الموضوع: ايه رايكم في السعر ده عالمواصفات دي ... ميجان ٢٠٠٥

المشاركة الأصلية كتبت بواسطة tarek_asem

عداد ٧٧ الف
اعلى فئه فتحه سقف
صيانات في التوكيل من اول يوم وحتى الان واخر صيانه لها في ديسمبر
رشت جانبين في التوكيل بدون معجون نظافه فقط
السعر ٧٠ الف ووصلتها معاه ل 68 الف وهحاول اقلل عن كده كمان
كده منطقيه ولا لا
كمان انا سالت واحد تاجر معرفه قاللي لااا غاليه الميجانات اخرها خمسينات !!! استغربت من كلامه جدا لاني شايف الاسعار عالنت غير كده وقلت له قاللي اسعار النت دي مش مقياس وبتاع ... مين صح انا ولا هو

راشه اكصدامات ولا لأ ؟؟؟؟؟
انا اعتقد انه رضي ينزل معاك عشان عربيته راشه بره واكيد كمان راشه اكصدامات اما لو مش رشه كان مسك في سعرها
وعلى كلام حضرتك كده السعر معقول اكشف ولو تمام توكل على الله وربنا يجعلك فيها خير
اما التاجر الى بيقول لحضرتك ان سعرها في الخمسينات هو كلا مه صح بس هو بيتكلم على العربيات التجارى الى كل يوم فيها توكيل باسم تاجر شكل وديه بتبقى عربيات أكل عليها الزمان وشرب ومتنفعش ابداً تتركب تاني لأنها هتبيع صاحبها هدومه اما الميجان السليمة المتصانه في التوكيل ومتحافظ عليها انا بعتبرها قطعه الماز لا تعوض ومش بالساهل تلاقيها

بيقول مش راشه اي حاجه غير الجانبين و بدون معجون وفي التوكيل للنظافه فقط
انا سمعت الناس مبيشكروش في الميكانيكيون العرب هو بيقول ان جزءمن الصيانات في الميكانيكيون العرب وجزء تاني في فرنش موتورز .... قشطه ولا ايه ؟

المشاركة الأصلية كتبت بواسطة tarek_asem

بيقول مش راشه اي حاجه غير الجانبين و بدون معجون وفي التوكيل للنظافه فقط
انا سمعت الناس مبيشكروش في الميكانيكيون العرب هو بيقول ان جزءمن الصيانات في الميكانيكيون العرب وجزء تاني في فرنش موتورز .... قشطه ولا ايه ؟

الميكانيكيون العرب وفرنش موتورز مراكز خدمة معتمده من التوكيل مش التوكيل نفسه وفعلا انا شفت ناس كتير مش مبسوطين من الميكانيكيون اما فرنش موتورز الناس بتشكر فيه شويه وحل الموضوع انك تكشف في التوكيل نفسه فرع العبور او ابو رواش اتصل بـ 16202 واحجز ميعاد وإن شاء الله خير

المشكله انهم بعيد عني وبعيد عن الراجل كمان .. بالاضافه الى اني اساسا مش من القاهره انا من المنصوره وليا شقه في التحرير فاقرب مكان ليا اللي هو جاويش وعيسى ده ... وفي فرق رهيب في سعر الكشف في التوكيل و في المركز ... في التوكيل 600 والمركز 200

المشاركة الأصلية كتبت بواسطة tarek_asem

المشكله انهم بعيد عني وبعيد عن الراجل كمان .. بالاضافه الى اني اساسا مش من القاهره انا من المنصوره وليا شقه في التحرير فاقرب مكان ليا اللي هو جاويش وعيسى ده ... وفي فرق رهيب في سعر الكشف في التوكيل و في المركز ... في التوكيل 600 والمركز 200

حضرتك زي ماتحب انا واجبي اني لو عندي معلومة اقولهالك اعتقد كده الدنيا عندك واضحه والقرار قرارك