الموضوع: رينو داستر 2014 الشكل الجديد

ياااااه أنا كنت قلقان إن الـ facelift يزود على سعرها كام ألف لكن كدا تمام أوي كدا بقت PERFECT !

أنا كلّمت التوكيل من حوالي 3 أسابيع قال لي إن الفيسليفت هتنزل في شهر 5 أو في أواخر 2014، وفيه خبر موجود ع النت كان بيقول إنها فعلا هتنزل في منتصف 2014 على أنها داستر 2015، رغم إنها أصلا نازله برّه من سبتمبر اللي فات تقريبا، لكن تقريبا موضوع الجمارك والقلق اللي في البلد والسوق خلّاهم يأخروها. وكلّمت موزع معتمد وقال لي إنها هتنزل في نص الشهر ده وشكله كدا أهو كان أصدق من التوكيل، مش عارف إيه اللي خلّى التوكيل يقول كدا رغم إن مافيش داستر زيرو في السوق والمعارض عايزين يبيعوها الأول يعني!

أظن إنهم قالوا ينزلوها دلوقتي علشان أصبح فيه فرصه يلحقوا يعرضوها في معرض أوتوماك ده اللي إتأجل لمنتصف شهر مارس القادم، ولذلك كان هيبقى من الغباء إنهم ينزلوا العربيه بعدما المعرض يخلص بشويه صغيرين

المهم دلوقتي إنت متأكد إنها نزلت :D ? شوفتها في أي معرض؟ واللا خبر؟

موجوده في الطارق مول العرب
بالنسبه للتغيير
فيس ليفت من بره في الشبكه والنيكل الامامي والاكصدام الامامي والخلفي والروف راك تحفه ومكتوب عليه داستر وفيه سينسور ركن خلفي والجنوط شكلها اختلف
من جوه حاجه تاني
كاسيت عريض والزراير شيك جدا وفي الابواب وشكل بكر التكييف بقي احلي والتبلوه بقي شكله مختلف واحلي برده
وجودة الدهان بقت افخم
لكن مازالت مانيوال وبنفس الموتور ومفيش تغيير في السعر
العربيه دى في راي عايزه موتور وفتيس الفلوانس الجديده الcvt ومش هتلاقي ليها منافس

مفيش صور ليها من برة ومن جوة عاوزين نتفرج عليها

مش عارف انزل الصور حاجه تحفه بجد