السلام عليكم

معلش الموضوع ده اتاخر شوية لكن لظروف والله

طبعا كان فى ناس كتير شكرت فى عفشجى الباشا فى شارع المدبح فى الجيزة وخاصة اخونا العزيز طنانى وعشان كده كلمت اخونا طنانى وطبعا كالعادة الراجل قام بالواجب وكلم مصطفى هناك وصاه والراجل بصراحة اهتم بيا جدا

اول مرة رحت كشف وقالى عايزين

2 كاوتش ميزان

2 دراع علبة دركسيون

2 بيض مقص

2 دراع ميزان

جبت الحاجات دى من سرور فى وسط البلد واتكلفت 490 جنيه

ورحت وبسم الله بدا الشغل فيها

ركب الجديد وفك القديم وعاد على العفشة كلها وظبطها من الالف للياء

بصراحة مصطفى عفشجى شاااااطر جدا وفاهم جدا والناس هناك صنايعية شطار جدا وامناء جدا فى تظبيط الشغل ومبيسيبوش هفوة الا وبيظبطوها وطبعا العفشة فرقت من السماء للارض بعد ما خلصوها

وتقييمى ليهم بصراحة انهم ناس عشرة على عشرة ربنا يكرمهم

وفى الاخر مصنعية معقولة جدا جدا جدا على كل الشغل اللى اتعمل طول اليوم ده كام ياعم

120 جنيه ودى على الشغل اللى اتعمل والجهد شايفها مصنعية قليلة ووالله كنت ماشى مبسوط جدا

......................

كان فى بقى عندى مشكلة مزهقانى فى حياتى وهى ان العربية مايلة ناحية الشمال رغم انى مغير مساعدين امامى استيراد مرتين ومساعدين خلفى جديد

وانا قلتله على العيب فحط علاية للمساعد الاماى وعلاية للخلفى

بعدها العربية اتعدلت بنسبة 95 %

لكن بعدها باسبوعين رجعت ريما تانى لعادتها القديمة ورجع الميل زى الاول تانى

طبعا الموضوع ده مضيع اى طعم للعربية ومخلينى طول مانا ماشى مثبت الدريكسيون عشان متحدفش شمال والغريبة بقى انها شوية تعدل وتمشى مظبوط وشوية تميل مع احساس بتعويمه وهى ماشية وتحس ان الناحية الشمال ضعيفة من الميل فى المطبات وعلى السرعة وعلى مع ان المساعدين الشمال كويسين الخلفى جديد والامامى كشفوا عليه طلع كويس .,.

انا مش عارف بصراحة ايه السبب رغم انى غيرت حاجت كتير انا عارف ان فى تكة محدش عارف يوصلها هى السبب لان العيب ده كان بدا معايا لما غيرت المساعدين الامامى اول مرة

يمكن المشكلة ان الجنب اليمين هو اللى فيه حاجة عالية !!!!!!!!

عامة مع الاسف محدش عارف ايه سر التكى دى اللى مخلية العربية مايلة شمال كده

وانا كنت متفق من فترة مع اخونا عمرو جمال انى هروح لطنانى باشا عشان عندى امل ان واحد فنان زيه هو اللى هيقدر يظبطلى القصة دى وشوية حاجات تانية .. لانى واثق جدا فى خبرته ماشاء الله

عايز اشيل العلايات واجيبها على الطبيعى ونشوف ايه المشكلة اللى عاملة كده