الموضوع: حسبي الله ونعم الوكيل ... في توكيل ( تويوتا ) ابو رواش !!

المشاركة الأصلية كتبت بواسطة mramzy

انا داخل بسال على الريو امبارح فى التوكيل فى روكسى محدش كان عايز يرد ولما رد هو ده نظامنا
رحت قبل منه لمحمد زكى نفس المعامله بس قابلينى من على الباب وقالى بالحجز وبعد شهر ونص يعنى برضه رد بالعافيه
ناس زوق مش عايزه تبيع عربيات

لا واحنا الي كنا دايماً نقول. المصري ابو الزوق كلو. ابو المفهومية ابو الانسانية ...
حضرتك ده طول عمرنا اهالينا يعلمونا بروتكول. الحياة من اول الي يقلك. شكراً. ترد عليه وتقلوا عفواً ... النهارده. فعلاً. البياعين ملهومش نفس يقابلوا اي زبون وبيتعاملوا مع الزبون او العميل كأنوا تحصيل حاصل. اشترى مشتراش. مش مهم .... يا اخي فين اياااااام زمان فييييين. ده واللهي ثم واللهي ثم واللهي. لمن كنا بنخوش اي محل علشان نتفرج كان البياع يبعت يجيب قزازتين كازوزة. بيبسي كولا ولا حتى اسبورت ويقوم فاتحهم. طبعاً. كنا ننحرج. ونطر نشتري. ماهو الراجل بعت جاب وفتح قزازة سفن :) ياااااااااه. ياااااااااه فين. اخلاق مصرين زمان فين. ... كان الواحد. من كتر المعاملة الحلوة للبياعين كان بيتصاحب. عليهم وتبقى عشررررررررة بينك وبينهم ... ولو جيت تشتري من عندوا. يسئلك. اخبار الحج ايه. وايه اخبار الحجة .... ده وانا ماشي من عندوا كان البياع منهم يمسك في ايدي ويقولي امانه عليك يا شيخ. السلام امانه متنساش. تسلملي على الحج. وتخليه يدعيلي ده بركيتنااااا ... طب بلاش كده

وانا صغيرررررر كنت اروح اي محل اي محل. وكنت اشتري بكلمه مش بفلوس ... كنت اقول للبياع. بابا بيسلم عليك يا عمو وبيقولك اديني كزا كزا كزا .... ويقوم البياع بايسني ومديني بون بوناية ويقولي. من عنيااااا ويلفلي طلبي على النوته . فين الكلام ده دلووووقتي فين !!! فين ابتسامة ناس زمان !

كنت بتديهم ملاليم والله والابنسامه ما تفارقش وشهم النهرده داخل تدفعلهم ؤولوفات وملهمش نفس حتى يبصوا في وشك او حتى يكلموك كلمتين على بعض ... وان اتكلم تبص تلاقيه كرلك الكلام كده ورى بعض ورى بعض كانوا حافظ كلمتين بيسمعهم وميخلكش تفهم حاجة من الي بيقولوا ... وتحياتي

المشاركة الأصلية كتبت بواسطة saddam

صديقي المواطن
والله كان نفسنا نعلق بس إنته موتت الكلام عاﻵخر وكممت أفواهنا ومنعتنا نشكر في الصين فحنظطر نقوللك الله المستعان وريح بالك بس أنا عارف إني في ناس مؤمنة بالتوكيلات بس متوصلش مرحلة أضرب مشوار ﻷي توكيل في مصر عشان بس أجيب فلتر زيت مهما كانت عبقريته
وهذا ما لزم بيانه ودمتم
وبالتوفيق وإلى الأمام ومن نصر إلى نصر
ودمتم للنضال
ملحوظة حضرتك من اﻷعضاء اللي بحبهم في المنتدى لكن لغة الحوار داخل المنتدى ليس بالمستوى الخلقي العالي الذي تعودته منك يا مواطن يا صالح

يا صدام باشا يعلم الله معزتك جوا قلبي
لكن اعيد واكرر انا دايماً بجيب الفلتر الياباني الياباني ب ٥٥ جنية اخر مره جبت بهذا السعر معقول. دلوقتي اشتري فلتر ب ٦٦ جنية وكمان صيني ... انا عارف ان الصين حلوة وبتنتج منتجات كتيرررررر وحلوة ، وانا والله العظيم ليه ابن عم. دكتور صغير كده في تالته طب كان عاوز يجيب عربية وسئلني عاوز عربية مستعملة وكان هيبيض على جولف ٩٩. قلتلوا لأ هات. عربية زيروا. يا فيرنا يا دايو. يا ام جراند حتى لو مكاوناتهم صيني فهيبقوا افضل مليون الف مره ... والحمد الله ربنا كرموا بالام جراند جابها اللون الشمبين حلوة ... لكن. لنكون. صريحين ومثلاً في عربية شبه الميكروباص التويوتا. شغل الصين بتتباع. وكانت ب ٨٠.٠٠٠ جنية و٩٠ الف. ايام مكان ميكروباص تويوتا يسوى ربع مليون وانتا طالع .

ناس كتيرررر اشتريتوا وفرحوا بيه انوا ميكروباص والي يشوفوا يقول عليها تويوتا وكده ونفس قطع الغيار تقريباً هيا هيا ... بس تعاله اسئل اي سواق عنوا هيقولك الميكروباص حتى لو محمل. في الملفات بيقلب. مش زي ميكروباص تويوتا الاصلي بسم الله مشاء الله ... تبارك الله والله اكبر ... سلعه بقرش وسلعه. بعشر قروش. الغالي تمنوا فيه .

ناس كتير بتستهين. بالفلتر وتقول ماهو فلتر وعاااااااادي. .... وانا بقول لأ مش عادي تصور لو ركبت فلتر اي كلام وساح او المكونات الداخليه اتفتت ودخلت مع الزيت في مجاري متور العربية. وسدت طرومبت الزيت لا قدر الله ... طبعاً لو ده حصل. هتخش في موال. متور جديد لان المتور ساعتها هيتحرق. لا قدر الله وكل ده علشان فلترررر . الموضوع كبير مش صغير ... فانا ليه اخاطر ... لكن بغض النظر انتا انتا يا راجل يا طيب بتجيب فلتر العربية الصيني بكام ؟ هل في فلتر صيني في الدنيا ب ٦٦ جنية !!! اشك !

ثانياً ليه الواد بتاع قسم قطع الغيار مقليش قبل ما ادفع ان الفلتر صيني الي موجود وبعد ما يدفعني ويبعتني على المخازن. اكتشف انو صيني ! ماهو مينفعش انتا رايح تشتري حاجة الماني. المفروض تبقى الماني. رايح تجيب حاجة يباني المفروض تبقى ياباني .... مش هنرقع في العربية. كل قطعة غيار هتبقى شكل ولون . فاهمني وهذا ما لزم بيانه وتوضيحه ... وتحياتي يا صديقي :)