أوبل أسترا كوزمو أم رينو فلوانس؟؟

**mohamed.afifi** · 28-01-2014 03:53 AM

ياجماعة الخير...
لقد أعيانى البحث فى منتديات نايل موتورز ومازلت محتار جداً بين أوبل أسترا كوزمو وفلوانس...وسعرهم متقارب
بعد ماشفت مجموعة فيديوهات للـ esp عاجبنى جداً إنه موجود فى الأسترا...بس الأسترا ضيقة جداً عند الكنبة الخلفية...الفلوانس واسعة وفيها أوبشنز بس مافيهاش esp...
هل الألمانى زى الفرنسى؟ هل الأوبل زى الرينو؟ وللا مش فارقة؟
الأسترا توكيلها كل الناس بتشتم فيه...والرينو كل الناس بتقول توكيل محترم
ياريت تفيدونى برأيكم
وجزاكم الله كل خير

ملحوظة: دى أول مشاركة ليا فى أى منتدى على الإطلاق...أنا هحط السؤال ده فى قسم المقارنات والأوبل والرينو...يمكن حد يفيدنى...مش عارف ده صح وللا غلط؟

**hilal** · 28-01-2014 05:05 AM

الفلوانس افضل من الاسترا بكل المقاييس
ماذا تفيدك الـ esp في طرق لا تزيد السرعة فيها عن 30 كم في الساعة؟

**mohamed.afifi** · 28-01-2014 12:37 PM

المشاركة الأصلية كتبت بواسطة hilal

الفلوانس افضل من الاسترا بكل المقاييس
ماذا تفيدك الـ esp في طرق لا تزيد السرعة فيها عن 30 كم في الساعة؟

يابشا ربنا يكرمك...
لو تقوللى بقى إزاى بكل المقاييس الفلوانس أفضل..هتريحنى كتيييير :)
بس الواحد مش دايماً يعنى فى وسط البلد...كتير عالمحور والدائرى وخلافه...ربنا يسترها

**Dr-Daly** · 28-01-2014 01:22 PM

طبعاً أنا متحيز للأوبل عشان معايا فيكترا سي وهختار الأسترا لعدة أسباب:
الجودة والتقفيل بتاع التابلوه& شياكة التصميم الخارجي& وسائل الأمان في الأسترا أفضل زي ماانتا قلت مش دايما هتمشي في وسط البلد& العفشه ومتانة المكونات أفضل في الأوبل عن الرينو& قوة الموتور في أسترا أفضل وأعلي تكنولوجياً& وفي الأخير برستيج الألماني أعلي من الفرنسي لو ده يفرق معاك !!
فيه مميزات للرينو طبعاً منها: الإنتشار (ميزة وعيب مش هتحس انك متميز زي لو ركبت أسترا) وسعر إعادة البيع (متفرقش معايا لأن بالنسبه ليا العربيه سلعه معمرة مش هتتغير بعد سنه ولا اتنين ولاتلاته انما بنتكلم في زمن من خمس إلي عشر سنين مثلاً.. إنما لو تفرق معاك وهتبيع بسرعه يبقي الفلوانس ميزة عن أسترا الي بالمناسبه مش بتتخسف قوي بردو لكن بتقل بشكل معقول)
أنا قلت رأيي بناءاً علي معلوماتي من مناقشات الأعضاء ولك الحكم في الأخير

**hilal** · 28-01-2014 01:29 PM

المشاركة الأصلية كتبت بواسطة mohamed.afifi

يابشا ربنا يكرمك...
لو تقوللى بقى إزاى بكل المقاييس الفلوانس أفضل..هتريحنى كتيييير :)
بس الواحد مش دايماً يعنى فى وسط البلد...كتير عالمحور والدائرى وخلافه...ربنا يسترها

