الموضوع: الكورولا الجديدة عاملة نفسية جامدة جدا

المشاركة الأصلية كتبت بواسطة iusef

زمان مره ضحكت علي نفسي اول ما جبت كورولا ٢٠٠٨ جنوب افريقي وكانت تالت كورولا بعد ٩٤ و ٢٠٠٧ وبحكم شغلي مع bmw كان عندي الكتالوج بتعها وبعد المقارنه وحبه هبل علي حبه غرور لاقيت الكورولا فيها اوبشنز اكتر من ال ٣١٦ مع العلم ان ده نفس horse power ويمكن اعلي ب ٢ حصان كمان :) غير السمارت كي سي دي ٦ اسطونات من نفسا لمكان مش في الشنطه زي ال بي ام و طبعاً مع اسعار اقل ومع العلم ان الفتيس mmt كان نفس فتيس bmw اللي كان بينزل لغايه ٢٠١٠ في الفئه الخامسه وكانو مهندسي bmw في ابو رواش عمالين يقولولي تويوتا عدت... المهم كان في تدريب علي الفئه التالته و تسيت درايف لكل عربياتها من ٣١٦ كوبيه لغاية ٣٣٠ ومع اول عربيه سوقتها فهمت اقد ايه انا مكنتش بفهم حاجه وان مهما تويوتا عملت في عربيتها ان دي حاجه ودي حاجه تانيه خالص... المهم... الملخص ان في عربيات مهما كانت نفس الفئه او نفس الفئه السعريه حرام نقارنها ببعض وعن نفسي طالما العربيه مش مرسيدس او بي ام فالجدال كبير
واخيراً تويوتا اكبر شركه دلوقتي علي مستوي العالم واكبر شركه باعت في ٢٠١٣ حوالي ١٠,٠٠٠,٠٠٠ عربيه اظن ده مش من فراغ ولاكن الناس عارفه انت عايز ايه من العربيه وحتي لو نازله شكلها مش احلي حاجه في الدنيا ولا الكماليات اعلي حاجه بس برضه بتبيع لانها تويوتا
تحياتي للجميع

انتا هتقلي علي الجنوب افريقي عربيه بمعني الكلمه فيها كل حاجه علي الرغم انها قعدت معيا اسبوعين وبعتها لظروف متعرفش انا عيط عليها ازاي ودي العربيه الوحيده الي عيط عليها لكن الجديده مش عارف شكلها مش حبه قي علي عكس الجنوب افريقي احلي بكتير

المشاركة الأصلية كتبت بواسطة ahmedesmat1987

ردودك جميله جدا ومقنعه
وحطت حد فاصل لاى حد بيفكر يحط الكورولا مع السيراتو فى مقارنه واحده رأس برأس

ازاي وحطت حد فاصل لاى حد بيفكر يحط الكورولا مع السيراتو فى مقارنه واحده رأس برأس بص الخلاصه الاثنين في مستوي بعض السيراتو تختلف في حجات والكورولا في حجات بس الكورولا تتفوق بسبب ان التوكيل منزلها بعوامل امان اكتر بمعني مشلش منها حاجه و لوجود esp trc و 7 ايرباج والاوتوبارك و HILL ASSIST من غيرهم فالاثنين في مستوي واحد

السيراتو سيارة جبارة بكل المقاييس
و بها ESC و HILL ASSIST و VSM
و لكن التوكيل المصرى لا يفقه شئ عن تجهيزات السيارة
الصورة المرفقة من بروشر السيارة فى المملكة العربية السعودية و أعتقد هما و احنا نفس التجهيزات
و الخليجى السعودى اللى عندنا هو هو اللى عندهم

و بغض النظر عن هذه التجهيزات
نتكلم جد بقا شوية
كل دا ملهوش لزمة لأن احنا فى مصر شوارعنا مش بتاعه سرعة و غرز على سرعات عالية
معظم الشباب بيعمل بلاوى بعربيات مفيهاش أصلا أى اجهزة ثبات دا كويس ان بيكون فيها فرامل أصلا =d و رغم ذلك الكل بيأدى الأداء المطلوب و الحمد لله
محدش فينا اصلا بيستخدم التجهيزات دى أصلا لأننا شعب غلبان كل همه انه يروح لبيته سليم
خلى بالكو اغلب الناس اللى معاها العربيات و بتعمل حوادث بيحصل بعربيات جديدة و مجهزة بالكامل بكل شئ
و لكن بينقصنا الخبرة و التمهل لان مهما كانت العربية فيها البدع برضه محتاجه شوية عقل و خبره
كل العربيات بتمشى و الحمد لله لكن مش الكل يتناسب مع ظروف البلد و شوارعها المبهدله
كل واحد بيشترى عربية بيشوف ايه اللى هيناسب مشاويره و طبيعه الارض اللى هيمشى عليها و غيره و غيره
كل واحدة اشترى عربية اكيد مقتنع انها الأنسب و مفيش احسن منها و لكن فى النهاية كل عربية و ليها الأرض اللى تمشى عليها و الطريق اللى يناسبها علشان تقدر تطلع منها أحلى أداء
و فى النهاية ربنا يسترها علينا جميعا و ربنا يباركلكم فى عربياتكم و تتهنو بيها بإذن الله

