تجربتى بعد 214.000كم فى السيراتو 2010

**romeldes** · 28-01-2014 09:07 AM

بسم الله الرحمن الرحيم
فى البدايه احب اشكر كل من يساهم فى تعليم الناس وافادتهم وانا شخصيا استفدت من هنا كتير اوى ونخص بالشكر اصاحب الموقع لان بجد لو اجتهادهم مكنش الناس حبت الموقع ده .
انا معايا سيراتو 2010 ماشيه 214.000 كيلو متر تقدر تقول كده لفيت مصر كلها والحمد لله عن تقييمى للسياره بعد الكيلو متر ده فهى ولله الحمد زى ما هى بتجرى وبشد بيها مع عربيات اعلى منها واحدث منها اما عن الصيانات فا اللى عايز يسأل على حاجه يسأل وان شاء الله احاول افيده ولله الحمد انا ربنا كرمنى واشتريت بى ام دبليو 318 2009 الفيس لفت بس مرضتش اتخلى عن السيراتو ليها غلاوه خاصه بعد الى عملته فيها وللعلم جنوطى 17 اى حد عايز اى سؤال يتفضل وانا ان شاء الله هرد .

**احمد المصرى** · 28-01-2014 10:19 AM

ربنا يباركلك فيها ويكفيك شرها ويديك خيرها وعقبال لما تعمل بيها 2 مليون كيلو

بس ايه رايك فى العربيه بشكل عام بعد الرقم دا يعنى العربيه بحالتها ولا خلاص اصبحت خربانه وكل حاجه بايظه

ثانيا :- ايه ال محتاج يتغير مثلا وايه ال لسه بحالته

**abohend** · 28-01-2014 10:58 AM

بسم الله ما شاء الله
كتر خيرها
و ربنا يعينك
214 في 4 سنين!!!
ده أنا بعمل 6 آلاف فالسنة و ببقى زهقان من السواقة...يمكن عشان سواقتي كلها جوه البلد

**romeldes** · 28-01-2014 11:01 AM

المشاركة الأصلية كتبت بواسطة abohend

بسم الله ما شاء الله
كتر خيرها
و ربنا يعينك
214 في 4 سنين!!!
ده أنا بعمل 6 آلاف فالسنة و ببقى زهقان من السواقة...يمكن عشان سواقتي كلها جوه البلد

6 الاف فى السنه انا بعمل اكتر من 10 الاف فى الشهر دلوقتى ههههههه ربنا يدينا ويديلك الصحه

**mohamed1979** · 28-01-2014 11:05 AM

يا جماعه الأرقام دى طبيعيه
اعرف عربيه سيراتو معديه ال 500 الف بدون اى مشاكل مع طبعا الأهتمام بالصيانات الدوريه فى ميعادها

ربنا يباركلك فى العربيه يا باشا

**romeldes** · 28-01-2014 11:27 AM

المشاركة الأصلية كتبت بواسطة mohamed1979

يا جماعه الأرقام دى طبيعيه
اعرف عربيه سيراتو معديه ال 500 الف بدون اى مشاكل مع طبعا الأهتمام بالصيانات الدوريه فى ميعادها

ربنا يباركلك فى العربيه يا باشا

بص هى من ناحيه طبيعيه فلا لان الطبيعى يكون معدلك فى رنج 20 الف فى السنه وانا السنه اللى فات عملت موضوع تجربتى بعد 100 الف وفى خلال سنه عملت 100 كمان وعلى فكره انا عربيتى راحت التوكيل مره واحده بس غيرت زيت صيانتى كلها بره لان معنديش وقت احجز واسيبها يوم ولا اتنين فى االتوكيل بس انا بشترى قطع الغيار بنفسى اصليه واروح للميكانيكى بتاعى اعمل كل حاجه فى نص ساعه وامشى والهدف من نشرى الموضوع للافاده مش علشان ااقول ان انا عامل كيلو متر كتير مش داخل سباق انا بنقل تجربه واللى عايز يسال هجاوبه لان متعرفش تعمل ايه فى الصيانه فلازم تسال وتتعلم وانا سألت كتير قبل كده واتعلمت فواجب عليا اللى يسال اجوبه وشكرا للمشاركه

**mohamed ataa** · 28-01-2014 11:34 AM

مبروك الاول ع العربية الجديدة وربنا يسترها عليك انا لسة جايب كيا سيراتو2012 كانت عامله 12000كيلو كاملة ماعدا البصمة وفتحت السقف المهم سعرها كان110 دة بعد ما طلع عينى فى الفصال المهم العربية ما شاء الله جميله بس ابتدى يظهر بالونات ف الكاوتش الامامى بصراحة اتقفلت من الجنط 17 وفكرت اغيره واجيب 15 او16 لكن غير كدة العربية ما شاء الله

**احمد المصرى** · 28-01-2014 11:36 AM

صحيح يا باشا انت غيرت سير الكاتينه ولا لسه وبتغير تيل الفرامل كل قد ايه تقريبا ( الاصلى ولا اى نوع كورى )

الموضوع: تجربتى بعد 214.000كم فى السيراتو 2010

LinkBack

أدوات الموضوع

عرض

-

كتر خيرها -

-

-

المواضيع المتشابهه

تجربتى المريرة مع لوجان بعد 40,000كم

السيراتو - تجربتى مع القيادة السريعة

تجربتى .. مع السيراتو وتكنو1

تجربتى الشخصية مع السيراتو فى السعودية

تجربتى مع السيراتو على 180

الكلمات الدلالية لهذا الموضوع

المفضلات

المفضلات

ضوابط المشاركة