سكودا فليشيا أو ماروتي ؟؟

**Esraa_tarek** · 09-02-2014 01:41 PM

المشاركة الأصلية كتبت بواسطة ابوابراهيم323

أختنا الفاضلة
نصيحة بلاش مستعمل وبالاخص كون حضرتك أنثى
لو لسه حضرتك فى مرحلة التعليم عربيه 127 حتكون مناسبة وثمنها بسيط وعند البيع مفيش خسارة كبيرة
وعندما يكون اتقان فى السواقه كما قال الاستاذ منسى
شراء عربيه جديدة او دفع مبلغ وتقسيط الباقى
وقبل كل ده الاستخارة

أشكر كل الأعضاء اللي بيحاولوا يساعدوا بالنصيحة :)
أستاذ أبو ابراهيم أنا في الوقت الحالي متفقة جدا مع كلام حضرتك
أنا بقالي فترة بدور في contact cars و كل ما ألقي حاجة كويسة أتصل بصاحبها
النتيجة ان كذا واحد منهم بيطلع معمول ليه توكيل من صاحب العربية الأصلي و عايز يبيعها و ياخد فيها نسبة
وواحد تاني كان مش عنده ضمير كان هيديني عربية الشاسيه بتاعها و القوايم ملحومين
فبالتالي ابتديت أفكر في عربيات أقل شوية في الفئة السعرية على الأقل لحد ما أتعلم كويس
هل ال 128 ألاقي منها حاجة كويسة لحد 20 مثلا ؟؟ و يا ترى هتحتاج تتصلح كل قد ايه ؟؟
أرجوكم المساعدة

**amr011111** · 09-02-2014 02:16 PM

المشاركة الأصلية كتبت بواسطة esraa_tarek

وواحد تاني كان مش عنده ضمير كان هيديني عربية الشاسيه بتاعها و القوايم ملحومين
فبالتالي ابتديت أفكر في عربيات أقل شوية في الفئة السعرية على الأقل لحد ما أتعلم كويس
هل ال 128 ألاقي منها حاجة كويسة لحد 20 مثلا ؟؟ و يا ترى هتحتاج تتصلح كل قد ايه ؟؟
أرجوكم المساعدة

ال 128 هتلاقى بالسعر ده حاجات كويسه
بس ابعدى عنها علشان هتبقى كل يوم والتانى عند الميكانيكى

**Esraa_tarek** · 09-02-2014 02:28 PM

المشاركة الأصلية كتبت بواسطة amr011111

ال 128 هتلاقى بالسعر ده حاجات كويسه
بس ابعدى عنها علشان هتبقى كل يوم والتانى عند الميكانيكى

شكرا يا أستاذ عمرو
حتى لو حالتها كويسة هتزهق في التصليح ؟؟!
طيب الريجاتا تبقى أحسن ولا برضه هتحتاج كل شوية ميكانيكي
معلش أعذرني أنا بسأل كتير لأني فعلا محتارة

**amr011111** · 09-02-2014 02:31 PM

المشاركة الأصلية كتبت بواسطة esraa_tarek

شكرا يا أستاذ عمرو
حتى لو حالتها كويسة هتزهق في التصليح ؟؟!
طيب الريجاتا تبقى أحسن ولا برضه هتحتاج كل شوية ميكانيكي
معلش أعذرني أنا بسأل كتير لأني فعلا محتارة

ابعدى عن الفيات وعن القديم
مش علشان حاجه علشان انتى بنت ومش كل شويه تروحى للميكانيكى
لو تقدرى تدفعى ال 20 مقدمه لاى عربيه هيبقى احسن ليكى واوفر
لو عاوزه حاجه تتعلمى عليها هاتى ماروتى موديل حديث شويه وهتلاقى نفسك خليتها معاكى سنتين
لحد ما تتمكنى من السواقه وبعد كده هاتى زيرو

