يمكن حد يفدنى

**Fancy_man22** · 31-01-2014 02:43 PM

بصوا يا جماعه الموضوع سهل وبسيط إن شاء الله
الحكايه بتقول ان انا معايا ميجان 2008 عامله 107000 km تمام غيرت للفتيس زيت الفابريكه على 97000km غيرته بتوتال المهم بعد لما غيرته حصل ان سلونيد فالف باظ غيرت حساس واحد فقط ب 450 جنيه عند عادل زوايا الى ف صقر قريش وغيرت الزيت تانى المهم صاحبكو طلع ناصح قلتله اطلع معايا نجرب العربيه و سلمهالى طلعنا و نجرب كل حاجه تمام والنتشه اختفت بس الى ظهرو كان جديد بس مش قوى ان العربيه على الدى المفروض انها بتتحرك خفيف من غير م دوس بنزين اى عربيه اوتو بتعمل كدة لا دى مكنتش بتتحرك خالص المهم ارجع للورشه فك العجله بتاعت السواق انزل غير مش عارف ايه كدا ب 300 جنيه اطلع جرب كلو تمام و زى الورد خد فلوسك ياعم عادل مع السلامه يا بيه ورجعت على بتنا فى سلام الى عاوز اقوله انه لما غير السلونيد غير الزيت معاة لما جربنا واطرينا نفك تانى مغيرش الزيت نزلو فى جركن و بعد لما خلص حطو تانى علشان ميخسرش 150 تمن الزيت المهم كلو تمام الملاحظ بقا ان العربيه مخنوقه على طول حريقه فى استخدام البنزين وسألت على الاستهلاك بتاعها صحابى قالولى انها بتعمل 10 :12 kmفى التر داخل البلد و طبعا اكتر من كدا خارجها المهم ملاحظ بردوا ان العريه متكتفه كدا ف اول مشوار بعملو بها الصبح وبحس ان الفتيس بيجيب على السيف مود كتير و مبيرضاش يعدى السرعه التالته بس الار بى ام بيعلى عادى و العربيه سرعتها بتزيد بس مبتنقلش للرابع لو مشيت عليها شويا على الحال دا بتطلعلى شك جير بوكس اطفى و شغل العريه كلو يبقا تمام و فى الكلتش و بتبقا احسن عربيه ف العالم :] بس برضوا ابتديت الاحظ حاجتين كمان ان العربيه عندى وهيا سخنه بتكون منتها السلاسه و البساطه و الجمال وانها بترتاح لما بتسخن دى حاجه اما التانيه ان العربيه بطلع شيك جير بوكس كتير من غير سبب و كمان بتكون ماشيه عادى جدا و على الرابع و مره واحدة تروح مرزوعه جامد و تنقلع لى التالت ولو قالبها مانيول بتروح هيا قلبا اوتو لوحدها و مفيش دقيق و تروح مطلعالى شيك جير بوكس
ف انا بقول ممكن يكون الزيت عاوز يتغير بتاع الفتيس و كمان انظف فلترالفتيس او اغيروا ف لو حد يعرف اى حاجه معلوه يفدنى بها يمكن اعرف المشكله فين
وشكرا ليكوا على الاهتمام :]

**airfox** · 31-01-2014 02:54 PM

بس هو انا الصراحه مش هفتي بس هقول اللي لسه شايفه صاحبي معاه عربيه اخت بتاعي و كانت كل يوم تطلعه check gearbox الصبح لما العربيه بتكون بارده بس لما بتسخن بتروح الرساله المهم روحنا لطارق في الهرم و غير سلونيد فالف و ريت الفيتس و فك الجزء بتاع النقلات و نظفه و العربيه بقت كويسه و هو كان حاسس انها كانت مخنوقه فعلا انه ساق عربيتي فكان بيحس بقرق بس دلوقتي العربيه بتاعته كويسه الحمدالله نصحيتي لو تقدر روح لطارق وقوله اللي حصل بالضبط و شوف هيقولك حتي لو مش هتعمل حاجه عنده يبقي اسمها اخدت راي تاني برده و تبقي عرفت ايه العيب

**Fancy_man22** · 31-01-2014 03:13 PM

المشاركة الأصلية كتبت بواسطة airfox

بس هو انا الصراحه مش هفتي بس هقول اللي لسه شايفه صاحبي معاه عربيه اخت بتاعي و كانت كل يوم تطلعه check gearbox الصبح لما العربيه بتكون بارده بس لما بتسخن بتروح الرساله المهم روحنا لطارق في الهرم و غير سلونيد فالف و ريت الفيتس و فك الجزء بتاع النقلات و نظفه و العربيه بقت كويسه و هو كان حاسس انها كانت مخنوقه فعلا انه ساق عربيتي فكان بيحس بقرق بس دلوقتي العربيه بتاعته كويسه الحمدالله نصحيتي لو تقدر روح لطارق وقوله اللي حصل بالضبط و شوف هيقولك حتي لو مش هتعمل حاجه عنده يبقي اسمها اخدت راي تاني برده و تبقي عرفت ايه العيب

شكرا للرد و الاهتمام يا باشا
و منتظر رد باقى الوحوش

**hamaka** · 31-01-2014 04:46 PM

كنت سمعت مرة من حد ان الزيت بتاع الفتيس فى الفرنساوى لو طلع مينفعش يتحط تانى عشان بياخد رطوبة ، مش عارف مدى صحة المعلومة بصراحة ، بس عموماً انت ممكن قبل ما تتكلف فى زيت تروح لحد يحطها على الجهاز يشوف ايه حكاية ال error و يقيسلك الضغط بتاع ال solenoids