الكورولا الجديدة عاملة نفسية جامدة جدا

**amgomaa** · 28-01-2014 10:15 PM

يا سيدى ربنا يباركلك فى عربيتك بس معلهش عنوان الموضوع مستفز اوى من غير زعل يعنى احنا هنا فى المنتدى نعمل موضوع نفيد بيه الناس التانيين اللى معانا يعنى واحد زى الدكتور abofandy دخل موضوعك وقال اللى فى قلبه عن العربيه علشان يفيد الناس التانيه و العضوpsycholin عامل 100 موضوع عن الكورولا الجديده ماسكها حته حته علشان يفيد الناس و غيرهم اعضاء كتير مش فاهم ايه اللى حضرتك استفتده من الموضوع بعنوانه الغريب ده اومال لو ربنا كرمك ب bmw ولا مرسيدس كنت عملت موضوع سميته ايه

**spidars** · 28-01-2014 10:35 PM

المشاركة الأصلية كتبت بواسطة amgomaa

يا سيدى ربنا يباركلك فى عربيتك بس معلهش عنوان الموضوع مستفز اوى من غير زعل يعنى احنا هنا فى المنتدى نعمل موضوع نفيد بيه الناس التانيين اللى معانا يعنى واحد زى الدكتور abofandy دخل موضوعك وقال اللى فى قلبه عن العربيه علشان يفيد الناس التانيه و العضوpsycholin عامل 100 موضوع عن الكورولا الجديده ماسكها حته حته علشان يفيد الناس و غيرهم اعضاء كتير مش فاهم ايه اللى حضرتك استفتده من الموضوع بعنوانه الغريب ده اومال لو ربنا كرمك ب bmw ولا مرسيدس كنت عملت موضوع سميته ايه

اولا انا مبهاجمش حد وكل الاعضاء الي حضرتك ذكرتهم علي راسي وليهم كل الاحترام وربنا يرزقق انتا قبل مني بلمر سيدس او bmw و الكورولا عربيه حلوه لو بس مكانتش واطيه علي الارض بغباء السفك الي الواحد بيقول علها واطيه اعلي منها ولعلمك حضرتك الي فهمتني غلط مش اكتر انا كل الي قلته في البدايه ان شكل السيراتو بيشد اكتر من الكورولا الناس هما الي اتريقو علي السيراتو والي قال بتتقارن الكورولا بعربيات بتستلمها و انت واقف و مبعتش غير لما رخصوا سعرها والي قال سيراتو بقت بتتقارن بالكورولا ؟ عاوزني حضرتك ارد اقول ايه

**amgomaa** · 28-01-2014 10:51 PM

المشاركة الأصلية كتبت بواسطة spidars

اولا انا مبهاجمش حد وكل الاعضاء الي حضرتك ذكرتهم علي راسي وليهم كل الاحترام وربنا يرزقق انتا قبل مني بلمر سيدس او bmw و الكورولا عربيه حلوه لو بس مكانتش واطيه علي الارض بغباء السفك الي الواحد بيقول علها واطيه اعلي منها ولعلمك حضرتك الي فهمتني غلط مش اكتر انا كل الي قلته في البدايه ان شكل السيراتو بيشد اكتر من الكورولا الناس هما الي اتريقو علي السيراتو والي قال بتتقارن الكورولا بعربيات بتستلمها و انت واقف و مبعتش غير لما رخصوا سعرها والي قال سيراتو بقت بتتقارن بالكورولا ؟ عاوزني حضرتك ارد اقول ايه

باشا الكلام غير موجه ليك بتاتا انا لقيت الموضوع ابتدا يقلب بخناقه فقولت السبب ان عنوان الموضوع اللى هو عامله حاله نفسيه غير مفيد فى شئ و كمان مستفز و بقول لصاحب الموضوع انه ينقل تجربته عن العربيه او يكتب اى معلومه مفيده بدل موضوع عنوانه ملوش لازمه اكيد كمان محتواه مش هيبقى ليه اى لازمه

