واخيرا جبت الجميلة الفرنسية وبقيت فلوينساوى

**noapology** · 31-01-2014 12:43 AM

مبروك عليك يا باشا و ربنا يباركلك فيها
بالنسبه للابعاد هتتعود بس ابقي ارفع الكرسي للاخر و هتشوف الكبوت انا بالنسبالي اخدت عليها بسرعه علشان سقت فانتازيا
اما للطلعه الاولي من السكون فرق كبير جدا بين الفانتازيا و الفلوانس في صالح الفلوانس حسيت الطلعه زي الاكسنت بس التسارع لسه مش ناوي اقرص او اعلي ال rpm علشان لسه ما كملتش 150 كم

**Ahmed_Adham** · 31-01-2014 01:26 AM

المشاركة الأصلية كتبت بواسطة hanyyacot

2 - انا لسه مارخصتش العربية عشان لسه مستلم ورقها دلوقتى وهارخص السبت انشاءالله , السؤال بقى , ينفع امشى بالعربية من غير نمر مادام معايا ورقها وشهادة بياناتها, حقيقى انا عندى مشوار مهم وفيه سفر على الزراعى كمان ومحتاج العربية ولسه مارخصتش , ورقها يفيدنى فى حاجة وفى فترة سماح امشى بيها لحد ما ارخص ولا لا ؟

أنا بسافر على الزراعي وفي أي وقت مفيش كماين خالص من أول شبرا لحد طنطا وفيه كمين رادار في دفره قبل طنطا بعد طلعه وصله كفر الزيات بيصور على 60 ده بالنهار بس مش بيقفو بالليل انما طول الطريق مفيش ولا كمين ولا بالليل ولا بالنهار.

المشاركة الأصلية كتبت بواسطة meggieboy

بالنسبة لنقطة ٢ و خصوصا انك ناوى تسافر و على الزراعى و يوم الجمعة فللأسف كل حاجة بتقول انه مينفعش.....
لو داخل البلد و مشوار خطافى تمشى انما سفر و زراعى و جمعة و من غير رخصة دونت ميكس بصراحة.....

ليه كده يا باشا ده الزراعي كيوت خالص ده أنا مشيت عليه اسبوعين والعربيه لسه من غير نمر عادي وكان كل اللي معايا ايصال استلام العربيه وبعدين مفيش كماين أصلا.

**ramymechanics** · 31-01-2014 11:11 AM

أيوة بقا يا رجالة عاوزين نبقى عزوة .. المفروض توكيل رينو يدى أحمد الفقى و Meggieboy نسبة مقابل التوزيع بس متنسوش العبدلله بحاجة خصوصا انى صاحب التقرير اللولبى هههههه
اكيد الجماعة بتوع "هاتلك سيراتو ولا النترا" بيقولوا فى سرهم اقتلوهم قبل ان يتكاثروا

**hanyyacot** · 02-02-2014 12:18 PM

روحت رخصت العربية امبارح لقيت اتنين فلوانس بيترخصوا برضه فى مرور فيصل ، واحدة سودا والتانية فيرانى . حقيقى العربية شكلها يفرح من برة ومن جوة

**bukla** · 02-02-2014 01:22 PM

بسم الله الرحمن الرحيم
الف مبروك علي الجميلة فلوينس
ربنا يبارك لك فيها و يديك من خيرها و يكفيك شرها ان شاء الله

**Batman372** · 04-02-2014 06:33 PM

1000 مبروك ... ربنا يبارك لك فيها ...
بخصوص الطلعه من الثبات هى ممتازه .. هى محتاجه فقط انك تدوس شويه ... يمكن علشان العربيه جديده ده الى مخوفك ... مع الوقت حتتأكد ان الطلعه قويه ...
الابعاد حتتعود عليها سريعا ..
الكتالوج بيقول اول الف كم السرعه لا تتعدى 130 و ال rpm لا يتعدى 3500 لفه ...
بعد كده اعمل الى انت عايزه و حتلاقى الاداء جميل و ممتاز و افضل من عربيات كتير :)
تحياتى ...

**noapology** · 04-02-2014 09:03 PM

المشاركة الأصلية كتبت بواسطة batman372

1000 مبروك ... ربنا يبارك لك فيها ...
بخصوص الطلعه من الثبات هى ممتازه .. هى محتاجه فقط انك تدوس شويه ... يمكن علشان العربيه جديده ده الى مخوفك ... مع الوقت حتتأكد ان الطلعه قويه ...
الابعاد حتتعود عليها سريعا ..
الكتالوج بيقول اول الف كم السرعه لا تتعدى 130 و ال rpm لا يتعدى 3500 لفه ...
بعد كده اعمل الى انت عايزه و حتلاقى الاداء جميل و ممتاز و افضل من عربيات كتير :)
تحياتى ...

بالنسبه للحته بتاعت اول 1000 كم دي موجوده فين في الكتالوج بالضبط علشان كنت بدور عليها ومش لاقيها

**S O P H O S** · 06-02-2014 05:04 PM

الف مبروووك يا باشا

**hanyyacot** · 08-02-2014 02:10 AM

المشاركة الأصلية كتبت بواسطة noapology

مبروك عليك يا باشا و ربنا يباركلك فيها
بالنسبه للابعاد هتتعود بس ابقي ارفع الكرسي للاخر و هتشوف الكبوت انا بالنسبالي اخدت عليها بسرعه علشان سقت فانتازيا
اما للطلعه الاولي من السكون فرق كبير جدا بين الفانتازيا و الفلوانس في صالح الفلوانس حسيت الطلعه زي الاكسنت بس التسارع لسه مش ناوي اقرص او اعلي ال rpm علشان لسه ما كملتش 150 كم

الله يبارك فيك يا باشا . الحمدلله العربية تحفة وزى الف وحاسس معاها انى مصاحب واحدة فرنسية شقراء جميلة مريحة. الابعاد خلاص اخدت عليها . وبالنسبة للتسارع انا برضه زى حضرتك مش راضى اقرص عليها دلوقتى عشان ماكملتش 400 كيلو . بس لما احب اعمل بيها اى حاجة فى اى وقت بتتجاوب معايا وبتدينى اللى انا عايزه