الزملاء الأعزاء

العربيه من فتره الموتور ملخبط معايا ومعدل استهلاك البنزين بقى زياده ... مبرجله وهى دايره على السلانسيه .. أشبه بالتليته كده
شكيت فى السيرفو والحمد لله لقيت البلف مكسور وعملته بس البرجله ما راحتش بالكامل ... هى قلت كتير طبعا والفرامل رجعت زى الاول كويسه
رجعت اشك فى السيرفو تانى ... روحت لواحد متخصص فرامل ... كشف وقاللى السيرفو زى الفل وماتلعبش فيه ... قلت الحمد لله
شكيت فى سلوك البوجيهات لأن مافيش غير كده ... قعدت ابدل واغير فيهم لغايه اما لقيت واحد مش عاجبنى ... اتصلت بفادى الله يكرمه ... قاللى شوف سلك بدل اللى بايظ عندك من اى حد لغايه اما تجيب سلوك لانها مش موجوده عندى فى المنطقه
وروحت جبت سلك من واحد صاحبى وركبته بس الحال زى ما هو ما اتغيرش ... والسلك سليم وكويس
الموضوع كده بدأت اشك انه مشكله كهربا ... وبفكر برضو فى حساس الكولانت ... يا ترى ايه اللى ممكن يعمل الحركات دى عشان مش عاوز اروح لحد يعك فى العربيه لأن مافيش حد عندى متخصص فى الاوبل
تحياتى