سفرية للسخنة لتليين النيسان

**Ah.Farid** · 02-02-2014 03:24 PM

امبارح كنت مرتب ان اطلع سفرية للعين السخنة علشان تليين النيسان 2014 لانى من ساعة ما استلمتها وانا خروجى قليل بيها المهم كان الكيلو متر عامل 300 كيلو رحت الرحلة ورجعت العداد عامل 700 كيلو
تفاصيل الرحلة

بداية الرحلة من الدائرى فيصل ولغاية الكيلو 60 فى طريق العين السخنة السحب لسة مش اللى هوا
يعنى مهما تدوس الار بى ام اخرة 2500 لفة والسرعة كبرها 80

المهم جربت غيار d1 فى مطلع كدة لقيت الار بى نط لخاية 6000 لفة وصوت الموتور عالى فجأة رحت مرجعة بسرعة (هل دة عادى ولا اية)

بعد حوالى ساعة من المشى بدأت العربية تزيد فى السرعة مع زيادة البنزين يعنى تحسن نسبى
ووصلت لحد 120 كيلو وانتظرت ان الجرس التحذيرى بتاع 120 يضرب لاقيتة مش ماضربش

المهم مارضيتش اقرص قلت خليها على ماشية كويس وبعد ما اعمل صيانة الالف هاقولكم السحب اتحسن ولا لا

الحمد لله رجعت انا والاولاد بالسلامة بس كانت رحلة شيقة وتغيير جو على السريع كدة

**elmoski** · 02-02-2014 03:29 PM

حمد الله علي سلامتك يا باشا.. بس اللي انت عملته ده غلط لان المفروض وقت التليين متعديش سرعة 80 كم و المفروض متقرصش عليها خالص لغاية 1500 كم و الكلام ده موجود في كاتالوج السيارة.. يا ريت تبقي تبص عليه

**Ah.Farid** · 02-02-2014 03:54 PM

المشاركة الأصلية كتبت بواسطة elmoski

حمد الله علي سلامتك يا باشا.. بس اللي انت عملته ده غلط لان المفروض وقت التليين متعديش سرعة 80 كم و المفروض متقرصش عليها خالص لغاية 1500 كم و الكلام ده موجود في كاتالوج السيارة.. يا ريت تبقي تبص عليه

متشكر يا باشا على الرد بس انا ماقرصتش خالص انا كنت بحاول انى ماخليش العربية تمشى على سرعة ثابتة وقت طويل يعنى بطلع على 100 وبانزل (او بمعنى اصح بحس انا بتقلل سرعتها بدون تدخل منى )

وبعدين فية مواقف بتحكم انك تزود شوية عشان تفادى حد عاوز يعدى من جانبك وشمالك عربية نقل مثلا وخلفك واحد معندوش صبر فتضطر تجرى شوية وتاخد يمين امام العربية النقل (وانت سيد العارفين سائقى النقل وتصرفاتهم على الطريق ) بتحاول بقدر الامكان تبعد عنهم

المهم وانت جنب اى اتوبيس بيجرى جانبك الواحد بيتبت فى الدركسيون وبحس ان العربية بتبقى ريشة فى الهوا هل دة احساسى لوحدى ولا حد جالة الاحساس دة ؟

**amr011111** · 02-02-2014 03:59 PM

المشاركة الأصلية كتبت بواسطة ahmed1900

المهم وانت جنب اى اتوبيس بيجرى جانبك الواحد بيتبت فى الدركسيون وبحس ان العربية بتبقى ريشة فى الهوا هل دة احساسى لوحدى ولا حد جالة الاحساس دة ؟

فعلاً بتبقى ريشه فى الهوا وللأسف طايره من غير جناحين

**ibrahimsaad** · 02-02-2014 06:46 PM

المشاركة الأصلية كتبت بواسطة elmoski

حمد الله علي سلامتك يا باشا.. بس اللي انت عملته ده غلط لان المفروض وقت التليين متعديش سرعة 80 كم و المفروض متقرصش عليها خالص لغاية 1500 كم و الكلام ده موجود في كاتالوج السيارة.. يا ريت تبقي تبص عليه

انا كمان بلين وعملت 450 ك واحيانا بس قليل كنت باوصل لسرعه 100 ك داخل البلد علشان بس ماتكونش السرعه ثابته ياترى كده غلط

**Drsmash** · 02-02-2014 05:25 PM

انا بقي خدتها سفرية لكفر الشيخ أهو حوالي 500 كيلو رايح جاي بالمشاوير في البلد :d عملت 1000 كيلو في أسبوع تقريبا :s

**J A G U A R** · 02-02-2014 05:50 PM

ايه اخبار ثبات العربيه لغايه 120 ؟

**Ah.Farid** · 02-02-2014 07:25 PM

حقيقى انا شايف ان لو الواحد ييعمل مشاوير كتير داخل البلد واﻻشارات والزحام ﻻزم تطلع على طريق سريع بس من غير حرق او قرص على الموتور ودة بيبان فى مؤشر الار بى والمهم ان صوت الموتور ميعلاش ....يعنى جرى متوسط بدون شد ....ياريت الخبراء يفيدونا الكلام دة مقبول وﻻ ﻷ

**ashrafwolf** · 02-02-2014 09:39 PM

يا جماعه مكتوب في كاتالوج العربيه
1-فترة التليين 1600 كيلو مش 1000 كيلو
2-غلط تثبت العربيه علي ار بي ام واحده لفتره طويله (يستحسن تغيير الار بي ام كلما امكن اثناء القياده)
3-لا تتخطي 4000 ار بي ام في فترة التليين للمحرك البنزين و 2500 ار بي ام للديزل
و ان شاء الله هاعمل ابلود للورقه ديه من الكاتالوج
و والنبي بلاش فتي و ارجو قراءة الكاتلوج بعنايه و عدم الاستهزاء بيه او رميه
ديه عربيه تمنها 110 الف جنيه

الموضوع: سفرية للسخنة لتليين النيسان

LinkBack

أدوات الموضوع

عرض

العرض المتطور

سفرية للسخنة لتليين النيسان - انشر الموضوع فى :

-

-

-

-

-

المواضيع المتشابهه

طلعه للسخنة فى ثلث ساعه

حركة جنان - رحلة بالبايكس للسخنة خلال ساعتين من الآن

اية افضل طريقة لتليين الموتور ؟؟؟؟

بالنسبة لتليين السيارة

الكلمات الدلالية لهذا الموضوع

المفضلات

المفضلات

ضوابط المشاركة