نويت أفك فتيس ميجي الأوتو بنفسي

**تامر.محمد** · 28-01-2014 10:33 PM

سألت لك واحد اعرفه تقيل في الميجان , هو عضو سابق هنا
ده رده

السلام عليكم
يمكنك فك الجيربوكس دون فك الموتور ولكن الأسهل فك المحرك والجيربوكس ككيان واحد

المحرك مثبت فى السيا رة عن طريق ثلاث نقاط : النقطة الأولى هى القاعدة العلوية يمين المحرك جانب خزان مياه التبريد
النقطة الثانية تقع تحت البطارية وتسمى بشداد صندوق التروس
القاعدة الثالثة هى من الأسفل وتثبت فى الجيربوكس أيضا

لذلك أذا أردت فك الجيربوكس يجب فك هاتين القاعدتين المثبتتين به

وبالتالى ستحتاج إلى ونش لرفع المحرك لأن القاعدة اليمنى غير كافية لتثبيته

هو ليس ونش بمعنى الكلمة هو أداة من رينو تثبت على القاعدة اليمنى للبطاحة مارة بمنتصف حوض المحرك وتعلق المحرك من الحلقة الخاصة للتعليق
وتثبت نهايتها عند القطعة الحديد الداعمة للرادياتير من فوق

لذلك من الأفضل فك المحرك والجيربوكس كتلة واحدة كالتالى

باختصار يجب أن يكون لديك ونش مخصص للرفع ويمكن تحريكه
بعجل
سوف تفك جميع الوصلات الكهربائية الخاصة بالمحرك والجيربوكس وفك الثلاث قواعد ولكن أولا يجب تعليق الونش قبل فك القواعد
ويتم رفع السيارة من الجانب الأمامى بالكامل لفك عدد 2 كوبلن شمال ويمين
ويتم فك الأكسدام الأمامى وبعدها المصفحة
ويتم فك القنطرة السفلية الأمامية الحاملة للرادياتير
وبعدها الديفندر الأمامى خلف الأكسدام والفوانيس وما حولها من أجزاء فبر

ويتم أنزال المحرك بسيط بواسطة الونش ومن ثم سحبه إلى الأمام

وهذه العملية تحتاج إلى فن عال وأدوات متخصصة ومجهود بدنى أيضا

**Shiref_mohamed** · 29-01-2014 09:07 AM

المشاركة الأصلية كتبت بواسطة eng_bedo

شكرا يا جماعه على مساعدتكم
انا هفك بس الفالف بودي
وهغير زيت الفتيس
بس يا ريت أعرف أفضل نوع زيت للفتيس أجيبه أيه

زي ماقلت سابقاً تغيير السولونيد (فك الفالف بودي) مش محتاج فك الموتور انتا محتاج فقط تفك الوش الأسود الأمامي المواجه للرادياتير وطبعاً تكون فاكك البطارية بالقاعده بتاعتها بالكنترول عشان توسع لنفسك وانتا بتشتغل وهتحتاج لقم اللانكي نجمه نوع محترم وكمان الأفضل ان العربية تترفع على كوريك رباعي عشان تشتغل من تحت احسن ..
ولو عاوز تجيب زيت هات بتاع البيجو والستروين هو اللتر منه بـ 100 جنيه وربنا يوفقك بس انا رايي الشخصي بلاش تعملها بنفسك لو معندكش خبره في مجال السيارات.

**eng_bedo** · 29-01-2014 11:10 AM

المشاركة الأصلية كتبت بواسطة shiref_mohamed

زي ماقلت سابقاً تغيير السولونيد (فك الفالف بودي) مش محتاج فك الموتور انتا محتاج فقط تفك الوش الأسود الأمامي المواجه للرادياتير وطبعاً تكون فاكك البطارية بالقاعده بتاعتها بالكنترول عشان توسع لنفسك وانتا بتشتغل وهتحتاج لقم اللانكي نجمه نوع محترم وكمان الأفضل ان العربية تترفع على كوريك رباعي عشان تشتغل من تحت احسن ..
ولو عاوز تجيب زيت هات بتاع البيجو والستروين هو اللتر منه بـ 100 جنيه وربنا يوفقك بس انا رايي الشخصي بلاش تعملها بنفسك لو معندكش خبره في مجال السيارات.

شكرا على ردك
وعموما ما تقلقش الحمد لله صاحبك عامل عمره كامله قبل كده لموتور عربية اسبرانزا 620 وبعد ما الميكانيكي غلب فيه كمان
والحمد لله تمام التمام

**Shiref_mohamed** · 29-01-2014 11:28 AM

المشاركة الأصلية كتبت بواسطة eng_bedo

شكرا على ردك
وعموما ما تقلقش الحمد لله صاحبك عامل عمره كامله قبل كده لموتور عربية اسبرانزا 620 وبعد ما الميكانيكي غلب فيه كمان
والحمد لله تمام التمام

ربنا يوفقك بس ابقى اغسل الفالف بدي كويس وخلى بالك قبل ماتفك الوش الأسود نضف حواليه من بره كويس عشان لما تفكه التراب مش يخش جوه الفتيس وابقا طمنا وصلت لأيه