**magedtito** · 28-01-2014 11:16 PM

شكرا علي الردود و خلوني ارد ببساطة :
1 انا حاطط الموضوع في قسم تويوتا مش في قسم تاني عشان استفذ اي حد
2 انا مقولتش ان كورولا احسن عربية بشكل مطلق انا قولت اكثر مبيعا و هي من راي احسن عربية في مصر في الفئة دي و ممكن تراجع قسم المقارنات في الموضوع ده
3 بالنسبة للمقارنة بالكوري اسمحلي دي مفيهاش اي جدل و من غير ما ادافع الفرق كبير و عن تجربة ما انكرش ان الكيا تحديدا في الكوري اتقدمت في السنوات الاخيرة من حيث التصميم و التجهيز بس اعزرني معرفتش حتي تقرب من عفشة و نعومة الياباني
4 علي فكرة لو كانت الاسترا معىاي وكيل تاني غير منصور كنت فضلتها عن الكورولا رغم ضيق شنطتها و الكنبة الخلفية و نقص حبة اوبشنز من وجهة نظري مهمين و السبب بسيط مينفعش اقارن الماني حتي لو اوبل باليباني مهما كان
5 بالنسبة للاسعار مين قلك انها عجباني كيا استهبلت ووصلت السيراتو 180 الف فكورولا استهبلت علي استهبال كيا و وصلت الكورولا 210 واحنا اللي بنلبس علي فكرة لو تتابع تعليقاتي انا كنت لاغيت حجز الكورولا و حجيب سبورتاج و برضوا اسكترت عليها السعر ده

6 علي فكرة الكورولا فعلا عربية واطية و ممكن تحك منك في المطبات لو عالية و انت محمل فيها بس مش معني كده انها وحشة علي فكرة السيفيك من 2008 ل 2012 بيتعلم عليها من اي مطب و من غير متحمل فيها و لا حاجة هل ده معناه انها وحشة لأ لازم تاخد المطبات علي الهادي
7 كيا من راي خسرت مالكيها مبالغ كتيرة و دي حركة متعملهاش تويوتا لو سمحتلي بعد منزلت اسعارها في السيراتو و تلكارنز عشان تبيع ووصلت الخسارة لاكتر من عشرين الف في الكارنز للناس اللي اشترت بالسعر العالي
و في الاخر ققولك لولا اختلاف الاذواق لبارت السلع و شكرا

**abofandy** · 28-01-2014 11:41 PM

سيبك من التفكير ده وسيبك من اكتر عربيه مبيعا والكلام ده والحضرتك بتقول عليها مباعتش غير لما رخصو سعرها ده لسبب ان احنا مش مستوعبين ازاي عربيه كانت سعرها في متناول الشعب توصل للسعر ده لكن لما ابتدت توصل ايه الاسباب والتغيرات بدات تبيع ولعلمك انا من ملاك السيراتو الجديده ومش بدافع عنها ولا حاجه بس علشان تعرف حاجه انا ناس كتير بتوقفني علشان تسالني علي العربيه ده غير ان شكلها ملفت اكتر من الكورولا بس انا قبل مشتري روحت بصيت علي الكورولا وجربتها لقتها عربيه عاده ومفهاش اي اوبشن خالص غير انها بتركن لوحدها ولما جيت عند المطب حكت حك السنين خت الي بعده بالعرض برضه حكت وكنا 4 واوزان خفيفه كرهتا من بعد كده وبعدين العمليه مش عمليه كوري ولا يباني مفيش فرق اسعار وحده في كل شئ من قطع الغيار الي جوده العربيه اذا مكنش الكوري بيتقدم واليباني محلك سر

الكورى بيتقدم ... على عينى وعلى راسى ودى حقيقة محدش ينكرها خالص
االيابانى محلك سر ... اتق الله حرام عليك

انت استفذتنى اوى بالجملة دى
ولازم ارد بقى عليك اشوف ازاى اليابانى محلك سر بعد كل الى عملة دة

**abofandy** · 29-01-2014 12:01 AM

تعال نتكلم بصراحة كدة ومن اول السطر
انت قولت ان الكورى بيتقدم ... صح الكلام مليون في المية وحركة تحسب له وسحب السوق وبدات العربيات الكورى تغزو السوق .. يعنى النقطة دى مفيش فيها اختلاف بينى وبينك يبقى ملهاش مكان في النقاش دلوقتى