**Ahm662** · 09-02-2014 05:27 PM

صلوا بينا على حضرة النبى ...................الحل لا فليشيا و لا ماروتى لان حضرتك مش حمل بهدلة من عربية حتى لو فى البداية ..........انا اى حد بنصحه بفليشيا وانه يستحمل كام شهر لحد اما يفهم العربية فهل عند حضرتك القدرة لاستحمال الفترة دى..اعتقد لا .طب الماروتى كلها عيوب الميزة الوحيدة ان ممكن نقول انها ها تبقى ما فيهاش اعطال كتير....... وابعدى تماما عن الفيات لانه وجع قلب على الفاضى ..............يبق الحل فى عربية تانية نقدر نقول اعطالها اقل و حاجة تصلح لاستخدام السيدات يبقى فولكس بولو او سيات ابيزا بتبقى 1400 و مكيفة وكماليتاها حلوة مش وحشة وممكن تلاقى فيها حالات حلوة ...................بس اهم حاجة الحالة ثم الحالة ثم الحالة

**dr.hazem** · 10-02-2014 12:38 AM

المشاركة الأصلية كتبت بواسطة Ahm662

صلوا بينا على حضرة النبى ...................الحل لا فليشيا و لا ماروتى لان حضرتك مش حمل بهدلة من عربية حتى لو فى البداية ..........انا اى حد بنصحه بفليشيا وانه يستحمل كام شهر لحد اما يفهم العربية فهل عند حضرتك القدرة لاستحمال الفترة دى..اعتقد لا .طب الماروتى كلها عيوب الميزة الوحيدة ان ممكن نقول انها ها تبقى ما فيهاش اعطال كتير....... وابعدى تماما عن الفيات لانه وجع قلب على الفاضى ..............يبق الحل فى عربية تانية نقدر نقول اعطالها اقل و حاجة تصلح لاستخدام السيدات يبقى فولكس بولو او سيات ابيزا بتبقى 1400 و مكيفة وكماليتاها حلوة مش وحشة وممكن تلاقى فيها حالات حلوة ...................بس اهم حاجة الحالة ثم الحالة ثم الحالة

حضرتك ركبت الماروتي كام سنه عشان حكمت انها كلها عيوب؟؟؟!!!!
تحياتي

Sent from my Xperia Arc S using Forum Runner

**dr.hazem** · 11-02-2014 12:33 AM

المشاركة الأصلية كتبت بواسطة Ahm662

لا يا فندم مش القصد .............العيب انها عربية صغيرة و مش قد كده فى الثبات وقوة الصاج وما فيهاش اى كماليات ..............

اذا كان بالنسبالك انها صغيرة ده عيب فده عند كتير من ملاكها ده ميزة
اما عن الثبات فالعربيه مش عربية سرعات وشد ومع ذلك لحد ال 90 مفيش اي قلق من الثبات
اما عن الصاج فالحقيقه كل فئتها ميفرقوش عنها وكل الفئه دي ضعيفه ومش وش خبطات بالرغم اني حضرت حادث قدامي للبشمهندس سبعاوي ولانوس دخلت في الماروتي قدامي واللانوس وشها راح وراديتيرها نزلت ميته واتقطرت بينما الماروتي روحنا بيها مع ضرر بسيط في الرفرف وترريحه في البودي واتسمكرت فيوم ورجعت عروسه
وانا بقولك كل ده مينفيش انها كصاج ضعيفه لكنها زي اخواتها،،
اما بالنسبة للكماليات فده مش حاجه تعيب عربيه طالما ان كل حاجه ممكن تركبهالها ومش هتكلف حاجه :-)
اتمنى من حضرتك واي حد ميبديش رايه فاي عربيه بناءا على السمع وبس...
تحياتي

Sent from my Xperia Arc S using Forum Runner

**Monté1980** · 24-08-2017 03:19 AM

مااااااررروووووتي بالثلث ..

-

الموضوع: سكودا فليشيا أو ماروتي ؟؟

LinkBack

أدوات الموضوع

عرض

-

-

-

-

-

المواضيع المتشابهه

الف مبرووووك لقسم سكودا على القسم الجديد(قسم خاص بسيارات سكودا فيفوريت وسكودا فليشيا)

سكودا فليشيا 95

سكودا فليشيا 97

سكودا فليشيا 95

سكودا فليشيا 97

الكلمات الدلالية لهذا الموضوع

المفضلات

المفضلات

ضوابط المشاركة