موضوع جميل ..
انا عاوز اعرف هو لما العربية تطفى منى وانا عالأول هل دة غلط عالموتور ولا حاجة ؟ ، أنا كنت بتفصل منى فى الأول وانا طالع من اشارة او بتاع بس دلوقتى الموضوع بيحصل نادرا ً ، بس عاوز اعرف اذا كان الفصل دة تأثيره سلبى ولا مش فارقة؟.
عرض للطباعة
موضوع جميل ..
انا عاوز اعرف هو لما العربية تطفى منى وانا عالأول هل دة غلط عالموتور ولا حاجة ؟ ، أنا كنت بتفصل منى فى الأول وانا طالع من اشارة او بتاع بس دلوقتى الموضوع بيحصل نادرا ً ، بس عاوز اعرف اذا كان الفصل دة تأثيره سلبى ولا مش فارقة؟.
طيب يا محمود لو انا لسه عاملة يوترن و طبعا اليوترن هايحدفني على الناحية الشمال و بعد كده بشوية في مطلع كوبري برضه على الشمال.. في الحالة دي طبعا مش هاخد يمين عشان مسافة صغيرة وارجع آخد شمال تاني عشان أطلع الكوبري.. انا برضه لازلت مشيي بطئ فاللي بيحصل اني باكون واخدة الشمال و ماشية بطئ، بس اللي ورايا مش هايعرف اني عايزة أطلع الكوبري، و بالنسبة له انا كده معطلاه فيا إما بيكلكس جامد عشان أعديه او بيطلع من ورايا و طبعا مش بينسى يهاديني بنظرة من إياهم او شتيمة. المسافة اللي باتكلم عليها حوالي 100 متر و الطريق اللي باتكلم عنه ده على كورنيش الساحل.. خبرني بالله عليك ماذا تفعل لو كنت مكاني؟
انا عارف الحتة دي و أحلي حاجة فيها إن الأرض معليهاش حارات :tooth:
بصي المفروض يا علا لو حد قلبلك نور و إنتي ماشية شمال بطئ وسعيله .. ده في حالات إنك ماشية بطئ بطء يعطل مش في حالة إن أخينا ده هو اللي أسرع من كل العربيات اللي في الشارع و مقضيها تغريز و كبس علي خلق الله .. المهم لو يمينك فاضي وسعيله و إطلعي الكوبري من حارته اليمين مفيش مشكلة مع الوقت هتتعودي تمشي في نص الشارع بس هي محتاجة شوية تركيز .
بس موضوع التجاوز من الشمال ده مهم في الطرق السريعة أكتر زي المحور و الدائري لأن ممكن يعمل مشاكل لأن لو تجاوزتي من اليمين هتروحي للحارة الأبطأ و بالتالي تبقي محتاجة غرزة تاني .. أو يطلع اللي عاليمين مش باين ولا قدر الله اللي بيعدي يخبطه .. و ده طبعا يحقق سيولة مرورية أكتر لأن هيبقي كل واحد ماشي في مكانه الصح .. عشان كدة بتشل اما الاقي عربية نقل ولا مقطورة واخدالي الشمال و ماشي 70 عالدائري
1-حاول تعود نفسك تبص في التلات مرايات
2-حاول تعود نفسك علي استخدام الاشارات
3-سيبك من اللي بيقعد يضربلك كلاكسات كتير (طالما عامل فيها ناصح يتصرف بعيد عنك )
4-حاول تعود نفسك علي ابعاد العربيه واعرف امكانياتها كويس واعرف برجلها قد ايه (هتفيدك في اليوتيرن ومداخل الشوارع الضيقه )
5- حاول تعود نفسك من البدايه علي الغيارات الكتير وتظبط رجلك ع الدبرياج (يعني ماتفضلش محمل عليها علي طول ) معلش هتتعب في الاول لكن هترتاح وهتريح العربيه بعد كده
6-ماتحاولش تطلع علي التاني وانت لسه جديد علشان العربيه هتطفي منك وهتعطل الطريق وهيبقي شكلك وحش
7-اعرف امكانياتك كويس ولا تثق في نفسك زياده عن اللزوم
8-ما تحاولش تطلع علي الطريق لوحدك وانت لسه جديد ماتخليش فرحتك بنفسك تعميك استني شويه لما تبقي متمكن وتمسك العربيه كويس وتتحكم فيها كويس
9-نصيحه اخيره لكل اللي هيتعلم جديد اوعي تفكر تتعلم تسوق ورجليك حافيه لأنك لو اتعودت علي كده هتفضل طول عمرك تسوق حافي
10 -حاول في اول مرتين تلاته تخلي حد يعرف يسوق كويس يركب جمبك عشان يعرفك اخطاؤك
علا انتى اوتوماتيك صح؟
طلبات سريعه من اى حد بيتعلم
ابوس على دماغ كل واحد فيكو محدش يروح يتعلم فى ميدان الرمايه فى فى شارع الهرم الضهر ولا ميدان رمسيس 24 ساعه 7 ايام فى الاسبوع
حرام اما تبقى الاشارة واقفه ربع ساعه ااقل واجب ونعطل ساعه تانى فى حد بيحاول يدور العربيه
انا مش بقله ميتعلمش بس محدش بيتعلم السباحه فى المحيط
تانى طلب وهو الاهم علشان محدش يعملك مشكله متطلعش كبارى وانت مش متمكن من تحكمك فى الدواسات بنسبه 90% على الاقل
لانك لو ريحت هتريح على عربيه وراك وهتكسرله الاكصدام وهتسمعلك كلمتين ملهمش لازمه
والسيناريو التانى
انك هتوقف الكوبرى كله وهتسمع كلام انيل من اللى كنت هتسمعه لو كنت مريح على عربيه حد
اهم حاجه بقى متحاولش تعمل بلطجى وتبلطج على اى ميكروباص ماشى او تاكسى لانه ممكن يوريك ايام سوداء لو عرف انك بلطجى ومبعترفش تسوق هيقطع عنك ميه ونور ومش بعيد يشيل السلم كمان زى مسرحيه فؤد المهدنس سيدتى الجحميله
خليك مؤدب كدة وقله فى سرك ربنا سامحك احسنلك
مش بخوفكو بس انا عملتها قبل كدة على طريق المنيا مع سواق ميكروباص ونقت عليه وعملت بلطجى وطلعته فى الرمله جنب الطريق و باقى الطريق بيتلعب بيا الكورة منه ومن زمايله
أهم حاجة تضايق إنك تبقى ماشى فى الممنوع و مش مشغل الإنتظار حاة تنرفز
و كمان تيجى تركن بعد الملف على طول يقوم الى بياخد الملف يتنيه رايح جاى و موقف الشارع
و أكتر حركة تضايق تقف فى نص الشارع أو الدوران بنظام االى جاى حيخبط يعنى حيخبط