاً،،،،،وهل ينفع اركبهم بعد كده،،،،مع العلم ان التلات فئات واحد فى عوامل الثبات والاتزان ميفرقوش حاجه،،،،الاختلافات بس زى موضحتها فوق

**eng wael** · 23-01-2014 01:36 AM

المشاركة الأصلية كتبت بواسطة mr_revenger

والله ياباشا فيه حاجات لو اتغسلت ١٠٠ مره حتفضل معلقه معاك،،،،ومين سمعك ياريت الاسترا تيربو موجوده،،،بس ميمنعش برده ان الانسيجنيا شكلها مبهر وحسيت ان الاسترا جنبها لادل،،،مع احترامى لللادا

هههههه على فكرة انا فى نفس الحيرة وكنت خلاص قربت على الاسترا لحد ماالانسيجنيا نزلت ودخلت فى حيرة الاليجانس ولا الهاى لاين
هجرب فيك الاول :-)
وربنا يوفقك للصالح

**Mr_revenger** · 23-01-2014 01:38 AM

المشاركة الأصلية كتبت بواسطة m i d o

الاوبشن مغري بصراحة بس ميستاهلش 25 الف لييييييييييية برة تركب الليلة دي ب 10 الاف بالكتير معا دفع فارق السعر بين الشاشة ال 4 بوصة و ال 8 بس هتخرج من الضمان كدة و موضوع الصوت و الصورة دة عشان وانت سايق متتشغلش بالفرجة وتنسي السواقة وتلبس يعني موضوع امان بحت ودة كويس جدا

١٠ الاف مظنش يا كبييير،،،وحتى لو المبلغ ده،،،تقدر تضمنلى انها حتبقى بنفس جوده الاصلى،،،وانها مش حتعملى شقلبنات ولا مشاكل فى العربيه بعد كده،،،،ده غير ان موضوع ان العربيه تخرج من الضمان ده مستحيل لانى مش جايب عربيه بالسعر ده عشان يحصل فيها حاجه والبسها لانها خرجت من الضمان،،،ولا انت رائيك ايه

وبالنسبه لموضوع الكاسيت ده،،،هل ده فى كل العربيات كده ولا الانسيجنيا بس !؟

-

-

الموضوع: لييييييه كده،،،،صدمتينى يا انسيجنيا ،،،بس برده بحبك

LinkBack

أدوات الموضوع

عرض

لييييييه كده،،،،صدمتينى يا انسيجنيا ،،،بس برده بحبك - انشر الموضوع فى :

-

-

-

-

-

المواضيع المتشابهه

ملخص كل الكلام عن الجميلة انسيجنيا

هو قسم ستروين ميت لييييييه!!!!!!!

حساس شكمان البونتو ٢٠٠٣ ب ٤٠٠ جنيه لييييييه حراااااام

اوبل انسيجنيا opc من 0-279

لو صاحبك رد عليك وحش فى التليفون..اعذره.. لييييييه؟ (منقول)

الكلمات الدلالية لهذا الموضوع

المفضلات

المفضلات

ضوابط المشاركة