السلام عليكم

رغم كوني واحد من أكثر المدافعين عن قوة فرامل الفيرنا، إلا أني في أخر أسبوع دا بيحصلي حاجات غريبة وحاسس إني أتنحست على أقل تقدير . لإن من حسنات الفيرنا هي قوة فراملها فعلاً و لكن الظاهر الموضوع بيبقى فيه إن بعد ال10 الاف!


عربية صاحبي كنت بعمل بيها شقلباظات من فترة كدا "أسبوع بالضبط" و من بعدها الفرامل بقت مش زي الأول ورحت ظبت زوايا و ظبت هوا الكاوتشات ومن بعدها الحمد لله الفرامل تمام "حسب نصائح الأخوة في المنتدى هنا برضو"

المفاجئة بقا هي :

أول إمبارح لاقيت عربيتي فراملها بقت غريبة، و بمعنى أوضح إن الضغط على دواسة الفرامل بقى ينزل الدواسة لتحت أكتر شوية عشان تبدأ تفرمل بقوتها المعهودة.

طبعا دي أنا لا أمركت بيها ولا عملت أي شقلباظات (دنا حتى مبجريش بيها بسبب زحمة رمضان الجمييييييلة)

رحت ظبت هوا الكاوتشات والزوايا وقلت يمكن هو دا السبب زي عربية صاحبي ولكن لم يتغير شيء...بجد حاسس إني هبدأ أنفسن من الفيرنا بسبب تكرر مشكلة الفرامل دي.

حد عنده أي مقترحات ؟ ولا أخدها من أصرها و أروح ع التوكيل؟ وياترى هيفهمو أنا قصدي أيه ولا هيكروتوني؟ و لابد من إستخدام الواسطة بتاعت المنتدى :smile: الأستاذ المهندس عاطف؟

أرائكم يا باشمهندزين..


وشكرا ليكم مقدما .