كي جي وان سواقة و عربيات

**OlaOsman** · 26-09-2008 10:32 PM

انا و غيري كتير من مبتدئي السواقة فيه عندنا أسئلة كتير.. ممكن نكون بنعمل حاجات في الشارع مش حاسين انها غلط، انما هي بتكون غلط خالص و احنا مش عارفين.. أكيد فيه حاجات بتضايق متمرسي السواقة من مبتدئيها فعلا نحب نعرفها.. محتاجين نصايح من اللي عايز فعلا يفيد.. و عشان مافيش توعية كافية بكثير من أمور السواقة و المرور و العربيات فليه ما يكونش الموضوع ده حاجة كده زي مرجع للناس اللي لسه في أول فترة سواقتها.

ممكن الموضوع ده يبقى متجدد على طول بأسئلة مبتدئي السواقة و بنصايح متمرسيها و ممكن يشمل سلوكيات الطريق، تكنيكات في السواقة، أسئلة خاصة بالعربية نفسها أو بطريقة سواقتها سواء مانيوال أو أوتوماتيك.. حتى لو حد من الناس الخبرة في السواقة شاف غلطة في الشارع عملها مبتدئ ييجي هنا و ينصح اللي لسه في أول سواقتهم انهم ما يعملوهاش و يقول لهم على التصرف الصح.

يا رب الموضوع ده يكون مفيد للجميع و يا ريت الناس اللي خبرة في السواقة هنا في المنتدى يشاركوا و يفيدوا غيرهم

**coolsh** · 26-09-2008 10:36 PM

اول نصيحه بتعصبني انا عن نفسي اوعى حد يمشى على الشمال ومش ناوي يدوس يعني بطئ خليك على اليمين او في النص لكن شمال لأ ولو اضطريت تمشي على الشمال يا ريت تلتفت للي وراك وتاخد بالك من الفلاشات والكلاكسات.....
تاني نصيحه ياريت تبصي في المرايات قبل الانتقال من حاره للتانيه وشوف يسمح ولا لا انك تدخل الحاره ده...
ودمتم سالمين

**Dr_Mido** · 26-09-2008 10:39 PM

والاهم لو هتشغل اشارة اتاكد انها شغاله لو مش متاكد مها متشغلهاش علشان انا بكرة جدا اللى بيدى شمال وانا اتصرف على اساس شمال
ومرة واحدة الاقه جاب الطريق من جنب للتانى عكس اشارته

ولو مبتدى وميكروباص زنق عليك متعملش سبع الرجال وتزنق عليه لانه ممكن يعدى بصاج البراميل بتاعه فى صاج عربيتك ويقلك انت اللى غلطان كسرت عليا او يلبسك فى رصيف

**OlaOsman** · 26-09-2008 10:46 PM

المشاركة الأصلية كتبت بواسطة coolsh

اول نصيحه بتعصبني انا عن نفسي اوعى حد يمشى على الشمال ومش ناوي يدوس يعني بطئ خليك على اليمين او في النص لكن شمال لأ ولو اضطريت تمشي على الشمال يا ريت تلتفت للي وراك وتاخد بالك من الفلاشات والكلاكسات.....
تاني نصيحه ياريت تبصي في المرايات قبل الانتقال من حاره للتانيه وشوف يسمح ولا لا انك تدخل الحاره ده...
ودمتم سالمين

المشكلة ان اليمين مصيدة للأتوبيسات و التاكسيات و كل ما هو بيقف فجأة و بيعمل ربكة للي بيسوق جديد.. ده غير ان أحيانا بيكون أتوبيس مثلا عطلان و اللي سايق واخد يمين زي ما الكتاب بيقول، يفوجأ بالأتوبيس او العربية اللي عطلانه و يبدأ يكسر شمال و يبص على المراية على اللي جاي وراه و دي بتكون صعبة اوي على اللي سايق جديد. اما المشي في النص فباحس انه مصيدة لكل اللي عايز يكسر عليك و أحيانا بتعمل نفسك ساندوتش و تضطر تهدي انت و تطلع من الاتنين اللي كبسوا عليك.. يعني تعب أعصاب.. فبيكون الحل هو أخد الشمال.. طبعا مش ده الحل الأمثل عشان الناس اللي ماشية بسرعة وواخدة الشمال هايجيلهم كده شلل أطفال، انما أحيانا بيكون ما باليد حيلة.

