الموضوع: حادثة هائلة فى السماء

المشاركة الأصلية كتبت بواسطة amir

تعليقين صغيرين
1- درب اللبانه مش دبر اللبانه

شكرا يا امير على التصحيح , هى درب اللبانة فعلا , مش عارف اية اللى جاب الراء بعد الباء .

المشاركة الأصلية كتبت بواسطة Dr Ahmed

بالنيابة عنه:

[[/img][/url]

شكرا يا دكتور على اعادة رفعها , غريبة فعلا انها مكنتش ظاهرة فى بعض الاجهزة .بس اية رأيك لقطة عجيبة مش كدة ...

تحياتى و كل عام و الجميع بخير .

سبحان الله العظيم

المشاركة الأصلية كتبت بواسطة hesham2004

سبحان الله
( بس اعتقد اغلبنا مش فاهم حاجة فى الصورة )

يا اخ هشام , هو الحقيقية الشرح الى انا ترجمتة , شرح ممكن يكون متتخصص شوية او على الاقل محتاج خلفية اكتر عن الموضوع .
فانا ححاول اشرحلك الموضوع بشكل مبسط اكتر عشان يوصلك الموضوع .



, الصورة اللى انت شيفها دى مثال لصورة مجرة حلازونية "دى غيرالصورة الاصلية عشان ميحصلش لخبطة ", يعنى اية مجرة حلازونية :

المجرة هى من اكثر الاجسام المكونة لبناء السماء او الكون , و الكون يحتوى على عدد هائل من المجرات , اخر احصاء لعدد المجرات يبلغ حوالى 125 مليار مجرة منتشرة فى جميع انحاء الكون , و المجرات لها الكثير من الاشكال و الاحجام , و لكن الاكثر انتشرا هو الشكل الحلزونى الذى تراة و مجرتنا الام "درب اللبانة " لها هذا الشكل ايضأ , و تتكون المجرة المتوسطة الحجم من الاجزاء الأتية :

مركز المجرة :
و يكون مركز المجرة شديد الأضائة , و سوف اشرح سبب التوهج الشديد فى مشاركة اخرى "لان موضوع المركز دة موضوع كبير ", المهم ان لة طاقة جاذبية عظيمة و هو السبب فى تكون المجرة اساسا و قوة الجاذبية الهائلة للمركز هى السبب فى تكون و دوران النجوم فى مدرات مختلفة حولة .

النجوم :
النجوم معروفة و اقرب مثال هو نجم الشمس نفسة الذى نرها كل يوم , و المجرة المتوسطة الحجم تحتوى على عدد هائل من النجوم تصل الى 40 الف مليون نجم فى المجرات المتوسطة , و النجوم ايضا تكون فى احجام متفاوتة , منها ما هوة فى حجم الشمس و منها ما هو اصغر من الشمسة و منها ما هو اكبر من الشمس بكثير , قد تبلغ بعض النجوم حجم يبلغ حوالى 100 الف مرة حجم نجم الشمسة و ذلك فى النجوم العظيمة الحجم . وهناك نجوم تدور حولها كواكب و هناك نجوم منفردة , و هناك نجوم وليدة اى حديث الولادة و هناك نجوم قديمة جدا و على وشك الانهيار و الوفاة " نعم النجوم تموت و سوف اعرض صور لموت النجوم فى مشركات اخرى ان شاء الله " .

التجمعات النجمية :
هى عبارة عن مجموعة من النجوم تتحرك حول مركز مستقل , و يحتوى التجمع المتوسط على 2 الى خمسة ملايين نجم , و تكون متجمعة فى تكتل منفرد و تدور حول مركز مستقل و هذا التجمع بمركزة يتحرك ايضا فى مدارة مع باقى النجوم حول مركز المجرة الاصلى الكبير.
و تسمى فى المصطلح الانجلزيى " ستار كلاستر " اى مقطع كبير او تجمع نجمى كبير .

اجسام اخرى :
هناك اجسام اخرى خلاف النجوم و التجمعات النجمية مثل المذنبات و مثل النيازك و هذة ايضا تكون فى اشكال و احجام متعددة و جميعها لها مدرات مختلفة حول مركز المجرة .

دة كان شرح مبسط للمجرة , نيجى بقى لموضوع المشاركة الاصلى و هو التصادم بين مجرتين :
زى ما انت عرفت كدة الكون بة عدد هائل من المجرات , و جميع المجرات نفسها مع اختلاف شكلها و حجمها , جميع المجرات بتدور حول مركز الكون , و قد تم اكتشاف مكان مركز الكون دة حديثا و حولة تدور جميع المجرات فى مدرات مختلفة .
و نظرا للعدد الهائل للمجرات فى الكون , يحدث فى بعض الاوقات ان يحدث تعارض مدرات بعض المجرات معا بعضها , و تكون النتيجة الحتمية هى تصادم هاتان المجرتان , طبعا التصادم دة مش بيتم فى يوم و ليلة دة تصادم بياخد ملايين السنين , و طبعا نتيجة التصادم دة بيحصل خلل فى طاقة الجاذبية اللى متحكمة فى بناء المجرتين اللى حصل بينهم التصادم , و تكون النتيجة تصادم بعض النجوم و بعض التجمعات النجمية و يتكون منها نجوم جديدة و تجمعات نجمية جديدة , و انهيار و اندماج نجوم و تجمعات نجمية اخرى داخل المجرتين .
و الصورة اللى انا عرضتها فى اول المشاركة الاصلية بتظهر هذا الخلل الذى حدث نتيجة التصادم , عشان كدة العلماء بيهتمو بدراسة امثال هذا التصادم لاهمية فى معرفة ازى النجوم و التجمعات النجمية بتموت و بتتكون ودراسة الطاقة المتحكمة فى بناء المجرة .

وهناك ايضا سبب اخر لتصادم النجوم و هو توسع الكون ,و قد اثبت علميا ان الكون فى حالة توسع و اتسع دائم , و المجرات نفسها تتحرك بسرعة كبيرة مبتعدة عن مركز الكون , و اقرب مثال لهذا هو مجرة "اندروميدا " و هى اكثر المجرات المرشحة للاصتدام بمجرتنا الام "درب اللبانة " و ذلك خلال بعض الملايين من السنيين و ذلك بسبب موضوع اتسع الكون .

و صدق الله العظيم حيث قال "
﴿ وَالسَّمَاء بَنَيْنَاهَا بِأَيْدٍ وَإِنَّا لَمُوسِعُونَ ﴾(الذاريات:47)
" ‏فلا أقسم بمواقع النجوم‏‏ , وإنه لقسم لو تعلمون عظيم‏ ," ‏ (‏الواقعة‏:75‏ )‏

و اخيرا ارجو انى اكون وضحت بشكل مبسط موضوع الصورة الاصلية , طبعا فى تفاصيل كتيرة لكن محتاجة وقت اطول بكتير للشرح .
وكل عام وانتم بخير