المشاركة الأصلية كتبت بواسطة Dr . Mohamed

السيراتو سيارة جبارة بكل المقاييس
و بها ESC و HILL ASSIST و VSM
و لكن التوكيل المصرى لا يفقه شئ عن تجهيزات السيارة
الصورة المرفقة من بروشر السيارة فى المملكة العربية السعودية و أعتقد هما و احنا نفس التجهيزات
و الخليجى السعودى اللى عندنا هو هو اللى عندهم

منا عارف هي فيها كل عوامل الامان الي في الكورولا من esp trc و ايرباج والاوتوبارك و HILL ASSIST وزجاج فاميه وانوار ليد وتبريد في الكراسي وكراسي كهربه مع خاصيه ظبط العمود الفقري وبدلات في الدركسيون الي الواحد مبيستعملش غيرهم وشوف هنا 6 ايرباج انظمه فرامل مش موجوده في الكورولا بس نعمل ايه في الوكيل حسبي الله علي عكس تويوتا نزلها بكل حاجه
http://cdn.paultan.org/image/2013/07...-1-850x572.jpg
وده الركن لوحدها
http://cdn.paultan.org/image/2013/07...-7-850x575.jpg

المشاركة الأصلية كتبت بواسطة nab!l

انا فعلا ببص عليها بس مش من حلاوتها
ببص عشان مش راكبه على بعضها لا وش ولا ضهر .. عربيات كتير اشيك منها 100 مره :) .. وبنفس الفئة السعريه ..
ارجو محدش يزعل .. مجرد رأى
تقبلوا تحياتى

مساء الخير على الاعضاء المحترمين .... انا غلطت غلطت عمرى اول ما الكورولا 2014 نزلت اشتريت 2 وبجد العربيه دى مفهاش ميزه غير شكلها الخارجى من الامام فقط ... الحمد لله بعت عربيه من الاتين وخسرت فيها 15.000 جنيه فى 4.000 كيلو وببيع التانيه الان برضه واشتريت السياره الرائعه الذكيه القلوانس فيس ليفت كفايه انى من ساعة لما جبت الفلوانس محكتش معايا فى ولا مطب غير الكورولا تماما حكت معايا فى جميع المطبات وده من وجهة نظرى من اهم عيوب الكورولا بالنسبه لنا فى مصر بجد الكورولا اخرها سنه للى هيشتريها وبعدها هيواجه المصير من تعديلات فى التوكيل ...... الخ .

تقبلو تحياتى

المشاركة الأصلية كتبت بواسطة dr . Mohamed

و بغض النظر عن هذه التجهيزات
نتكلم جد بقا شوية
كل دا ملهوش لزمة لأن احنا فى مصر شوارعنا مش بتاعه سرعة و غرز على سرعات عالية
معظم الشباب بيعمل بلاوى بعربيات مفيهاش أصلا أى اجهزة ثبات دا كويس ان بيكون فيها فرامل أصلا =d و رغم ذلك الكل بيأدى الأداء المطلوب و الحمد لله
محدش فينا اصلا بيستخدم التجهيزات دى أصلا لأننا شعب غلبان كل همه انه يروح لبيته سليم
خلى بالكو اغلب الناس اللى معاها العربيات و بتعمل حوادث بيحصل بعربيات جديدة و مجهزة بالكامل بكل شئ
و لكن بينقصنا الخبرة و التمهل لان مهما كانت العربية فيها البدع برضه محتاجه شوية عقل و خبره
كل العربيات بتمشى و الحمد لله لكن مش الكل يتناسب مع ظروف البلد و شوارعها المبهدله
كل واحد بيشترى عربية بيشوف ايه اللى هيناسب مشاويره و طبيعه الارض اللى هيمشى عليها و غيره و غيره
كل واحدة اشترى عربية اكيد مقتنع انها الأنسب و مفيش احسن منها و لكن فى النهاية كل عربية و ليها الأرض اللى تمشى عليها و الطريق اللى يناسبها علشان تقدر تطلع منها أحلى أداء
و فى النهاية ربنا يسترها علينا جميعا و ربنا يباركلكم فى عربياتكم و تتهنو بيها بإذن الله

والله معاك حق يعني واحد ابو واحد صحبي كان معاه كرينز الشكل القديم بعها وجاب الجديد المهم البور فيه ثلاثه انظمه هو استلامها علي النظام المريح وخبط بيها في الرصيف بقله مبتقلش البور ليه قالي ازاي انا مستلمها كده ققله ايه قعت افهمه لحد معرف مع العلم انه بيسافر كل اسبوع الغردقه وقله مبتستعملش مثبت السرعه ليه يقولي مبعرفش اخر لما زهقت منه قلتله انتا انتا بعت التنيه وجبت دي ليه لما مبتستعملش الحجات الي فيها
والله شعب بيحب المنظره وفيه نسبه جهل