الموضوع: واخيرا جبت الجميلة الفرنسية وبقيت فلوينساوى

المشاركة الأصلية كتبت بواسطة sofiman

انا بالنسبة ليا اكيد فرق سحب و نعومة قوي جدا طبعا على عكس المتوقع من كتر اللي سمعته هنا انها تقيلة و لقيت العكس تماما !

المشكلة بقى اللي مزعلاني هي البلوتوث.. موديل اللي قبل الفيس ليفت فيه voice call فيه زرار ok فيه speed dial. ولا حاجة من دول لقيتها عندي كأنهم شالوا مميزات موجودة في الشكل القديم من الجديد. يعني تخيل عشان تكلم حد من الكونتاكتس لازم تشتغل من الكاسيت نفسه(في حين كان ممكن من المالتي في موديلات قبل الفيس ليفت!)

المشكلة التانية رغم ان كل الكونتاكتس اللي على الموبايل نزلت على العربية الا ان لما حد بيكلمني بيطلع دايما رقم مش بيظهر الاسم !

المشكله الاولى دى انا متفق معاك فى ان دى حاجه رخمه قوى تحس انهم بيقللو فى الاوبشنز

المشكله التانيه هى مش مشكله قوى هو مفيهوش سوفت وير لغه عربى (دا لانها عربيه اوربى) يعنى انت لو عامل سيف لاسماء اصحابك بالانجليزى هاتطلعلك اسمائهم و نفس المشكله لو كنت مشغل اغنيه و كاتبها بالعربى بردو مش هايقراها

المشاركة الأصلية كتبت بواسطة mbasiouny

المشكله الاولى دى انا متفق معاك فى ان دى حاجه رخمه قوى تحس انهم بيقللو فى الاوبشنز

المشكله التانيه هى مش مشكله قوى هو مفيهوش سوفت وير لغه عربى (دا لانها عربيه اوربى) يعنى انت لو عامل سيف لاسماء اصحابك بالانجليزى هاتطلعلك اسمائهم و نفس المشكله لو كنت مشغل اغنيه و كاتبها بالعربى بردو مش هايقراها

النقطة ان الكونتاكتس كلها انجليزي فالموضوع مش اللغة

المشاركة الأصلية كتبت بواسطة bassem.naguib

ألف مبروك على العربية وربنا يديك خيرها ويكفيك شرها



المشكلة دي ظهرت معايا في الكرولا .. وكان فيه أسماء بتظهر وأسماء لا تظهر إلا بأرقامها فقط .. ولكني اكتشفت بعد كدة أنه لو الاسم المتسجل على الموبايل حروفه كتير مش حيظهر على الشاشة .. إنما لو الاسم حروفه قليله حيظهر عادي .

مش عارف بقى هل المشكلة دي علشان مفيش في شاشة الكاسيت خاصية ال scroll سواء للأغاني أو phone book .. وهل فيه سوفت يعدلها ولا لآة .

برضه مش دي المشكلة لأن عندي اكتر من اسم لا يتعدى 5 حروف و برضه بيطلع رقم في حين لما بدخل الكونتاكتس من الكاسيت بلاقيه موجود عادي!

المشاركة الأصلية كتبت بواسطة Meggieboy

باشا...أنت تقصد لما بتختار الأسم علشان تكلمه من الكاسيت بتلاقيه موجود كأسم عادى أما لو هو اللى أتصل بيك بيطلع رقم مش أسم؟ مظبوط كده و لا أنا لسه مش فاهم....

بظبط كده

الله يبارك فيكوا يا جماعة ومتشكر جدا لكل اللى باركلى ودعالى واللى لسه هايدعى , وواضح ان الموضوع دخل فى بلوتوث وكونتاكتس وانا لسه اصلا مش عارف الفتيس المانيوال فيه بيشتغل ازاى, ما علينا , اكيد هاييجى يوم عليا واسأل على البلوتوث , بس انا عندى سؤالين صغيرين كده لاصحاب الخبرة والتجربة :
1 - الانذار وتركيبه فى التوكيل يتكلف كام تقريبا .
2 - انا لسه مارخصتش العربية عشان لسه مستلم ورقها دلوقتى وهارخص السبت انشاءالله , السؤال بقى , ينفع امشى بالعربية من غير نمر مادام معايا ورقها وشهادة بياناتها, حقيقى انا عندى مشوار مهم وفيه سفر على الزراعى كمان ومحتاج العربية ولسه مارخصتش , ورقها يفيدنى فى حاجة وفى فترة سماح امشى بيها لحد ما ارخص ولا لا ؟