اوفر درايف و صوت صفير .. نيو صني

**shady_mohamed** · 02-02-2014 06:11 PM

السلام عليكم
استفسار من رجالة نيسان ..
معايا صني 2013 وانا علي سرعة فوق 90 لما باعدي علي حتة خشنه في الاسفلت باسمع صوت تصفير خفيف مع كل هزه صغيرة .. ارجو الافاده
واستفسار تاني بقي .. هل استخدام ال overdrive كتير ليه مشاكل ؟؟! يعني انا مثلا لما باجي اعدي من عربيه والاقي نفسي ممكن اتزنق شويه باضغط علي زرار ال overdrive وبعد ما اعدي باقفله تاني .. فهل دا غلط ؟؟؟
اسف ع الاطالة ..

**Ah.Farid** · 03-02-2014 12:17 AM

ممكن اعرف اية هو ال overdrive لانى قريت عن كذا موضوع ومش فاهم يقصد اية ويعنى اية تسقيط غيار
وشكرا

**ibrahimsaad** · 03-02-2014 07:48 AM

ال over drive ده وظيفته انه بيدى عزم للموتور وقوه اثناء السير فى منحدر او مرتفع او اثناء الشد وهو بيخلى الفتيس ينزل من الرابع على الثالث وبكده تقدر تشد ولكن باستعماله استهلاك البنزين بيزيد شويه علشان كده لما تعدى او تطلع منحدر بترجعه لوضعه الطبيعى تانى

**shady_mohamed** · 03-02-2014 05:27 PM

محدش رد ليه يا رجاله .. مش متعودين كدا من رجالة نيسان

**elmoski** · 03-02-2014 06:10 PM

صوت التصفير ده ن برة ولا جوة ؟
وبالنسبة للاوفر درايف فالافضل تستخدمة للضرورة فقط

**Ah.Farid** · 03-02-2014 08:26 PM

هل فية مشكلة فى استخدام اﻻوفر دريف اثناء فترة التليين ؟ وهل هوا مختلف عن استخدام d1 او d2؟

**ibrahimsaad** · 03-02-2014 10:29 PM

اعتقد مفيش منه اى مشاكل فى فتره التليين

**AbdelRa0uf** · 03-02-2014 10:54 PM

اللى انا اقدر افيدك فيه الover drive بس انك بلاش تستخدمو كتيير و اعمل كيك داون افضل بكتييير و عن تجربة :)
يعنى و انت على ال90 دوس بنزين سنة سنة لحد متسأقط غيار لوحدها و اول متسأقط غيار هات الدواسة للأخر و شوف السحب معاك هيبقا عامل ازاى ;)

**shady_mohamed** · 04-02-2014 02:34 AM

المشاركة الأصلية كتبت بواسطة elmoski

صوت التصفير ده ن برة ولا جوة ؟
وبالنسبة للاوفر درايف فالافضل تستخدمة للضرورة فقط

والله حضرتك انا حاولت احده بالظبط ماعرفتش .. بس هو غالبا بره العربيه وشكله كدا جاي من العفشه بس ممكن يكون في ايه في العفشه مش عارف ؟؟؟؟؟؟؟؟

**elmoski** · 04-02-2014 10:38 AM

انا كان عندي صوت الصفارة ده برده ورحت مرة التوكيل كنت برجلش الهاند بريك وبعدين بعد ماركبو الفردتين اللي ورا الصوت اختفي لوحده...بس الصوت عندي كان جاي من العجلة اللي ورا شمالىكان صوت صوصوة مع الارض الغير ممهدة.. وراح لواحدة بعد ما حلو العجل وةركبوه تاني