أولا سعر إعادة البيع الفلوانس تكسب
ثانيا الانتشار الفلوانس أيضا تكسب
الوكيل والصيانة الفلوانس تكسب
الفخامة و جودة الخامات الفلوانس لا تقل عن الالماني
جميع زملائي في العمل الذين اشتروا فلوانس مرتاحون جدا معها ولا توجد منها أي شكوى
قد تسألني ولماذا لم تشتري فلوانس
الحقيقة انني وجدت سعر الاوبل مستعملة بحالة الزيرو أقل كثيرا من السيارة الكوري المستعملة
وذلك لأسباب كثيرة يعرفها الزملاء وممكن ألخصها في جملة واحدة قالها لي أحد أصدقائي وهي:
هو انا عشان اركب أوبل لازم أدرس كمبيوتر؟ بالاضافة إلى ندرة الصنايعي المحترم الذي يفهم
تحياتي

**Abdo Taha** · 28-01-2014 01:51 PM

من الاخر الفلوانس افضل لأسرة لكن الاسترا افضل لشاب و رياضية اكثر من الفلوانس و توكيل رينو افضل لكن بالنسبة للانتشار انا شايف الاسترا منشرة عن الفلوانس الفيس ليفت .

**mohamed.afifi** · 28-01-2014 08:29 PM

المشاركة الأصلية كتبت بواسطة abdo taha

من الاخر الفلوانس افضل لأسرة لكن الاسترا افضل لشاب و رياضية اكثر من الفلوانس و توكيل رينو افضل لكن بالنسبة للانتشار انا شايف الاسترا منشرة عن الفلوانس الفيس ليفت .

صحيح...أنا شايف الأسترا بدأت تنتشر...
يعنى من يومين روحت من أكتوبر لمدينة نصر للمهندسين....شوفت حوالى 10 أسترا 2013-2014 ماشيين...يمكن عشان بدأت أركز معاها!

**mohamed.afifi** · 28-01-2014 08:32 PM

المشاركة الأصلية كتبت بواسطة hilal

أولا سعر إعادة البيع الفلوانس تكسب
ثانيا الانتشار الفلوانس أيضا تكسب
الوكيل والصيانة الفلوانس تكسب
الفخامة و جودة الخامات الفلوانس لا تقل عن الالماني
جميع زملائي في العمل الذين اشتروا فلوانس مرتاحون جدا معها ولا توجد منها أي شكوى
قد تسألني ولماذا لم تشتري فلوانس
الحقيقة انني وجدت سعر الاوبل مستعملة بحالة الزيرو أقل كثيرا من السيارة الكوري المستعملة
وذلك لأسباب كثيرة يعرفها الزملاء وممكن ألخصها في جملة واحدة قالها لي أحد أصدقائي وهي:
هو انا عشان اركب أوبل لازم أدرس كمبيوتر؟ بالاضافة إلى ندرة الصنايعي المحترم الذي يفهم
تحياتي

جميل..طب وهل الصنايعية اللى بيعرفوا يشتغلوا فى الفونس أكتر من اللى بيفهموا فى الأوبل؟ دى نقطة مهمة...

**Mr_revenger** · 29-01-2014 12:34 AM

مين اللى قال ان الاسترا مش مصفحه يا باشا !!؟ ومين قال انها بتحك فى المطبات،،،العربيه تصفيح كامل من تحت،،،عوامل امان ولا اروع مش موجوده فى الفلونس،،،،ارتفاعها مناسب جداً للشوارع المصريه،،،،بتدور على الاناقه والشياكه،،اركب واتفرج على تابلوه الاسترا،،،بتدور على عربيه عاوز تطمن نفسك ان فيه منها كتير حواليك وتوكيل كويس،،،اركب فلونس

الموضوع: أوبل أسترا كوزمو أم رينو فلوانس؟؟

LinkBack

أدوات الموضوع

عرض

-

-

-

-

-

المواضيع المتشابهه

أوبل أسترا كوزمو أم رينو فلوانس؟؟

أوبل أسترا كوزمو تربو 2013

من الأفضل فورد فوكس أم رينو فلوانس أم أوبل أسترا إنجوي ؟

شراء أوبل أسترا كوزمو تربو زيرو

شراء أوبل أسترا كوزمو تربو

الكلمات الدلالية لهذا الموضوع

المفضلات

المفضلات

ضوابط المشاركة