بالنسبة للمرايات انا باستغرب جدددددددددا من اللي ماشي قافل مراياته الاتنين.. ازاي بيعرف يمشي كده؟

شكرا جدا على النصايح

**OlaOsman** · 26-09-2008 10:52 PM

المشاركة الأصلية كتبت بواسطة Dr_Mido

والاهم لو هتشغل اشارة اتاكد انها شغاله لو مش متاكد مها متشغلهاش علشان انا بكرة جدا اللى بيدى شمال وانا اتصرف على اساس شمال
ومرة واحدة الاقه جاب الطريق من جنب للتانى عكس اشارته

ولو مبتدى وميكروباص زنق عليك متعملش سبع الرجال وتزنق عليه لانه ممكن يعدى بصاج البراميل بتاعه فى صاج عربيتك ويقلك انت اللى غلطان كسرت عليا او يلبسك فى رصيف

كلام مظبوط

**coolsh** · 26-09-2008 10:56 PM

المشاركة الأصلية كتبت بواسطة OlaOsman

المشكلة ان اليمين مصيدة للأتوبيسات و التاكسيات و كل ما هو بيقف فجأة و بيعمل ربكة للي بيسوق جديد.. ده غير ان أحيانا بيكون أتوبيس مثلا عطلان و اللي سايق واخد يمين زي ما الكتاب بيقول، يفوجأ بالأتوبيس او العربية اللي عطلانه و يبدأ يكسر شمال و يبص على المراية على اللي جاي وراه و دي بتكون صعبة اوي على اللي سايق جديد. اما المشي في النص فباحس انه مصيدة لكل اللي عايز يكسر عليك و أحيانا بتعمل نفسك ساندوتش و تضطر تهدي انت و تطلع من الاتنين اللي كبسوا عليك.. يعني تعب أعصاب.. فبيكون الحل هو أخد الشمال.. طبعا مش ده الحل الأمثل عشان الناس اللي ماشية بسرعة وواخدة الشمال هايجيلهم كده شلل أطفال، انما أحيانا بيكون ما باليد حيلة.

بالنسبة للمرايات انا باستغرب جدددددددددا من اللي ماشي قافل مراياته الاتنين.. ازاي بيعرف يمشي كده؟

شكرا جدا على النصايح

كلامك مظبوط بس حتى لو مشيتي على الشمال خدي بالك من الي ورااكي...اما بالنسبه للمرايااااات الي بيكونوا قافلينها انا بزينون عالي بأدبهم في المرايه الي في النص..ولو منفعش كلاكساااااات لما يزهق من حياااته...وانتي تأمري..

**OlaOsman** · 26-09-2008 11:02 PM

المشاركة الأصلية كتبت بواسطة coolsh

يا ريت تلتفت للي وراك وتاخد بالك من الفلاشات والكلاكسات.....

طيب بالنسبة للغة الفلاشات و تقليب النور انا باعتبر نفسي ضعيفة فيها حبتين.. فممكن بعد إذنك تشرح لي عنها أكتر.

**blazer** · 26-09-2008 11:12 PM

موضوع مفيد فعلا ربنا يبارك ليكى :)
من الحاجت اللى برده بتتعمل و بتكون غلط :
1- الفرامل اثناء منازل الكوبرى :يعنى المبتدئين مبياخدوش بالهم ان العربيه بتزيد سرعتها جامد اثناء المنازل فبيجى مره واحده دايس فرامل ودا طبعا غلط جدا لازم يخلى باله من سرعته و يحاول يفضل مثبتها اثناء المنزل بلضغط الخفيف على الفرامل .
2-لو انت ماشى فى طريق جديد اول مره (ودا المفروض لكل الناس سواق جديد او قديم)خللى باللك و امشى بلهداوه و بلراحه لانك مش عامل حسابك على المطبات و الحفر والبلاعات واللذى منه
3-فى بدايه سواقتك حاول متشغلش الكاسيت بصوت عالىو على قد ما تقدر افضل فاتح زجاج الشباك اللى جمك عشان تقدر تحس بلطريق و بعربيتك وبصوت الماتور تعرف امتى على وامتى لا
4-لما تكون فى كطلع كبرى والطريق واقف ارفع الهاند بريك ولما الطريق يتحرك متنزلهاش الا لما تكون حاطط العربيه على الترس الاول (الغيار اول) ودايس بنزين خفيف بعد كدا نزل دراع الهاند عشان العربيه مترجعش ورا
5-عشان تتعود على العربيه انزل كدا مره الفجر وافضل لف بلعربيه فى الشارع وحاول تاخد ملفات يمين وشمال على قد ماتقدر عشان تقدر تحفظ زوايا العربيه و تقدر تتعلم ازاى تركن العربيه فى مكان ديق بسهوله و سرعه
بس كدا هو دا اللى انا فاكره دلوقتى :)

