ساعدوووونى فى تجهيز العروسه

**Mr_revenger** · 27-01-2014 09:00 PM

المشاركة الأصلية كتبت بواسطة jos116eph

الف مبروك مقدما وربنا يكفيك شرها ويستر طريقك
اولا: لو السيارة مش مجهزة زينون يبقى دا اول الطريق للعب فى الضفيرة يعنى علشان اركب زينون لازم اخد السيجنال من فيشة اللمبة الاصلية وهنا هيحس الكمبيوتر بفرق الاحمال وهيكت على الكمبيوتر error haid lith tall ligh
ثانيا: الكمبيوتر بيحس بفرق فى الاحمال بيوصل لغاية 5 من مية يعنى حساسيتة عالية جدا
فلو عايز النصيحة خليها على وضع بلادها وشكرا

الله يطمنك،،،،٥ من ميه،،،،قد ايه العربيه دى حساسه ورقيقه،،،دنا خايف من كتر حساسيتها لو عطست وكحيت كام مره وانا راكبها تقف تقولى الف سلامه عليك

يبقى كده ميفضلش تماماً انى العب فى كهربه العربيه،،، همممممم !!

**Mr_revenger** · 27-01-2014 09:04 PM

المشاركة الأصلية كتبت بواسطة horas3000

لو عايز تركب زنون لازم يكون canbus برضه عشان مديش error

والله ياحورس باشا انا قعدت ادور فى قسم الاوبل على مواضيع الزينون وكده،،ولقيت موضوع استاء محمد فاروق كان عمله على انواع الزينون اللى ينفع تركب على الاسترا من غير ما تدى error وبعد معاناه توصل لنوع اسمه ozmo باين،،،مبيديش اى error...بس واحد تانى اعرفه مركبه،،،قالى بيدى error. بسيط ومعرفش هل اثبته فى التوكيل ولا لاء !؟

**Abdo Taha** · 28-01-2014 01:06 AM

المشاركة الأصلية كتبت بواسطة Mr_revenger

عبدو باشا،،،،،،هو انت حتضربنى لو قولتلك انى قعدت وحسبتها مع نفسى امبارح ولقيت اللى يخلينى ازود ٨٠ الف من الاسترا للهايلاين،انسيجنيا،،ميخلن يش ازود ٢٠ كمان واجيب عربيه مش ححتاج اركب فيها مسمار بعد كده !!!؟ فتحه سقف وسيستم الاانذار المتطور اللى محتاج اعرف عنه كتييير،،،وزينون ونقلات فتيس ورا الدركسيون اللى انا مش محتاجها وعاوزهم يشيولهالى واخد مكانها فلوس

لما ترجع وتعمل تقريرك ابقى طمنى

بص انا مش هقف قدامك القرار على حسب حالتك المادية بص انت كده جبت عربية مش ناقصها حاجة " الكمال لله وحده " و من الاخر انت كده مش هتمتع نفسك انت كده هتدلع نفسك اوي و شوف التقرير هتلاقيني عامله في الموضوع المثبت و كده و لا تقلي بي ام و لا بتاع انت كده اشتريت دماغك اخدت جمال قوة متعة يعني عربية لمت كل حاجة ده كفاية لو انت زهقان و عايز تكلم حد ممكن تكلم العربية بال voice commands عموما لو هتقدر جيبها و في كلا الحالتين مش هتندم خالص

**horas3000** · 28-01-2014 10:26 AM

المشاركة الأصلية كتبت بواسطة Mr_revenger

والله ياحورس باشا انا قعدت ادور فى قسم الاوبل على مواضيع الزينون وكده،،ولقيت موضوع استاء محمد فاروق كان عمله على انواع الزينون اللى ينفع تركب على الاسترا من غير ما تدى error وبعد معاناه توصل لنوع اسمه ozmo باين،،،مبيديش اى error...بس واحد تانى اعرفه مركبه،،،قالى بيدى error. بسيط ومعرفش هل اثبته فى التوكيل ولا لاء !؟

انا كنت متابع الموضوع ده فعلا
و شفت الموديول الموزو ده
و ده لا canbus ولا يحزنون
و من الاخر مش هتلاقي في مصر حاجه محترمه

انا جايب ده من ebay برضه و ركبته عندي
و الحمد لله اشتغل تمام بدون اي مشاكل

Canbus Xenon HID Kit H1 H3 H7 HB3 HB4 H4LOW H8 9 11 Built in Warning Canceller | eBay

**Abdo Taha** · 28-01-2014 12:11 PM

المشاركة الأصلية كتبت بواسطة horas3000

انا كنت متابع الموضوع ده فعلا
و شفت الموديول الموزو ده
و ده لا canbus ولا يحزنون
و من الاخر مش هتلاقي في مصر حاجه محترمه

انا جايب ده من ebay برضه و ركبته عندي
و الحمد لله اشتغل تمام بدون اي مشاكل

canbus xenon hid kit h1 h3 h7 hb3 hb4 h4low h8 9 11 built in warning canceller | ebay

ده اكلف كام يا باشا بالشحن بكله ؟

**horas3000** · 28-01-2014 02:35 PM

المشاركة الأصلية كتبت بواسطة Abdo Taha

ده اكلف كام يا باشا بالشحن بكله ؟

الشحن مجانا
و بخلاف سعره دفعت 100 جنيه تقريبا تخليص جمركي لانه اتشحن fedex
فكله حوالي 650 جنيه

الموضوع: ساعدوووونى فى تجهيز العروسه

LinkBack

أدوات الموضوع

عرض

-

-

-

-

-

-

المواضيع المتشابهه

ساعدوووونى a4 عايزة ماتور ..للأهمية :(

اشتريها ولا لاء - النصيحه يا أهل العروسه

ساجا اوتو وللا مانيوال ؟؟؟؟ ساعدوووونى ارجوووكوا

ايه رأيكوا فى العروسه دى بصراحه ملكه جمال وانا بحبها اوى

خلاص يا جماعه قربت استلم العروسه ومحتاج نصايحكم

الكلمات الدلالية لهذا الموضوع

المفضلات

المفضلات

ضوابط المشاركة