هي الـkia-cerato الشكل الموجود حالياً اخره 2008 وهيتغير في 2009

**marawansabry** · 25-09-2008 02:44 PM

سؤال يا جماعة محتاجلوه اجابه لو سمحتم، لاني روحت لموزع كيا محمد زكي وميعرفوش هي الcerato شكلها هيتغير في موديل 2009 وهتنزل باسم جديد forte ولا لا؟ الراجل قللي انا معرفش حاجة عن الموضوع ده وكل اللي اعرفة انها مش هتنزل قبل 3/2009 تفتكروا عيزين يبيعوا العربيات الشكل الموجود دلوقت 2008 لانه مش هينزل في موديل 2009
ولا الforte حاجة والcerato حاجة تانيه وهتفضل ال cerato بنفس الشكل الموجود دلوقت؟

**hanystar** · 25-09-2008 06:18 PM

أعتقد أن الفورتى مش هتنزل قبل 2010 وهم بيقولوا فى التوكيل إن عندهم تعاقدات على السيراتو حتى 2009

**Ahmed Anwer** · 25-09-2008 08:47 PM

اعتقد انها هتنزل بعد نزولها في الخارج بفترة بسيطة

هيا بالفعل طرحت في كوريا

بتوع التوكيلات مبيكنش عندهم علم بالحاجات دي

لأن دي معلومات مصدرها الانترنت

و اعتقد ان كيا مش من الشركات كبيرة الحجم اللي بتصنع موديل قديم و موديل جديد مع بعض

خصوصا ان الشكل جديد محركه 1600 فمفيش مانع من طرحه في مصر

ممكن بس يتأخروا شوية عقبال ما يطلبوا المواصفات المصرية

فالشكل هيتغير بغض النظر عن رغبة التوكيل

و الله أعلم

**lolly136** · 25-09-2008 10:28 PM

msh 7ynzelha abl ma y'las el cerato 2008

3ashan lisa fi 3adad fazi3 mnha mtb3ash

**maro333** · 28-09-2008 12:31 PM

أنا كمان عايزه أسأل حد يعرف أخبار عن بيكانتو 2009 ... أصل أنا عايزهأشترىو فيه قدامى واحده 2008 هاف أوبشن بس مش عارفه أستنى بعد العيد هاتنزل 2009 وهايبقى في إختلاف فى الشكل أو السعر أو الأمكانيات و لا هى هى... ياريت لو حد يعرف يقولى..

**marawansabry** · 28-09-2008 12:37 PM

شكرا على الرد بس انا شوفت واحد بيقول ان السيراتو هينزل منها شكل جديد لسنة 2009 بس غير الفورتي ياريت لو حد عنده معلومة مؤكدة يضفها ، وشكرا

**cladonell** · 06-10-2008 08:03 AM

كنت بكلم أحد المعارض بسأل على اسعار سيراتو قالولى انها نازلة 2009 نفس الشكل و نفس الكماليات بس بسعر أعلى. فى حد عنده معلومه تانيه؟

**lolly136** · 06-10-2008 09:53 AM

fi mok3e le kia world 2yleen el forte di badylet el cerato we ayleen enha 7tenzel shmal africa we el shark el awasat

kman fil twkeel 2aloo 2009 nazlaala november

**mohamedhamam** · 07-10-2008 08:04 PM

نعم فأنا قد سألت التوكيل و افادنى شخص موثوق بالتوكيل اثق فيه تماماً ان سيراتو 2009 نازلة نفس الشكل و نفس الكماليات بس بسعر أعلى. و كذلك السيارة فورتى فهى سيارة مختلفة عن السيراتو و سيبدأ انتجاها فى منتصف 2010 فى حد عنده معلومه تانيه؟