سكودا فليشيا أو ماروتي ؟؟

**EngAhmedSayed** · 05-02-2014 06:19 PM

حضرتك
انتى بتقولى تكييف الفليشيا و الماروتى
مفيهاش تكييف

و لو هيبقى فيها تكييف هيبقى فاشل
و حضرتك بتعملى مقارنة فى قسم الفليشيا يبقى اكيد و بدون تحيز هيكون للفليشيا
بس احنا هنا الحمد لله بفضل ربنا و الاعضاء و القائمين على العمل فى القسم تم حل جميع مشاكل الفليشيا
و معرفة اسباب المشكلة

بالتوفيق ان شاء الله

ربك المستعان

**sakr_skoda** · 05-02-2014 08:43 PM

بالنسبة لظروفك وحالتك المادية انصحك بفليشيا بنت حلال حمالة اسية وقطع غيارها متوفرة ومعمرة وفى متناول الجميع وكمان حتتحمل تقل رجلك فى المرحلة الاولى يعنى حتتعلمى عليها وحتتحملك وعلى العموم الفليشيا بسيطة جدا غير معقدة واعطالها بحمد الله اصبحت عدم***

**المنسي** · 05-02-2014 10:38 PM

نصيحة من أخ لو عندك امكانية تحطى المبلغ اللى معاكى مقدم وتقسطى يبقى افضل لان بصراحة لو راجل اللى بيسأل كنت هقول له من غير نقاش خليك فى الفليشيا وده راى الخاص وبالتوفيق

**J A G U A R** · 06-02-2014 08:31 PM

انا ليا وجهه نظر مهمه فى صالح الفليشيا ان حضرتك لسه جديده سواقه وشىء طبيعى عند اى حد متعلم جديد ان العربيه تنخبط منه كتير والماروتى مش هاتبقى قد الخبطات دى ومش هاتستحمل زى الفليشيا اللى عضمها عامل زى عضم الكلاب دى . تحياتى ..

**sakr_skoda** · 06-02-2014 08:36 PM

المشاركة الأصلية كتبت بواسطة j a g u a r

انا ليا وجهه نظر مهمه فى صالح الفليشيا ان حضرتك لسه جديده سواقه وشىء طبيعى عند اى حد متعلم جديد ان العربيه تنخبط منه كتير والماروتى مش هاتبقى قد الخبطات دى ومش هاتستحمل زى الفليشيا اللى عضمها عامل زى عضم الكلاب دى . تحياتى ..

ههههههههههههههههههههههههه ههههه عظم كلاب طيب اياك بس المحك على الطريق هههههههههههه

**J A G U A R** · 06-02-2014 08:46 PM

المشاركة الأصلية كتبت بواسطة sakr1964

ههههههههههههههههههههههههه ههههه عظم كلاب طيب اياك بس المحك على الطريق هههههههههههه

**aw2100** · 06-02-2014 10:15 PM

المشاركة الأصلية كتبت بواسطة Esraa_tarek

أشكر رد حضرتك EngAhmedSayed
يا باشمهندس أحمد أنا بقارن بين حاجات كتيرة مش التكييف بس
أنا أقصد تصليحاتها و أعطالها و أسعار قطع غيار
حضرتك أكيد لو هتجيب عربية لأختك مثلا هتبقى مقدر انها ماتقفش منها و تعطل و تقف تصلحها في وسط الشارع
أكيد مش هتبقى حاجة ظريفة :)
و عشان كده في حالة مقارنة محيرة لأني مصاريفي على قدي و مش بفهم في الأعطال نهائي
أتمنى أوصل لحل كويس في نفس حدود المبلغ حتى لو نوع تاني غير اللي ذكرتهم

تحياتي لكل الأعضاء اللي معاهم سكودا :)

وفيه نصيحة تانية طالما حضرتك ماتعرفيش فى العربيات والميكانيكا تشوفى ميكانيكى يكون طرف حد معرفة تبتدى معاة المشوار من أوله بدء من ترشيح عربية مناسبه ليكى و الكشف عليها بزمة وشراها لغاية انه يقوم بصيانتها ومتبعه حالتها الصحية علشان اغلب الميكانيكة وتجار العربيات للاسف حرامية ونصابين ولو حد وقع معاهم مش محتاج اقولك

اهم حاجة الميكانيكى قبل العربية ومبروك على العربية الجديدة
واهم حاجة فى العربية الحالة مش النوع !!