الموضوع: استفسار بخصوص ميجان 2004

فى البداية انا عايز اشكر كل واحد هنا فى المنتدى لان الناس هنا متعاونة بدرجة كبير , وثانيا على الرغم من كتر الكلام اللى سمعته عن الميجان الا اننى قررت اشتريها , ومعروض عليا ميجان 2004 فرنساوى وليس تركى - فابريكة بالكامل من الداخل والخارج فيما عادا رفرف واحد – كاملة فتيس ستيبترونيك – زجاج كهرباء – تكييف – باور – سنتر – وحدة رفع – مخادع – شماسات – سنسور بارك – مرايات تعتيم – مرايات كهرباء – سنسور مطر – سنسور إضائة – فوجات – وحدات تخذين بالأبواب والدواسات – تلاجه أطعمه ومشروبات – فرش جلد – تحكم بالطارة – – كاسيت سى دى الأصلى - ومعاها 3 كروت أصلية والكاتالوجات .متابعة دورية بالتوكيل حتى الآن وتوجد الفواتير الدالة على ذلك ومطلوب 60000 جنيه بس انا نزلتها معاها ل58000 ج ... مع العلم ان العربية مع واحد صاحبى من الزيرو .
لكن فى لمبة الأيرباج منورة ولما سألنا فى التوكيل قالو ان شريط الأيرباج هيتغير ب 1400 ولكن ليس له تأثير على العربية
فهل السعر ده مناسب أم لا , وهل فعلا موديل 2004 فرنساوى ام لا لانى سألت ميكانيكية قالولى ان اول دفعة نزلت مصر سواء سيدان او هتشباك كانت فرنساوى , ومن اول 2005 بداْ السيدان يتصنع فى تركيا والهاتشباك فى فرنسا
.... نر

المشاركة الأصلية كتبت بواسطة tarek_asem

انا مش خبير بس اعتقد سعر كويس وعلى ما قريت هنا ف المنتدى ان الشريط سعره اقل من كده

شكرا على اهتمامك وردك