السلام عليكم قبل أى حاجة
يمكن دى أول مشاركة لى فى المنتدى هنا.... اللى اشتركت مخصوص لأنى لقيت فيه ناس فاهمة وبإذن الله تفيدنى
الفكرة انى لسة شارى عربية ميجان 2006 بقالها معايا أسبوع
العربية اشتريتها من واحد قعدت معاه شهر ونص بس لأنه كان هيجيب زيرو (حسب كلامه)
العربية الحمد لله كويسة لحد دلوقتى بس فيها كام حاجة كدة عايز أعرفها
- العربية أنا مش عارف كانت محطوطلها زيت ايه (اللى باعها للى اشتريتها منه قال له انه لسة مغير زيت وانه بيحط زيت 5000 كيلو بس مش معروف النوع) السؤال بقى....أنا عايز أحطلها زيت 10000 موبيل وان أو شيل (مش عارف اسمه ايه لأنى دايما بستخدم موبيل) فهل ينفع ولا ماينفعش أصلا, ولو ينفع هل فى حاجة معينة لازم أعملها؟
- عايز أغير طقم الكاتينة فتقريبا تعمل كام؟
- العربية فيها نتشة خفيفة وساعات بتبقى جامدة شوية وهى باردة (بس) بين الأول والتانى هل ده عادى ولا فى حاجة أخاف منها؟
- العربية خليت واحد نضفهالى من جوة (كنس الأرضيات ومسح التالبوه وكدة) ومن ساعتها لمبة الإيرباج والسيرفيس منورة.....حلها ايه دى؟
- المرايات زرارها مكسو فهو فاصلها, فطبعا بظبها بإيدى, هو قال لى محتاجة زرار بس فتقريبا الموضوع ده تكلفته كام؟
- اللى اشتريت منه العربية قال لى انه لسة مغير زيت (بقالها أسبوعين دلوقتى) هل فى حاجة معينة محتاج أشيك عليها؟
- حاجة أخيرة.....مثبت السرعة ومحدد السرعة, لما بشغل الزرار بيشتغل عادى جدا وبيجيبلى الشرط اللى على الشاشة دى, وبعد كدة بدوس على زرار + , - اللى فى الدريكسيون مابيحصلش أى حاجة
أنا مش عارف هل أنا فى حاجة معملتهاش ولا فى حاجة عايزة تتظبط؟