:::: فتيس الجوك 31 الف جنيه.....ايه الحل؟

**star101** · 29-01-2014 04:55 PM

صديق ليا اشترى نيسان جوك مستعمله من شهرين كانت عامله 19 الف كيلو من يومين اكتشف عيب فى الفتيس والعربيه مش بتجيب اكتر من 20 كليو طلع على التوكيل اكتشفوا ان عداد العربيه ملعوب فيه...وقالوا ان العربيه كده خرجت من الضمان والفتيس الجديد 31 الف جنيه....يا ترى ايع الحل؟

**أحمد عبدالله** · 29-01-2014 05:18 PM

يرجع لصاحبها

**eng wael** · 29-01-2014 05:21 PM

لا حول ولا قوة الا بالله
حسبى الله ونعم الوكيل فى الناس اللى بتنصب وتتحايل
طبعا يرجع لصاحبها رغم ان اكيد ان اللى بالاخلاق دى مش هياخد منه حق ولا باطل
ولو موصلش لحاجه يستعوض ربنا ويجيب واحد جديد

**2CODE** · 29-01-2014 05:26 PM

بصراحة انا اروح ارجع للمالك القديم وارمي العربية في وشه

يا اما حاجة من اتنين يديني فلوسي يا اما يحل الفتيس يا اما اروح في حديد بسببه !!!!!!!!!!!

والله اعلى واعلم ده مش ذنبك

**J A G U A R** · 29-01-2014 06:29 PM

المشاركة الأصلية كتبت بواسطة 2code

بصراحة انا اروح ارجع للمالك القديم وارمي العربية في وشه

يا اما حاجة من اتنين يديني فلوسي يا اما يحل الفتيس يا اما اروح في حديد بسببه !!!!!!!!!!!

والله اعلى واعلم ده مش ذنبك

+11111

**شادى عبدالمنعم** · 29-01-2014 07:13 PM

حسبى الله ونعم الوكيل فى انعدام الضمير اللى اصبح فى دم الناس للاسف اصبحنا أمه ( منتهية الصﻻحيه ) .......نفس الموقف حصل مع والدى من سنه تقريبا فى عربيه لوجان 2013 كانت عامله 5700 كيلو وبالبﻻستيك الابيض اللى على الكبوت والسقف وللاسف اشتراها وإكتشفنا بعد كده انها مخبوطه من الامام خبطه محترمه ومتغير لها رفرف وكبوت وطبعا من جوه وﻻيبان عليها حاجه ؛؛ وصديق لى اشترى عربيه كوروﻻ ولما جه يرخص اكتشف انه مبلغ بسرقتها ؛؛؛؛؛؛ فعﻻ الواحد من كتر مابيحصل حوالينا بقى بيخاف يشترى مستعمل خصوصا لو عربيه حديثه ، صديقى العزيز للاسف ملكش غير حل واحد دور على مالك العربيه واتصرف معاه .

**Ahmed_Adham** · 29-01-2014 07:46 PM

طب عداد الكيلومتر ملعوب فيه انما دفتر الضمان اللي متسجل فيه الصيانات ايه أخباره؟ اللي حصل حصل وانتهى بس اللي يشتري عربيه موديل حديث لازم يطلب دفتر الضمان ويشوف الصيانات فيه بتواريخها والكيلومتر ومفيش مانع يطلب الفواتير من البايع وكمان ياخد المالك بالعربيه ويطلع التوكيل يتأكد من صحه كل البيانات وان العربيه زي الفل.

**mk3** · 29-01-2014 08:04 PM

نفكر براحه العربيه موديل حديث ازاى المالك الاصلى معيرش فتيس بالضمان
الا لو عامل كيلو متر عالى اوى اوى

**M I D O** · 29-01-2014 08:11 PM

لا حول ولا قوة الا بالله ..
بس عداد ملعوب فية ازاي و العداد ديجيتال وبعدين هل المالك القديم كان بيعمل صيانات في التوكيل وانت كمان ولا لا لان لو بتعمل صيانات ومعاك فواتير حقك تغيرة في الضمان اصل 31 الف كتيييييييييير اوي دة غير الضرائب و المصنعيات ممكن تقفل 35 الف

-

الموضوع: :::: فتيس الجوك 31 الف جنيه.....ايه الحل؟

LinkBack

أدوات الموضوع

عرض

العرض المتطور

-

-

-

-

المواضيع المتشابهه

مشكلة فتيس اوتوماتيك (اين الحل؟)

شنابر ديل فتيس الميجان . الاعراض . المشكلة . الحل

عندى مشكلة فى فتيس عربيتى أرجو الحل؟!

هيونداي كوبيه .. جابت فتيس ... طب ايه الحل ؟ انجدوني

عربيتي هيونداي كوبيه ... جابت فتيس . ايه الحل

الكلمات الدلالية لهذا الموضوع

المفضلات

المفضلات

ضوابط المشاركة