ويرا ولا لانوس؟

**Tam** · 26-09-2008 09:03 AM

السلام عليكم..ياريت تفيدوني في الموضوع دة واللي يرجح حاجة يقول لي يرجحها ليه..لأني خلاص في خلال الإسبوع الجاي دة إن شاء الله أجيب واحدة من الإتنين خصوصا إن سعرهم مقارب جدا لبعض..أجيب دايو لانوس ولا بروتون ويرا؟وماخبيش عليكم أنا ميال للويرا أكتر..إيه رأيكم؟

**Tam** · 27-09-2008 05:42 PM

ولا واحد عارف؟إيه كله بقى يركب ألماني وإيطالي وياباني وبطلتوا تركبوا الكوري والماليزي ولا إيه؟

**belal rashed** · 27-09-2008 05:46 PM

لانوس( قطع غيار-إنتشار-سهولة الصيانه)+سعر إعادة البيع.

**khpopo** · 27-09-2008 06:34 PM

ويرا
اقوى واثبت واصاج افضل والشكل رغم انة قديم بس احلى.. كماليات اكتر طبعا صالون وشنطة تمام وجنوط غالبا
قطع غيار لانوس
اعادة بيع لانوس
متعة قيادة سيارات بروتون لايعلى عليها ولن تعرف قيمة هذا الا بالتجربة
رنا يوفق

**hazem_khidr** · 27-09-2008 06:37 PM

الويرا ركوبه افضل من اللانوس
بس زي ما بلال باشا قالك اللانوس سهوله في الصيانه و قطع غيار و اعاده بيع.
انا لو مكانك و عاوز اجيب عربيه تعيش معايا حجيب الويرا.
لو ناوي ابيع علي طول يبقي لانوس

**Tam** · 27-09-2008 07:08 PM

أنا مش عارف أقول لكم إيه..متشكر جدا جدا دي قليلة
أنا فعلا مش من النوع اللي بيقلب..أنا باجيب العربية تريحني وتقعد معايا..لأن نفس الكلام حصل معايا لما جيت أشتري كانت إمكانياتي 128 أو ريتمو..برضه الناس قالتلي الريتمو ركوبة أحلى بس ال 128 بياعة..أنا قلت أنا مس تاجر ويهمني الحاجة اللي تريحني..وفعلا عن تجربة بجد يعني مافيش مقارنة..لو ميزة اللانوس البيع فدي مش مهمة عندي أوي يعني..وقطع الغيار أنا سألت لقيت الفرق حاجات بسيطة وفي حاجات نفس السعر..أنا سمعت إن الويرا ثابتة حتى على السرعات العالية..أنا لما جربتها ما عدتش ال 120 عشان ماكانتش بتاعتي وكانت ثابتة ما شاء الله..ياريت تكون كدة على السرعات الأعلى وشكرا ليكم جدا