ربنا يرحمنا برحمته
والله كل شوية بيجيلى حالات اكتئاب
من الأوضاع الزفت اللى عايشينها
عرض للطباعة
ربنا يرحمنا برحمته
والله كل شوية بيجيلى حالات اكتئاب
من الأوضاع الزفت اللى عايشينها
طب ونعمل ايه.هل ننزل نضرب فى بعض ولا نفضل طول اليوم نتخانق.
فكرتنى بسواق مينى باص حكومى.والطريق واقف وهو بيزقنى بالراحة بالاكصدامات فى بعضها لحد ما ربنا كرمنى وعرفت انزل والحمد لله على كل حال.
اللهم ارحمنا برحمتك الواسعة.اللهم امين.
انا متابع باهتمام ...... :)
حكاية يزقك من ورا عشان تمشي دي بتعكس إنحطاط خلقي يحتاج إلي أخذ دوره تدريبية في لمعرفة الفرق بين الوقوف في طابور عيش وسواقة العربيات (وأن كان حتي الطابور ليه قوانين ممكن المشي وسط قطيع من الخرفان أفضل )
اللهم لك الحمد والشكر ناس الاقصر جدعان ومفيش البلاوى اللى فى مصر
هقول لك على حاجه أنا بعملها .. ممكن تسميها سلبية .. بس بصراحة أنا موصلتش لكده من فراغ .. عيش في مصر كأنك عايش في عشة فراخ .. أو أقل من عشة فراخ .. لأن البلد مافيهاش قواعد لأي حاجه و محدش فاهم حاجه ولا حد اتعلم ازاي يسوق .. و مش هتعرف تقنع واحد ماشي غلط انه ماشي غلط .. ولا حد مثلا انه هو المفروض يستناك عشان انت اللي بتلف الصينية لأنه ميعرفش ايه الصح .. و حتى لو عارف .. عشان مفيش عقاب فهو مبيعملوش.
أنا قبل كده لما كان حد يخبطني كنت أنزل و أناقش و أجادل بأدب طبعا .. و لما يكون اللي خبطني هو اللي غلطان .. كنت أكلم واحد صاحبي ضابط في القسم .. يقول لي لو كسرلك فانوس و عرفت تاخد منه تمنه خده و انت واقف .. عشان لو مشيت مع القانون مش هتاخد حق ولا باطل .. و كان لما حد يزنق عليه أقول له انت غلطان و أشرح له ليه و كده .. و لا حياة لمن تنادي .. اللي يقول لك كبر دماغك .. و اللي يقول لك متشغلش بالك .. و هكذا
مؤخرا عيل راكب ميكروباص خبط فيه من ورا كسر لي الاكصدام .. نزلت بصيت و سبته و مشيت .. اتنين راكبين موتوسيكل صيني جايين مخالف و بيخبط لي على الكبود عشان أنا مش شايفه و بيشتمني (و الله العظيم كان في راجل ماشي في الشارع خبط كف بكف) .. واحد بعربية نص نقل مره واحده لقيته في وشي جاي مخالف في طريق اتجاه واحد .. كسرت يمين جامد و فاديته و والله ما كلمته .. طلع رأسه من الشباك و شتمني .. واحد راكب ميكروباص سوزوكي كسر لي الفانوس اللي ورا بتاع عربية أخويا .. نزل و قال لي مش معايا فلوس .. قلت له طيب أنا مش مسامح ... و الله فرح جداااا .. فرحان انه مش هيدفع فلوس .. و مواقف شابهه كتيييييير.
كبرت دماغي و حطيت المبدأ اللي قلت لك عليك فوق و لا بناقش ولا بجادل و بصراحه أريح كتيير.
بصراحة انا عاذرك انا اما عربيتى بتتخبط مبقتش انزل ابص اساسا ... بس ساعات بيجيلى تخيلات انى لو معايا طبنجة (مسدس) وكل واحد يمشى عكسى او يعلى النور انزل اجيبله الاربع فرد عالأرض او اكسر له الازاز كنا هنبقى عايشين فالمدينة الفاضلة لأن احنا ناس مش بنمشى الا بالخوف والكورباج (مش هقول كله بس قول 70% منه) وارجع اقول تانى المحترم ملوش مكان فى مستنقع العفن اللى بقينا عايشين فيه
على راى اخونا صدام .. احنا انتهينا خلاااااااااااااااااااص
بتوع الميكروباصات والموتسيكلات الآتنين دول ديما تلقيهم طلعين بمشهدين
المشهد الآول جرب او حاول تلمسه مش بوسه بقولك تلمسه
يلاههههههههههزى تسمع بقى كلام والاقساط اللى على العربيه والعيشه واللى عيشنها واستنا مكانك وخبط على الكبوت
مره شوفت واحد خبط تاكسى والله خفيفه وخلاص متعملش الفلم ده كله الراجل اداله حق التصليح عارف بتاع التاكسى عاوز ايه كمان عاوز حق العطله اه والله قاله دى هتاخد تصليح يوم بحاله
المشهد الثنى يكون هو اللى مبهدلك
تسمع كلام غريب اصل واحد رما عليا يا باشا انت ماشى على مهلك
كلام غريب وملوش اى علاقه بواقع او منطق وفى الاخر معلش معيش فلوس
انا قاعد بقرا التعليقات كلها بضحك على الى مكتوب وفى نفس الوقت بزعل من الى الواحد وصلوا انا الاول كنت ازعق وازمر واتنرفز والى يمشى فى الشمال براحه خلاص كنت ازمرلوا وانورلوا وكنت بعمل قصص كانى هصلح المجتمع لاكن مع الوقت الموضوع وصل ان تاكسى رمى عليا جامد وحك الاقصدام بسيط وديت وشى الناحيه التانيه لغايه لما بعد وروحت مشيت من غير ما انزل اابص على عربيتى حتى حصلها حاجه ولا لا الكارثه بقى انو هو الى مش عجبوا وبيبصلى بقرف
غير طبعا كل المواقف الى الناس قلتها دى بتحصل يوميا والكارثه التانيه ان كل دا بيحصل فى بلد زى السويس مفهاش زحمه خالص والموضوع هيبقى سهل وبسيط فى السواقه بس لا الناس متنرفزة ويكسروا عليك وبعد ما يكسر عليك يزعقلك كمان
انا وصلت لمرحله الامبالاه وبعتبر الى حواليا (*****)
عارفين بتخيل مثلا انى اى حديزق حد لانه مجرد ماعندهوش كلكس انى يبقى معايا شاكوش تحت الكرسى انزل بيه وابص على العربيه الاقيها اتحكت اروح حاككله عربيته كسرلى فانوس اروح بالشاكوش جايبله فانوسه وهكذا
بجد حالنا بقى صعب وبقينا فى غابه ومش عارفين حال البلد والاخلاقيلت هترجعلها امتى