ما هي الاشياء التي يتم تعديلها في لادا 2107 عند شرائها زيرو

**angel83** · 20-01-2014 10:53 PM

يعني ما هي الحاجات اللي اعدلها في الميكانيكا بتاعت العربيه لما اشتريها زيرو عشان انا بسمع ان هيا بتنزل بعيوب
اللي سمعته انه بيتم الغاء الثرموستات بتاعتها عشان السخونيه وبتتعمل مروحه درك شغاله عالطول هل ده صح ولا نغير الثرموستات باخري تشغل المروحه كتير عشان الحراره متعلاش ولا ده هيقصر من عمر البطاريه ايضا بيتم خلع ثرموستات الكوعه عشان السخونيه بردوه وسمعت ناس بتقول غلط ايضا بيتم تغيير الديسك والاسطوانه ايضا بيتم تغيير اليايات الخلفيه لضعفها فهل هذه المعلومات غلط ؟اوفيها شئ من الغلط ؟
ارجو عند الرد لذوي الخبره الاجابة بالتفصيل عن كل معلومه لأفادة الغير وجزاكم الله كل خير ونأسف للأطاله وشكرا

**Y a r i s** · 21-01-2014 01:36 AM

متابع

**hugan** · 21-01-2014 02:29 AM

من خبرتي في الشاهين
المروحه الدرك صيفا مروحه كهرباء شتاءا

**kokololososo** · 23-01-2014 03:28 AM

طب هي يا جماعة عمله زي كل الزيرو ؟
يعني لو الواحد اهمل شوية صغيرة في الصيانة تمشي كويس برده؟
اصل اخوياه معاه ماروتي ومش مهتم كويس بالصيانة .. وماشية كويس بس انا بكره اوي شكلها وضعف عفشتها
لو انا بحب الزيرو ايه رأيكو في اللادا بالنسبة للحاجات اللي في سعرها زي الماروتي والألتو ؟
مع العلم ان الألتو ممتازة بس مشكلتها في قطع الغيار علي المدي البعيد وقطع غيارها غالية بالنسبة لسعرها وامكانيتها
دلوني يا رجالة

**Hosam_fouad** · 23-01-2014 11:37 AM

يعني انت هتكون بتفهم عن الخواجه وتيجي تعدل في العربيه وتشيل وتحط سيبها زي ما هي وبالأخص كوع الثرموثتات اوعي تفكر تشيله في حياتك

**محمد ابو المجد** · 24-01-2014 01:41 PM

عربيه اصيله جدا وانا مع الاخ اللي بيقول متغيرش حاجه فيها

**angel83** · 25-01-2014 08:11 PM

المشاركة الأصلية كتبت بواسطة hassanin_lada

مبدأيا بلاش لادا زيرو

هات حاجه استعمال نضيف افضل

لو قفلت معاك وهتجيبها يبقي تسيب كل حاجه زي ماهي وانت تحكم بنفسك

يعني انا معاايا العربية من 3 سنين وزي الفل بالمروحة الكهربا ومافيش اي مشاكل

انت بس اهم حاجه عينك تبقي متباعه المؤشرات كلها واهم واحد الحرارة

اليايات هي بتنزل طرية عشان تتلائم مع الشوارع بتاعتنا لكن لو انت مش عجباك ممكن تغيرهم بيايات 132 وتقص لفة ونص منها

اهم حاجه انك لما هتستلم العربية بص الجكمان هتلاقيه مدلدل تطلع بالعربية لواحد بس محترم يظبطلك الجكمان

وبعدين قرر هل العربية محتاجه تغيرلها سوسة ولا لا لان اللي بيحك الجكمان بسبب انه مدلدل

وسيب ترموستات الكوعه لحد مالعربية تسخن منك قعد سنه 2 او حتي 10 وجوده افضل من عدمه

ليه !!

هقولك انا ترموستات الكوعه فكرته انه في الصبح بيبقي قافل (زي المحبس) فالميه اللي في وش السلندر بتفضل تدور ف ده بيخلي العربية تسخن بسرعه في الصبح (الشتاء)
وبعدين يفتح

وده بيوفرلك وقت وبنزين بدل ماتقعد ربع ساعه الصبح مدور العربية هي 5 دقايق بالكتير هتلاقي العربية سخنة

وافضل اداء للسيارة والزيت المتور هي درجة حرارة ال 90

شكرا لرد حضرتك
يعني رأي حضرتك ان اسيبها زي ما هيا معملش فيها غير الشكمان ؟
ولا اعمل الشكمان وألغي الترموستات واخلي المروحه درك لاني بصراحه اكتر مشكله خايف منها هيا الحراره لاني بصراحه لو العربيه سخنت مش هاخد بالي وبعدين الواحد يخاف تجيله سفريه تسخن منك في الطريق وهتبقي مشكله زي مابسمع كل كام كيلو اقف شويه عشان العربية تبرد؟؟؟؟؟؟؟؟؟؟؟

**hassanin_lada** · 26-01-2014 06:28 PM

خلاص يبقي غير الترموستات بس
وخلي المروحه كهربا زي ماهي واظبط الجكمان

عاوز اقولك معلومة المروحه الكهربا بتلف حوالي 2500 لفة في الدقيقة
يعني لو لغيتها وماشي في نص البلد وواقف في الزحمة لو خليتها تلف مع المتور
عدد لفات المتور علي السلانسيه بتبقي من 500 ل 700 لفة في الدقيقه

يبقي مين اللي هيبرد احسن من التاني !!

بعدين علي الطريق الطوالي العربية بتبقي ماشية بسرعه عالية فقوة الهوا المقابلة بتبرد المتور بكفاية

عاوز اقولك انا لما بطلع علي الطريق علي سرعة 140 مؤشر الحرارة مش بيزيد عن التلت
لكن في نص البلد بيبقي علي النص بالظبط

انا وضحتلك والاخيتار ليك

-

الموضوع: ما هي الاشياء التي يتم تعديلها في لادا 2107 عند شرائها زيرو

LinkBack

أدوات الموضوع

عرض

ما هي الاشياء التي يتم تعديلها في لادا 2107 عند شرائها زيرو - انشر الموضوع فى :

-

-

-

-

المواضيع المتشابهه

عاوز اجيب لادا 2107 روسى زيرو

عاوز اشترى لادا 2107 جديده زيرو.... ايه رأيكم؟!

لادا 2107 -- كسر زيرو -- للبيع لدواعى السفر

اقدم علي شراء لادا 2107 زيرو لدي بعض الاستفسارات

مساعدة لشراء لادا 2107 زيرو

الكلمات الدلالية لهذا الموضوع

المفضلات

المفضلات

ضوابط المشاركة