الموضوع: مهندسين اتصالات المنتدى

المشاركة الأصلية كتبت بواسطة buksh

ممكن اغلس عليكم شوية انا سامع الكلام على حوار شبكات و net work وكده
حد عنده معلومات عن انى ممكن اخد كورس mcse فى جامعة القاهرة وبكام

مش عارف والله ياباشا اماكن كويسه ل mcse

المشاركة الأصلية كتبت بواسطة #MAAM#

بص ياباشا أنا شغال في مجال embedded بقالي أكتر من 5 سنين .......... المجال حلو جدا وتفكير بس فلوسه قليلة والشركات اللي بتشتغل فيه قليلة يعني لو إنت زهقان من الشركة اللي انت شغال فيها صعب تنقل شركة تانية لأن الشركات قليلة جدا ومرتبها قليل ........... في مجال تاني حلو أوي اللي هو إنذار الحريق وكاميرات المراقبة إسمه التيار الخفيف light current وده تبع شغل المقاولات مجال فلوسه حلوة وشغلة كتير .......... وربنا يوفقك

بص ياباشا انا اول مره بصراحه ان مجال ال embedded فلوسه قليله !! ...انا اتدربت في mentor graphic وانا في الكليه ..المجال ده بصراحه تقريبا احسن مجال شغل بالنسبه لينا ..انا ليا صاحبي بيشتغل في السويدي والستارت بتاعه 3000 او 3500 وواحد اعرفه برضه اشتغل في valeo وماشاء الله برضه مستريح في المرتب وسافر المانيا مرتين السنه اللي فاتت وشغال على مشروع برمجة سينسور فرامل المرسيدس ...هيا شغلها قليل اوي ومش اي حد يشتغل فيه ...بس موضوع فلوسها ده ..يمكن حضرتك شايف ان 3000 قليل مثلا ..بس اقدر اقولك ان فيلد الموبايل 1200 استارت ...وحضرتك ادرى

المشاركة الأصلية كتبت بواسطة lemo147

رايي كالتالي
شوف لو ليك ف البرمجه وال embedded توكل علي الله ودوس فيه مجال كويس وفلوسه كويسه ويعتبر افضل فيلد
مالكش يبقي شوف الشبكات وسيسكو ومايكروسوفت بكورساتها برضه ممتاز بس محتاجه كورسات و certified وبرضه مش شرط تجيلك فرصه فيه
خلي اخر خيار ليك الفيلد بتاع الموبايل عشان العبوديه اللي قلت عليها وقله القيمه وقله الفلوس كمان الا لو جالك انترفيو مثلا ف operator or vendor

اخر حاجه متتعبش من التدوير والشغل مش هييجي من يوم وليله والله يكون ف عونك وف عونا احنا بتوع الاتصالات

معاك في الرأي ...بس موضوع البرمجه وال embedded صعب بالنسبه ليا ...لاني مش متأسس فيه ...ال ++C كانت اكتر ماده بشيلها ومش ناقص فضايح بقى ...وللاسف مدرستش vhl ..يعني محتاج مثلا كورسات 3 شهور علشان اعرف اضبطه ...وده انا ناوي عليه بس لما اكون شغال ويكون الكورسات مع الشغل علشان مضيعش وقت ...وبالنسبه للشبكات انا معايا CCNA بس من غير CERTIFICATE ..وجايلي فرصه في لينك TECH SUPPORT بس زي مانت عارف ..مجال ملوش علاقه بينا ..وناس كتير بتشتغله مش مهندسين ده غير بهدلة انك هتبقى كول سنتر

وبالنسبه للموبايل انا ان شاء الله بحاول موضوع DRIVE TEST وبحاول برضه اجمع عنه معلومات واراء وال VENDOR وال OPERATOR ياباشا انت عارف محتاج وسطة وزير :D

المشاركة الأصلية كتبت بواسطة aly_hosny

انا شغال صيانة FM
و كل الشغل في القطاع الخاص في مصر زي الزفت بس المجال دا اوسخ حاجة
مفيش اجازات و مفيش اعياد و مفيش بدلات

المجال نفسه انا حبه و حابب الشغل بس مش بالطريقة ال هنا ولا الضغط العصبي ال هنا
لو عرفت تدخل Front office يبقى كويس المرمطة اقل

مجال الشبكات شغله احسن نوعيا بس عيبه زي ما انت قولت ممكن تلاقي واحد خريج اي كلية وواخدا CCNA و شغال معاك

انت شغال في شركة ايه ياباشا وايه رايك في شركة شبكات ؟؟

انا زيك كده ياباشا ...حابب المجال جدا ..ودارس الاربع اجيال بفهم ..ولو هدخل فيه ..هحاول ادخل transmition ..بس للاسف كل الناس اللي شغاله فيه كارهينه ...يكفي انك ممكن تبات في السايت ...بس مش ده اللي مخوفني منه ...اللي مضايقني منه انه المقابل مش على اد المجهود ابدا .....

المشاركة الأصلية كتبت بواسطة analyzer

شركة الكان مناسبة جدا للى لسه جديد في المجال وبتوفر تدريبات كمان بس مرتبهم مش كبير بس بعد سنتين او ثلاثة بتروح مكان افضل بعد الخبرة الى بتاخدها عندهم

ربنا يوفقك لما فيه الخير في الدنيا والاخرة

الكان ناس كتير حديثي التخرج بيسيبوها لانها بتشغل casual