نجيب النقطة الى استفذتنى ونحللها مع بعض واحدة واحدة وبراحة ومن اول السطر
اليابانى مقارنه بالكورى على نمط كلام بالنص انها محلك سر

ازاى بقى ؟

1 - نتكلم على الانتشار ...
بلاش كلمة يابانى وكوروى دلوقتى خالللللللللللص هنتكلم على ارض الواقع
انتشار العريبات اليابانى في مصر قد اية ... واية مدى الثقة في المنتج بتاعهم ناخد مثال بسيط
العربية الانسر البوما ... عربية بتتباع بقالها 7 سنين او 9 في مصر ولسة كمان بنتنج 2014 بس العادى مش السوبر اكشن وهيقف انتاجها في شهر 8 الحالى .. لية العربية دى انتشرت وفضلت لية في الاسواق تباع لحد الان برغم ان الشكل بتاعها عجز انما اعتماديتها ... حدث ولا حرج

وقس على ذلك الكورولا ... يا راجل يا مومن دة موديل 2007 لسة بيتباع ب 130 الف جنية وناس بتشتريه ومرغوب يعنى عربية بقالها 7 سنين ماشية ولسة بتتباع بسعر عربية زيرو تفتكر الناس دى مغفلة الى بتشتريها اكيد لا طبعا

2 - نتكلم عن الشكل
طبعا مسالة اذواق بس تعال نبص بعين المحايدة كدة براحة
نمسك الكورولا من 2007 .. 2009 ... 2013 بدا الشكل يتغير كل شوية اى نعم تغييرات مكنتش كبيره بل طفيفة بس كان ياخذ على الكورولا في الشكل انها رخمه مش جديدة
تتناسب فقط للعواجيز كان جيل الشباب مظلوم معاها دايما شكلها للراجل كبير .. تاجر .. معلم .. تنفع لوالدى والدك لكن انت كشاب تيجى تركبها تحس انها مش لونك من ناحية الشكل
وكانت دايما اليابان يهمها بالدرجة الاولى الاعتمادية في الاداء عن الشكل
يعنى بالمثل المصرى الى بيقول انت عايز اكل ولا بحلقة

تعالى نشوف التغيير الى حصل في 2014 من نقطة النقاش بتاعتنا من ناحية الشكل
اختلف تماما بقت شكل ثورى هجومى تحس انها بقت لايق لكل فئات الناس شباب .. كبار .. وغيرهم
سواء اتفقنا او اختلفنا في تغيير جذرى في الشكل عن المعتاد ودة عكس الكلام الى انت بتقوله انها محلك سر دة بالنسبة للشكل

3 - الثبات الالكترونى VSC او ESP
دة من اهم ميزة نزلتها الكورولا الجديدة ودة بيثبت عكس كلامك انها مش محلك سر خاللللص
الخاصية دى موجودة من زمان في المرسيدس والبى ام .. انا معاك بس انت تبقى في كورولا فهى ميزة مكنتش موجودة عن ذى قبل

ودة اهميتها لا تقل عن اهمية abs ومنظومة الفرامل المتكامله بس ساعات بتنقذ حياتك مع ستر ربنا في الاول طبعا معتقدتش دة موجودة في الكوروى الى هو بيتقدم زى ما حضرتك بتقول

كان دايما الكورولا مظلومة في انها بتعوم على السرعات العالية لكن علشان هى مش محلك سر بدات تطور نفسها واسئل اى حد ركب الكورولا الجديدة ويتكلم عن ثباتها او زى ما بتقول حضرتك انك ركبتها اتمنى تكون جبت بيها سرعة وشوفت ثابتها وشوف هل فيها تطور في مساله الثبات بتاعها على السرعة والغرز ولا لا علشان تحكم عليها انها لسة محلك سر بالنسبة لنقظة الثبات

