علي فكره انا معايا 504 ومبعملش الكلام ده اللي بعض الزملا قالوا عليه لسبب بسيط ان انا عندي اخلاق وده شي اصبح غير موجود وانا بعاني منه زيكوا بالضبط ..
عرض للطباعة
علي فكره انا معايا 504 ومبعملش الكلام ده اللي بعض الزملا قالوا عليه لسبب بسيط ان انا عندي اخلاق وده شي اصبح غير موجود وانا بعاني منه زيكوا بالضبط ..
انا كرهت البلد دى من زمان وفى مرحلة غير طبيعية نفسيا لغاية ماأتعود على كده و حاسس انى دماغى هتطق اربع حتت
انا مرة كنت خارج من مول العرب و ماشي في الحارة الداخلية.اول ما خرجت الاقي عربية بي ام دبليو جاية في وشي بسرعة فبقلبله نور عشان كان ماشي في نفس الحارة اللي انا ماشي فيها و اول ما عدي من جنبي الاقيه بيشوح و مش عاجبه. الكﻻم ده كان الساعة 3 الظهر
الرك عالاخلاق فعلااقتباس:
المشاركة الأصلية كتبت بواسطة mfs3570
خصوصا للي يقدر زي حالاتك
تحياتي بجد ^_
من كام يوم كنت ماشي في طريق حارة رايح و حارة جاي
الحارة المقابلة ليا كانت واقفة
طبعا كعادة تلت المصريين مثلا القذرة دخلوا كلهم في العكسي و لقيتهم في وشي
كبست عليهم لقيت سواق نقل بيبص لي بقرف، تخيلوا
قلت له انت ماشي عكسي
قال لي اعمل لي طريق امشي فيه و انا امشي عدل
ولا تعليق >_<
Sent from my GT-N7000 using Forum Runner
والله انا كرهت السواقة بسبب الاشكال دي المشكلة في مصر مش مشكلة سياسة و حكم المشكلة مشكلة اخلاق و احترام بعيدا عن السواقة انا شوفت شاب كان بيتخانق مع واحد و ام الشاب ده شافتوا بيتخانق طبعا انا قلت هتضربو بالالم لكن اللي حصل جابلي جلطة الام الفاضلة اديت للولد ده سكينة و قالتلوا روح عورو انت ازاي سبتو كدة لما ام تربي ابنها علي الاخلاق دي تفتكر هيجيب الاحترام منين و الاخلاق منين و انا شفت موقف خلاني معرفش انام واحد و اصحابه راكبين عربية و بيهزروا مع بعض و كان في كلب ماشي جنب الرصيف راح كاسر علي الرصيف و خبط الكلب و قعدوا يضحكوا بعديها انا دمي اتحرق و جريت وراه بس طبعا جري و شتمني و هوا بيجري لكن للاسف ميعرفش ان الكلب ده احسن من عيلته كلها و انو هيتحاسب عليه زي اي روح انا مرة خبطت كلي من غير قصد بس مش جامد صوت الكلب خلاني اخدوا اوديه مستشفي الشعب و طبعا كل اللي في المستشفي كان بيضحك عليا و واحد قالي كنت تسيبوا و فعلا الدكتور مرضيش يدخله عنده انا عندي اخبط واحد و مخبطش كلب لان احنا وصلنا لزمن الكلاب فيه افضل في كل حاجة
العيب في الشعب ..
كان زمان اللي بيقول الكلمه ديه كنت بطلع فيه ..
انما فعلا الشعب عايز يتربي من اول وجديد ..
المكان : التجمع الخامس , امام داون تاون
الموقف : عربيات جاية من التجمع نازلة على الدائري , و عربيات تاني جاية من اليو ترن على الشمال داخلة اول شارع يمين , و ده مسبب ان الطريق واقف كالعادة في الحتة دي
انا كنت مع العربيات اللي جاية من التجمع نازلة على الدائري
الطريق واقف , و انا واقف , الطريق اتحرك ببطء ......
فجأة لقيت العربية اللي شمالي جالها جنان و دخلت في الرفرف الامامي شمال بتاعي و قفلت لي المراية و بتزقني , وقفت و بصيت جنبي و (جعرت) حرفيا في اللي في العربية اللي بتعمل كده
كان فيها واحدة ست كانت جنبي على طول تجاهلتني تماما , و اللي سايق ما اخدش باله انه بيزق عربية تانية الا لما انا زعقت
راح عامل عبيط ولا كأن حاجة حصلت و راح مدور الدريكسيون و طالع قدام و كاسر قدامي و هايمشي
طبعا انا في قمة الغضب و لما تجاهلني غضبي زاد , رحت داخل و قافل عليه و مزعق فيه تاني
بص لي شوية و هو متنح و ساكت , و بعدين عمل عبيط تاني و مشي
و انا ما لقيتش فايدة من مطاردته تاني و رحت ماشي برده
حسبي الله و نعم الوكيل
خلاص عليه العوض و منه العوض
بقت غابه و البقاء للاكتر سفاله و قله ادب
امبارح برضه مكروباص بيلف يوتيرن من اقصي اليمين للشمال من قدامي و انا ماشي علي طول و كسرت سنه يمين عشان برضه متخلف تاني قدامي قرر انه يلف اليوتيرن لقيت البغل بتاع المكروباص راح حاكك لي الاكصدام و راح مكمل لف عادي حتي بعد ما خد باله اني خبطني
نزلت اكلمه يقول لي انت اللي خابطني
و معرفتش اخد منه لا حق ولا باطل