ايه اللى بيحصل للناس فى رمضان

**PRO-DRIVE** · 26-09-2008 05:33 PM

المشاركة الأصلية كتبت بواسطة amir

لو هنتكلم عن القيم الدينيه يبقي لازم نشيد بدور التلفزيون و السينما البطولي في ازاحه العديد من القيم الدينيه علي سبيل المثال و ليس الحصر طبعا
الصلاه: عمرك شفت في فيلم حديث نسبيا البطل بيصلي, اللهم الا لو كان محبط احباط فظيع جدا جدا او ارهابي متشدد حقير و عاده بيتم القبض عليه و النكايه بيه, و كمان ساعات كتير بيتم التعامل مع الصلاه و المصليين عموما خاصه في المساجد كأنهم شخصيات معقده و عندها انفصام في الشخصيه مثلا يجيبلك واحد بيصلي الفرض بفرضه و تلاقيه عينه زايغه علي النسوان او بيسرق او بيحشش, و ده ان كان متواجد في المجتمع انما مش لازم ابدا نشيع الصوره دي عن المصلين و تبقي اول صوره تيجي في دماغنا لما نشوف واحد سني بدقن او عنده زبيبه صلاه
الصوم: انا مش كبير قوي في السن بس عمري ما شفت الصيام كركن من اركان الاسلام بيعرض في فيلم او تمثيليه عرض بيوفيه حقه
الحج و العمره: طبعا في الافلام بيطلعو اللي عايز يحج او يعتمر كأنه رايح يشتري المغفره بفلوسه
الزكاه: مفيش مره في فيلم او مسلسل بتعرض كقيمه دينيه و اقتصاديه غايه في الاهميه للحفاظ علي الاقتصاد القومي
و في نقطه دينيه غايه في الخطوره, و طبعا تم التعامل معاها علي مدار سنين و ادي نتايجها بنحصدها جميعا كجيل بيعيش الايام بتاعتنا دي و هي الحلال و الحرام و طريقه فصلهم عن بعض و التعامل معهم, مثلا يعرضو الشاب"الروش" كشخصيه مدخنه مستهتره لا يبالي بشيء سوي ملذاته و خروجاته و السهرات الحمراء و ما شابه و يبجلو النموذج ده و يطلعو بيه السما كنموذج ناجح و الحياه مبتسمه في وشه
و بعد ده تلاقي الشباب في الشوارع المعاكسه عندهم شيء عادي مع ان ديننا واضح جدا في اداب الطريق و كان في حديث عن رسول الله صلي الله عليه و سلم عن اداب الطريق مش فاكره بس ممكن حد يكتبه, و مفاده انك لو واقف في الشارع مع اصحابك فعليكم واجبات كتير قوي تجاه عابر الطريق, و اكيد طبعا اللي يعرف الحديث ده عارف ان المعاكسه دي مثلا شيء عظيم الوزر
و غير المعاكسه حاجات كتير اتربينا علي انها عيب و حرام لايتم معالجتها في السينما و التلفزيون علي هذا الاساس فتحولت الي شيء مستباح من كتر ما بتعرض علي انها شيء عادي جدا و اللي بيرفض الحاجات دي بيبقي متخلف رجعي و جاهل خد عندك مثلا الزنا, كلمه لما كنت صغير كانت كبيره قوي قوي, شوف كده كام فيلم البطل بيزني و المستجد البطله كمان و بيتم التعامل مع الموضوع عادي جدا و المهم ان مفيش حمل و انك استخدمت واقي ذكري( و الله كانت كلمه قبيحه لغايه ما حلمي باشا ولا الاخ التاني سلامته الف سلامه ) طلع علينا بكلمه كنايه عنه و هي كابوت تقريبا!!
و اكيد تعاطي المخدرات تم تمجيده لاسباب مش قادر افهمها بس في بعض الافلام و بالذات الحديثه نسبيا المخدرات خدت اعلانات جامده جدا لدرجه تجب معاها معامله بعض الافلام كأعلانات عنها
وده من وجهه نظر دينيه
اما اجتماعيا فالكلام يطول عن القيم التي تم القضاء عليها نهائيا من قاموس السينما و التلفزيون و علي سبيل المثال: احترام الوالدين, احترام الاخوات, احترام كبار السن, احترام الزوج و الزوجه لبعض, احترام زملاء العمل و غيره و غيره

