العربية مش بتدور الا بالشفاط

**محمود سيد محمو** · 03-02-2014 12:28 PM

حصل حاجة غريبة امبارح بدور العربية اخر النهار لقيتها مش عايزة تدور الا بالشفاط وفضلت ماشى بيها حوالى ساعة ونصف وكل ما اطفئ الشفاط تفصل العربية وما تدورش ولازم اشد الشفاط عشان تدور تانى والنهاردة الصبح نفس الموضوع ودلوقتى انا ماشى على الشفاط على طول وده مخلى العربية صوتها عالى قوى وبتستهلك طبعا بنزين اكتر

**Zing0** · 03-02-2014 12:54 PM

حاول تنضف بيك السلانسية
تفكه و تنفخ فيه جامد أو تسلكه بشعرة سللك كهربا و تركبه تانى و جرب
لو مكانش كده يبقى هتنضف الكربراتير من جوه ببنزين أو إسبراى و تسلك خراطيم البنزين بهوا مضغوط
و بالمرة تتأكد من ضغط طرمبة البنزين و نضافة فلتر البنزين و الهوا
و متنساش تنضف البوجيهات لأنها أكيد بقى عليها كربون كتير من إستهلاك البنزين العالى الفترة إللى فاتت بسبب الشفاط.
و إن شاء الله بسيطه

**hassanin_lada** · 03-02-2014 01:59 PM

لو العربية بترزع معاك او بتقطع

كده ابلاتين وكوندونسر
لو مافيش حاجه بس بتطفي منك اول ماتشيل رجلك من علي البنزين كده الكاربرتير عاوز يتظبط مش اكتر :)

**محمود سيد محمو** · 03-02-2014 02:27 PM

هى بتطفى منى اول ما بشيل رجلى من على البنزين وبس
مع انى لسة منظف الكربراتير من قريب
على العموم هاروح النهاردة للميكانيكى ويشوف ايه الموضوع

**محمود سيد محمو** · 04-02-2014 11:26 AM

المشكلة اتحلت الحمد لله
روحت للميكانيكى وعرفت ان السبب خرطوم كاوتش متوصل بالكاربرتير كان اتقطم فكه وركبه تانى والعربية الحمد لله بقت زى الفل

**hassanin_lada** · 04-02-2014 03:13 PM

المشاركة الأصلية كتبت بواسطة محمود سيد محمو

المشكلة اتحلت الحمد لله
روحت للميكانيكى وعرفت ان السبب خرطوم كاوتش متوصل بالكاربرتير كان اتقطم فكه وركبه تانى والعربية الحمد لله بقت زى الفل

ايوه بيرجل العربية

**Killed B-4** · 04-02-2014 10:27 PM

غالبا الكهربه فيها مشكله يعنى يا ابلاتين وكوندنسر يا بوجيهات يا سلوك بوجيهات يا موبينه وعشان تعرف ايه المشكله فك البوجيهات واحرقها ونطفها و اظبط الفجوه بتاعتها ان امكن وحطها وأكد انك ركبت سلوكها كلها صح و جرب لو مفيش تغيير غير طقم ابلاتين وكوندنسر لو لسه مافيش نغيير خلى الميكانيكى يجرب موبينه تانيه من عنده بس يكون متأكد انها شغاله لو دارت كويس تبقى موبينه ومش معنى ان الموبينه بتطلع شراره انها شغاله كويس ممكن تكون بتطلع شراره بس ضعيفه