سلام عليكم يا رجاله .. انا معايا f3 موديل 2007 و عايز اظبط حاجات كتير و مش عارف هاعمل ايه فين ولا بكام :')
اول حاجه عايز اغير كاوتش البابين اللى ورا علشان اتاكلوا و قفل الباب بقى صعب شويه .. يا ترى اشترى الكاوتش ده منين و بكام و مين يركبهولى كويس ؟!
كاوتش الباب في عابدين (شارع حسن الأكبر قبل ما توصل باب اللوق على اليمين) فيه كذا محل بيبيع وطبعاً الأسعار على حسب الخامة .. وأعتقد أنه ممكن يركبهولك
تانى حاجه لمبه الصالون اتحرقت .. اجيب غيرها منين و تبقى بكام ؟!
تالت حاجه عايز مساحتين جداد .. منين و بكام برضه علشان انا لسه جديد و اول مره الف و اشترى لوحدى :d
فك القديمة واشتريهم من عند أي حد بتاع قطع غيار
رابع حاجه .. البربيريز اللى قدام مشروخ شرخ محترم ممكن اجيب غيره منين و بكام ؟!
د. جريش في العاشر من رمضان وأعتقد تمنه حيكون أرخص من أي حد (مش فاكر السعر بالظبط)
خامس حاجه عايز طقم طاسات و ده من التوفيقيه عادى بس مش عارف هيا مقاسها كام اساسا .. هى بالجنط الحديد الستوك :d
15 ولو عاوز تتأكد شوف الكاوتش مكتوب عليه كام
سادس حاجه مسند الرجل الشمال اللى جنب الدبرياج اتكسر و محتاج غيره ضرورى جدا .. ممكن الاقيه فين ده ؟!
معنديش فكرة بصراحة بس هو الموضوع غريب شوية
سابع حاجه و الاخيره الحمد لله .. عايز اغسل العربيه من بره و اغسل حوض الموتور و عايز ارفعها عند حد يشحملى العفشه و يربطها و يغسل العربيه من تحت .. فين و تتكلف كام برضه.
أي بنزيمة تكون كويسة تعمل الموضوع ده .. وأرشحلك بنزيمة شل في شارع الطيران أمام جامع نوري خطاب
انا اسف يا رجاله طلباتى كتير بس صدقونى انا مش عارف حاجه و مستنى رأيكم :)
و شكراااااااا :)
المفضلات