الموضوع: نظفت البوابه فالعربيه تلتت

المشاركة الأصلية كتبت بواسطة organic_magic

انا اخدت وصله ديركت من البطاريه علي الرشاش ونفس المشكله لسه برضك متلته يعنى مطلعتش مشكله رشاشات

طيب معلش استحملنى و غير الرشاش بواحد تانى و جرب على نفس فيشتة و و شيل سلك البوجية و شوف
و غير سلك البوجية اللى رايح للسلندر ده و جرب انا عارف انك زهقت بس احسن متروح لصنايعى يقعد يفتى فى الموضوع دة

المشاركة الأصلية كتبت بواسطة بيشوى_رمزى

طيب معلش استحملنى و غير الرشاش بواحد تانى و جرب على نفس فيشتة و و شيل سلك البوجية و شوف
و غير سلك البوجية اللى رايح للسلندر ده و جرب انا عارف انك زهقت بس احسن متروح لصنايعى يقعد يفتى فى الموضوع دة

اولا اتوجه بخالص الشكر للعضو بشوى علي ما قدم منه من نصائح قيمه وراى صائب
وطبعا لا انكر فضل باقي الاعضاء الذين ساعدوا وجابوا علي التساؤلات التى طرحت

ثانيا انا امبارح مقضي يوم زى الزفت في الحرفيين من الساعه 10 الصبح لحد الساعه 7 بليل

كل اللي استفدته انى اعدت تقسيمه سير الكاتينه وبس
وكل الباقي تجارب فاشله (من تغيير موبينه – سلوك بيجوهات - ........)

المهم انا سمعت نصيحه بشوى وفكيت المسطره ( بعد عذاب انا معايا الماكينه التيجرا 1600 طبعا المنافولد فوق المكنه يعنى لازم احله كله الاول وقد كان )

خرجت ال 4 رشاشات واختبرتهم ولاقيت واحد قاطع النفس

اخدت تاكسي وجريت علي مركز ( علي قده) بس عنده جهاز الرشاشات وحطيتهم عل الجهاز وفعلا طلع اللي كنت معلم عليه خربااااان
جبت واحد مستعمل من عنده علشان بس اجرب اشوف المشكله هتتحل ولا لا وطبعا كان فيه جوز رشاشات بيشاوروا عقلهم بيسيلوا

ركبتهم تانى والتتليته غارت والمكنه اظبطت وبقت زى الفل الحمد لله

بس رجعت لنفس مشكلتى الاولانيه وهى ان rpm واطي علي السلانسيه يعنى بيوصل ل 650 وساعات 500
طيب بما انى اكتشفت ان فيه جوز رشاشات بيسيلوا لما بخبط عليهم من فوق بيبطلوا تسيل
التسييل بان في الجهاز علي السرعات العاليه وبالخبط اتظبطوا في السرعات القليله

ممكن دول اللي مبرجلين الدنيا وبياخروا الدواره في الصبح (هى بتدور معايا من اول تكه مارش بس لازم اجيبه للاخر) ؟؟؟؟

انا تقريبا بشبه علي الرشاشات دي هي تقريبا بتاعه الاكسينت القديمه صح ؟؟؟
ياريت لو حد يقدر يفيدنى بصوره علشان بعد مركبت المنافولد وصلت خراطيم هوا مكان بعض هو مفيش صوت تسريب خالص بس حاسس بعك انا عملته بعد موصلت

يا معلم ما انت اللى قايلنا الحل بس احنا كنا بنفكر مع بعض