و انا مركز علي السينما و التلفزيون لأهميتهم القصوي كوسائل اعلام مرئيه و مسموعه لها مصداقيه و سحر خاص علي جموع الناس, و مننساش ان بلدنا القله فيه مثقفه و الاكثريه عندها جهل و اميه و ان اختلفت النسب, و لسبب ده الافلام و المسلسلات بتلاقي تسميع ضخم عند غالبيه الشعب نظرا لأنها مصدر ثقافته الوحيد تقريبا
و بعد كل ده مش لازم نستغرب قوي من ظهور الحصاد الطبيعي لمسلسل طويل قديم قدم التلفزيون ذاته, من شباب غير ملتزم بدينه ولا يعرفه اصلا, و جرائم غايه في البشاعه و علاقات اسريه مفككه و علاقات زوجيه مشوهه (الجواز بقي مرتبط بالاشباع البدني و الرومانسيه المستمره 24\7)
و احب اوضح ان الاعلام الامريكي لما بيحبو يفرضو قوانين او يغيرو طباع الشعب بيلجئو للسينما و التلفزيون و الاعلانات الموجهه(مش بطريقه اعلانات حزام المرور اللي لو يسيبوهالي هخلي الناس تربط الحزام في بيوتها و متمشيش بأكتر من 60 كيلو علي الصحراوي كمان!!) بالمناسبه حد شاف اعلانات دبي اللي كانت بتيجي علي mbc عن السرعه و تأثير الصدمات بالمقارنه بالسقوط من ارتفاعات مختلفه!!!
كان اعلان غايه في التأثير لدرجه تمنيت انه يتعرض علي القنوات المحليه
ربنا يرحمنا و يلطف بينا

بجد اكتر من ممتاز :)

**Abohmaid** · 27-09-2008 04:08 AM

يا جماعة انا لسة راجع من العمرة من كام يوم وفى المسجد الحرا م شوفت بعنيا كام شاب وبصحة ظاهرية جيدة جدا وكانوا بيطوفوا من الدور التانى (لابسين ملابس الاحرام) وكل ما يخلصوا شوط يقعدوا ويشربوا من ماء زمزم وعينى عينك ادام الناس كلها.

بس السؤال هنا الناس اللى بتعمل العمرة فى عز الحر دة ليهم رخصة انهم يفطروا واللا لأ علشان مابقاش ظلمت حد

**Dr Ahmed** · 27-09-2008 05:36 AM

المشاركة الأصلية كتبت بواسطة Abohmaid

بس السؤال هنا الناس اللى بتعمل العمرة فى عز الحر دة ليهم رخصة انهم يفطروا واللا لأ علشان مابقاش ظلمت حد

طبعا معاه رخصة السفر

**Ramy_Ali** · 27-09-2008 02:29 PM

يا اهل الخير
طب ايه اللى مفروض عاينا نعملة عشان نحد من الظواهر الغير مرضية دى
طاملا الاعلام والحكومة مشغولين بالسمنه والتليفونات وشالهات وفلل برتو السخنة فوق الجبال
وسابوا الدين وحرمة الدين ومشاعر المسلمين

ممكن مثلا اللى بيشوف كشك بيبيع لحد بيفطر يقف امامة ويعترض او يعمل ايه ! مش عارف

**Dr Ahmed** · 27-09-2008 02:39 PM

من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان

موقف صعب طبعا وإختيار أصعب لأن غالبا مافيش أى حد هيساعدنى لو قمت أكلم البقر المجاهرين بالفطر
إذا كان الناس بقت تسمع إسم الخالق يهان فى الشارع (فيديو البنت اللى بعصا كهربية) وماعملوش حاجة يبقى هيساندوا واحد بينهى عن منكر؟ ماظنش ، بالعكس ممكن يطلع واحد مالوش اى لازمة يقول لك وإنت مالك

العالم دى ننصحهم ولو مجتش بالنصيحة يبقى وزرهم على أولى الأمر بس لازم مننا النصيحة ونعتزلهم يعنى لو أصحابنا يبقى مالناش أى صلة بيهم لحد ما يعرفوا إن دا حرام ، إنما التغيير باليد (رغم إنهم يستاهلوا الضرب) أو بالقلب (أضعف الإيمان) له أشخاصه وظروفه ، والعامة واجبهم النصيحة وعزلهم.

**أبومعاذ** · 27-09-2008 03:15 PM

و الله انا شايف ان احنا بنحاول نتعرض لغضب ربنا بكل قوة و ربنا حليم و صبور و يؤخرنا لعلنا نرجع و برضو مفيش فايدة و عمالين نزيد في الغي
سبب كل بلاء احنا فيه هو تركنا للأمر بالمعروف و النهي عن المنكر لأن الكلب اللي بيفطر في نهار رمضان بغير عذر لو كان لقى حد يقوله اتقي الله يمكن كان حس على دمه و صام اليوم اللي بعده
المشكلة الاكبر انك اول ما تيجي تنصح واحد او تامره بالمعروف تلاقي شياطين الانس تظهر و تنهاك عن الامر بالمعروف و خليك في حالك يا عم الشيخ و احيانا وانت مالك متخليك في حالك و تلاقي دفاع عن المنكر و صد عن سبيل الله
احنا كدا ماشيين في سكة كل الاقوام اللي قبلنا اللي ربنا عذبهم بسنة عامة و ربنا يستر و الناس تفوق من اللي هما فيه
اللهم لا تؤاخذنا بما فعل السفهاء منا
اللهم ان اردت بقوم فتنة فاقبضنا اليك غير مفتونين
اللهم لا تعذب قوم فيهم من يستغفرك
استغفر الله العظيم