4 - خاصية الاوتو بارك او البارك اسيست
مكنتش موجودة قبل كدة في الكورولا لما تحطها في منتجها دليل انها مش محلك سر
سواء اتفقنا او اختلفنا انها مفيدة في مصر ولا لا

5 - خاصية HIl assist
6 - خاصية follow me home
7 - خاصية زر تنبيه هواء الاطارات

كل الخواص دى مكنتش موجودة قبل كدة في الكورولا
واتوجدت السنة دى
هل دة ميعتبرش انها بتجدد نفسها في منتج الكورولا ؟ وهل حضرتك بعد كل كلاممى دة لسة مقتنع بكلمة انها محلك سر ؟

معلش طولت عليك بس انا اعذرنى لان مش قادر اسرد كل التفاصيل لانى بكلمك من موبيل لظروف عملى
ووعد منى اسردلك كل حاجة عنها ان شاء ربنا لو مكنتش اقتنعت

تحياتى صديقى الفاضل

**Mohamed.Hany** · 29-01-2014 12:23 AM

المشاركة الأصلية كتبت بواسطة spidars

سيبك من التفكير ده وسيبك من اكتر عربيه مبيعا والكلام ده والحضرتك بتقول عليها مباعتش غير لما رخصو سعرها ده لسبب ان احنا مش مستوعبين ازاي عربيه كانت سعرها في متناول الشعب توصل للسعر ده لكن لما ابتدت توصل ايه الاسباب والتغيرات بدات تبيع ولعلمك انا من ملاك السيراتو الجديده ومش بدافع عنها ولا حاجه بس علشان تعرف حاجه انا ناس كتير بتوقفني علشان تسالني علي العربيه ده غير ان شكلها ملفت اكتر من الكورولا بس انا قبل مشتري روحت بصيت علي الكورولا وجربتها لقتها عربيه عاده ومفهاش اي اوبشن خالص غير انها بتركن لوحدها ولما جيت عند المطب حكت حك السنين خت الي بعده بالعرض برضه حكت وكنا 4 واوزان خفيفه كرهتا من بعد كده وبعدين العمليه مش عمليه كوري ولا يباني مفيش فرق اسعار وحده في كل شئ من قطع الغيار الي جوده العربيه اذا مكنش الكوري بيتقدم واليباني محلك سر

زميلنا العزيز
السيراتو عربية جميلة واختيار جميل لحضرتك، و لكن لو هنتكلم كمقارنة مع كوروﻻ 2014 فاعتقد ان الكوروﻻ تتفوق في حاجات و السيراتو تتفوق في حاجات تانية زي فتحة السقف و كرسي كهربا ، فتحة تكيف خلفية، تبريد في الدرج الامامي. اما الكوروﻻ الاوتوبارك و HILL ASSIST و ال FOLLOW ME HOME و الفتيس ال CVT الموفر للبنزين و نظام ال ECO ،حساست المطر ، 7 ايرباج ، خاصية الاوامر الصوتية ، فوج لايت خلفي
و بتتفوق عليها في الثبات في طول و عرض العربية و انظمة ال ESP الثبات الالكتروني و نظام ال TRC و الانخفاض علي الارض للثبات،فاعتقد في المجمل ان الكوروﻻ تتفوق نسبيا في الاوبشنز و عوامل الامان والثبات. و للعلم لو الكاوتش متظبت علي 33 زي مبيقول المانيوال مش بتحك و التوكيل منزل تعديل للارتفاع بما لا يضر الثبات.
اما الشكل فهو حاجة نسبية ولا يمكن الحكم عليها و انا مبقلش ان السيراتو وحشة بالعكس جميلة جدا و ربنا يباركلك فيها بس ناقصها عوامل كتيرة من حيث الامان لتقارن مع الكوروﻻ زي ال 7 ايرباج و esp و trc .
تقبل مرورى و انا بتناقش مع حضرتك بموضوعية بدون تعصب واتمني حضرتك تعدلي لو في حاجة قولتها مش صحيحة عشان كلنا نستفيد من بعض و ده سبب اشتراكي بالمنتدي ده الاستفادة من خبرة الاعضاء زي حضرتك .