**OlaOsman** · 26-09-2008 11:21 PM

المشاركة الأصلية كتبت بواسطة blazer

موضوع مفيد فعلا ربنا يبارك ليكى :)
من الحاجت اللى برده بتتعمل و بتكون غلط :
1- الفرامل اثناء منازل الكوبرى :يعنى المبتدئين مبياخدوش بالهم ان العربيه بتزيد سرعتها جامد اثناء المنازل فبيجى مره واحده دايس فرامل ودا طبعا غلط جدا لازم يخلى باله من سرعته و يحاول يفضل مثبتها اثناء المنزل بلضغط الخفيف على الفرامل .
2-لو انت ماشى فى طريق جديد اول مره (ودا المفروض لكل الناس سواق جديد او قديم)خللى باللك و امشى بلهداوه و بلراحه لانك مش عامل حسابك على المطبات و الحفر والبلاعات واللذى منه
3-فى بدايه سواقتك حاول متشغلش الكاسيت بصوت عالىو على قد ما تقدر افضل فاتح زجاج الشباك اللى جمك عشان تقدر تحس بلطريق و بعربيتك وبصوت الماتور تعرف امتى على وامتى لا
4-لما تكون فى كطلع كبرى والطريق واقف ارفع الهاند بريك ولما الطريق يتحرك متنزلهاش الا لما تكون حاطط العربيه على الترس الاول (الغيار اول) ودايس بنزين خفيف بعد كدا نزل دراع الهاند عشان العربيه مترجعش ورا
5-عشان تتعود على العربيه انزل كدا مره الفجر وافضل لف بلعربيه فى الشارع وحاول تاخد ملفات يمين وشمال على قد ماتقدر عشان تقدر تحفظ زوايا العربيه و تقدر تتعلم ازاى تركن العربيه فى مكان ديق بسهوله و سرعه
بس كدا هو دا اللى انا فاكره دلوقتى :)

جزاك الله خيرا على التفاعل

طيب بالنسبة لمطالع ومنازل الكباري لما تكون واقفة و العربية أوتوماتيك، اعمل ايه؟

**MoToRiZeR** · 26-09-2008 11:26 PM

هي حاجة بسيطة بس لو إتعملت مش هنحس بإن الشارع مليان تعابين و أكروبات
التجاوز من الشمال يا بشر !

يعني لو الشارع 3 حارات هيبقي متقسم اليمين بطئ .. النص الأسرع .. ثم الشمال الأسرع

فا السرعة مرتبطة بالناحية الشمال .. و بما إنك مش هتتجاوز اللي قدامك إلا لو إنت أسرع منه فا هتتجه للحارة الأسرع و هي الشمال .. لو هتهدي عشان تعمل حاجة أو تتكلم في الموبايل إلزم اليمين .. لو عربيتك عطلت إوعي تقف عالشمال

فا لو علي طريق سريع يفضل إنك متطلعش من حد إلا من عالشمال و لو إنت ماشي عالشمال يبقي تشد حيلك شوية و بلاش نوم

الموضوع: كي جي وان سواقة و عربيات

LinkBack

أدوات الموضوع

عرض

-

-

-

-

-

المواضيع المتشابهه

سواقة السيدات

سواقة عربيات نقل

ا ب سواقة

معلم سواقة

سواقة بنات

الكلمات الدلالية لهذا الموضوع

المفضلات

المفضلات

ضوابط المشاركة