**abzoabzo** · 28-09-2008 11:15 AM

المدارس الثانوى حريقة سجاير على مدار الاسبوع وحياتك
واسمع ان مفيش صيام فى الجامعة الامريكية

ان لم تستحى فافعل ما شأت

**Bossy_Fadl** · 29-09-2008 02:50 AM

المشاركة الأصلية كتبت بواسطة iunknown

اختي الفاضلة

ليست هذا من كلام القرآن الكريم أو الحديث الشريف

لغلك تقصدين قول الحق سبحانه وتعالى لاّ يُحِبُّ اللّهُ الْجَهْرَ بِالسُّوَءِ مِنَ الْقَوْلِ إِلاَّ مَن ظُلِمَ [النساء:148]
أو حديث المصطفى صلى الله عليه وسلم { كل أمتي معافى إلا المجاهرين، وإن من الإجهار أن يعمل العبد بالليل عملا، ثم يصبح قد ستره ربه، فيقول: يا فلان! قد عملت البارحة كذا وكذا، وقد بات يستره ربه، ويصبح يكشف ستر الله عنه }"متفق عليه"

انا عارفة ان مفيش اية في القرأن بتقول كده

بدليل اني مكتبتش بسم الله الرحمن الرحيم

انا حطيت ما بين قوسين معني الايه مش اكتر

و الف شكر لحضرتك علي التوضيح طبعا

المشاركة الأصلية كتبت بواسطة Casio2000

افندم ؟ دا الناس حاربت و هيا صايمة - انا المعلومة دي نرفزتني على الاخر الصراحة - انا مش قديم قوي يعني بس عمري ما شفت كدا في الكلية - اصلا الكافتريا كانت بتقفل بالنهار

جررررررررررر لا بجد - كدا كتير قوي - طب و دا متوقع يعلم ابنه ايه ان شاء الله ؟ الصلاة و الصوم ؟

دا انا اللي فاهمه ان افطار يوم متعمد بدون عذر مايكفيهوش صيام الدهر - علمونا كدا واحنا صغار - و الموضوع كان عاملنا رعب.

للاسف - انا دمي اتحرق - انا طالع انام :(

هو حضرتك عاوز تجيب المحاربين اللي فدو البلد بروحهم لشوية الفرافير اللي احنا بنتكلم عليهم دول؟

انا كمان لسه متخرجة من سنتين و عمري ما شوفت كده ايام الكلية

واضح ان التعليم اتطور اوي عن ايامنا

انا نفسي لما سمعت البنت بتقول كده فضلت مذبهله و متنحه مش عارفة اقول ايه

اصلها يعني حاجة يعجز ادامها اللسان

للدرجة دي شبابنا وصلو لمرحلة متقدمة جدا من الانهيار الاخلاقي و الديني؟

حسبي الله و نعم الوكيل

**Bossy_Fadl** · 29-09-2008 03:01 AM

المشاركة الأصلية كتبت بواسطة OlaOsman

انا مصدومة الصراحة من حكاية كافيتيريا الكلية اللي في رمضان دي

طبعا على أيامنا لما كنت في الكلية كنت مستحيل تشوف منظر زي ده.. بس برضه الحق على أهاليهم اللي معلمهومش دين.

علي فكرة دي جامعة القاهرة للي بيسال

المشاركة الأصلية كتبت بواسطة Ramy_Ali

اللى بيفطر دا لو لقى حد قالة حرام عليك وبعد شوية لقى واحد تانى
وتالت ورابع هينكسف على دمة وعلى الاقل هيفطر فى السر

مين اللي هيقوله يا استاذ رامي؟

اذا كان كل اللي حواليه فاطرين زيه

هو اساسا لو كان لقي من اللي حواليه عند صايم و عنده دم كان فكر مجرد تفكير يعمل كده؟

ربنا يهدي الجميع

-

الموضوع: ايه اللى بيحصل للناس فى رمضان

LinkBack

أدوات الموضوع

عرض

-

-

-

-

-

-

-

-

المواضيع المتشابهه

للناس اللى ساقت السانديرو

إيه علاقة رمضان و الصيام باللي بيحصل ده؟

للناس اللى فاهمه

بالننسبة للناس اللى حجزت و....

الكلمات الدلالية لهذا الموضوع

المفضلات

المفضلات

ضوابط المشاركة