الموضوع: بيجو مصر تنتهي تسليم 301 للجيش خلال ايام

المشاركة الأصلية كتبت بواسطة asmag

الجيش حاجز زىيه زى كل الناس وواخد دور زى كل الناس وانا متاكد من الرقم اللى انا ذكرته واقل من كده كمان والمندوب يريح الناس باى حجه ولو الجيش كان ماخر الناس فعلا كان خد ال١٨٠٠عربيه فى اقل مده والعيب مش من الجيش يا حضره العيب مع التوكيل اللى اتعاقد مع الجيش وملزم بعقد معاه

أنا بالنسبة لي مش فارقة العيب فمين
أنا لي النتيجة
و بعدين في شركات أدوية و غيرها كتير إتعاقدت على طلبيات لكن عمر المندوبين مقالوا إنها أثرت في التسليم
أكيد طبعا تعاقدات الشركات عددها أقل من الجيش لكن مجمعة أظن تأثر
و رغم كده عمر مندوب مقال إن السبب تعاقدات الشركات
كتير من الأعضاء رغم إنهم حاجزين من فروع مختلفة إتقالهم نفس الكلام
يا ترى دي تعليمات إدارة التسويق في بيجو إنها تكدب على العملاء و تقول الجيش بيضغط عشان يستلم
و لا كلهم قالوا نفس الكلام بالصدفة!!
ربنا يبارك لأي واحد إستلم العربية و ينفعه بيها
لكن متطلبش مني إن حقي يتاخد و أتركن أكتر من 3 شهور و أكون مبسوط و أقول من حقهم يركبوا و أحنا لأ
عموما هي مش أول مرة نتعامل كمواطنين درجة تالتة
إحنا أتعودنا على كده
و أهو الواحد يتمرن قبل ميروح المرور و يتبهدل فالطوابير و يلاقي الباشا قاعد بيشرب نسكافيه فالكافيتريا و رخصته بتجيله لحد عنده عشان له معرفه أو دفع قرشين لشلة المرتشين اللي ماسكين المرور

صبرنا يا رب

المشاركة الأصلية كتبت بواسطة asmag

الجيش حاجز زىيه زى كل الناس وواخد دور زى كل الناس وانا متاكد من الرقم اللى انا ذكرته واقل من كده كمان والمندوب يريح الناس باى حجه ولو الجيش كان ماخر الناس فعلا كان خد ال١٨٠٠عربيه فى اقل مده والعيب مش من الجيش يا حضره العيب مع التوكيل اللى اتعاقد مع الجيش وملزم بعقد معاه

لو قريت الخبر اللي فاللينك بتاع الموضوع

القاهرة لصناعة السيارات تتفق مع القوات المسلحة على توريد 1100 سيارة «بيجو 301» - جريدة البورصة

هتلاقي مكتوب بالنص
أضافت المصادر لـ «البورصة» أن شركة «CDCM» تعمل حالياً على تجهيز الطلبية لتوريدها خلال أيام.
و الكلام ده يوم 23-01
و الطلبية مكتوب إنها 1100 سيارة
طب قولي بالله عليك إزاي الجيش حاجز زي الناس
و واخد دور زيهم و هيستلم 1100 سيارة مرة واحدة!!!!!!!!!!!!

الجواب: لأن CDCM بتجهز فالطلبية من فترة
و من بعد معملت التعاقد مع الجيش و هي بتسحب مجموعة من كل مركب عشان تجمعله طلبيته

و المندوبين مبدأوش يتكلموا عن موضوع حجز الجيش إلا في شهر 11 (ساعة لما حجزت مكانش في لسه أي كلام عن الموضوع و ده كان في 31-10) و بالتالي حجز الجيش اللي ممكن يكون تم في أول 11 أو ممكن بعد كده كمان أثر بالسلب على بقية الحاجزين (اللي هو بياخد دورهم و منهم ناس كانت حاجزة في شهر 9 و 10 و أنا منهم)

و عشان كده بدأول يقولوا للناس 3 شهور بعد ما كانوا بيقولوا شهر و نص لشهرين
و كان المندوب بيعتذرلي و يقولي و الله مش بأيدينا لكن معظم مراكب شهر 12 هتروح للجيش
و بالفعل ده اللي حصل
و هتلاحظ إن التسليم في 12 كان قليل أوي بسبب الموضوع ده
و في النهاية عشان أنا مش هتكلم في الموضوع ده تاني
أنا مش فارقة معايا مين السبب
المهم النتيجة
تأخير التسليم

تقبل تحياتي

طب يا جماعة نبص للموضوع من ناحية ايجابية ...
لما الجيش ياخد 1100 سيارة .. كدا العربية بتنجح أكتر وقطع الغيار هتبقى فى المستقبل زى الفل إن شاء الله وده هيكون ف مصلحتنا كلنا