فين أحسن وثيقة تأمين ؟

**salodas** · 05-02-2014 01:38 PM

معايا عرض من شركة اليانز للتأمين ... وثيقة بدفع لها شهريا مبلغ لبنتى لحد سن 20 سنه وبعدين تاخد مبلغ .... بس بصراحة مش عاجبنى العرض ... حاسس أنهم ضاحكين عليا ..
عاوز أعرف لو فيه أماكن تانية افضل ... خصوصا أن أحد أصدقائى بينصحنى أنى الغى الوثيقة دى وأتعامل مع بنك ال cib

ايه رأيكم

**Abo Yasso** · 05-02-2014 03:00 PM

ده عباره عن تأمين على الحياه عليك وبيكون هناك مستفيد اللى مثلا نقول انها بنتك
cib
اسنع انها كويسه قوى وكذا نوع
تخرج او تتم 21 عام او الجواز وتقريا بتبتدى من 250 جنيه وزياده سنويه للقسط 5% وممكن تطلب انك تلغى الزياده

**khaled_sabry** · 05-02-2014 03:09 PM

بصراحه مش بحب وثائق التأمين نظرا لشبهه حرمانيتها
لكن بصرف النظر عن الجانب الديني - انتا لو عاوز تأمن مستقبلها وفر الفلوس اللى بتدفع فى الوثيقه دى و اشترى ليها حاجه سعرها مش بيقل
زى الذهب مثلا او تشترى شقه و تقفلها او ممكن تأجرها - و كل ده حلال
حط فى بالك ان سعر الجنيه فى النازل - يعنى ممكن المبلغ اللى حتاخده بعد 20 سنه مايعملهاش حاجه اصلا

الحوار اللى بتقوله فكرنى بحكايه قريتها هنا فى المنتدى ان ناس حطو لأبنهم مبلغ 200 جنيه بحالهم اول لما اتولد علشان يضمنو مستقبله - اول لما اتولد فى السبعينات او الثمانينات - طبعا ده كان مبلغ مهول فى وقتها
لسه من كام سنه الولد وصل لسن سحب الفلوس دى - راح و سحب الفلوس وهو مروح خلص الفلوس دى فى تفويله بنزين فى العربيه و اشترى سجاير

**Abo Yasso** · 05-02-2014 03:33 PM

المشاركة الأصلية كتبت بواسطة khaled_sabry

بصراحه مش بحب وثائق التأمين نظرا لشبهه حرمانيتها
لكن بصرف النظر عن الجانب الديني - انتا لو عاوز تأمن مستقبلها وفر الفلوس اللى بتدفع فى الوثيقه دى و اشترى ليها حاجه سعرها مش بيقل
زى الذهب مثلا او تشترى شقه و تقفلها او ممكن تأجرها - و كل ده حلال
حط فى بالك ان سعر الجنيه فى النازل - يعنى ممكن المبلغ اللى حتاخده بعد 20 سنه مايعملهاش حاجه اصلا

الحوار اللى بتقوله فكرنى بحكايه قريتها هنا فى المنتدى ان ناس حطو لأبنهم مبلغ 200 جنيه بحالهم اول لما اتولد علشان يضمنو مستقبله - اول لما اتولد فى السبعينات او الثمانينات - طبعا ده كان مبلغ مهول فى وقتها
لسه من كام سنه الولد وصل لسن سحب الفلوس دى - راح و سحب الفلوس وهو مروح خلص الفلوس دى فى تفويله بنزين فى العربيه و اشترى سجاير

حصلت معايا
حد جاب لآبويا شهاده من البنك الاهلى المصرى بقيمه 100 جنيه (بمناسبه ولادتى من 35 عام )
من كام سنه كده بقلب فى ورق قديم لقيتها قولت وماله نفكها ونجيب بيهم ساندوتش ولا اتنين
روحت على البنك فرع مصر الجديده عملولى فيلم منيل وتروح الفرع الرئيسى وتجيب معاك شهاده الميلاد وو...................... كل ده عشان 100 جنيه قلت بس بس انا هرجع الشهاده زى ما كانت فى الشنطه وان شاء الله بعد كده اخلى ابنى بقى لما يكبر يعمل المشوار ده

**khaled_sabry** · 05-02-2014 03:40 PM

المشاركة الأصلية كتبت بواسطة abo yasso

حصلت معايا
حد جاب لآبويا شهاده من البنك الاهلى المصرى بقيمه 100 جنيه (بمناسبه ولادتى من 35 عام )
من كام سنه كده بقلب فى ورق قديم لقيتها قولت وماله نفكها ونجيب بيهم ساندوتش ولا اتنين
روحت على البنك فرع مصر الجديده عملولى فيلم منيل وتروح الفرع الرئيسى وتجيب معاك شهاده الميلاد وو...................... كل ده عشان 100 جنيه قلت بس بس انا هرجع الشهاده زى ما كانت فى الشنطه وان شاء الله بعد كده اخلى ابنى بقى لما يكبر يعمل المشوار ده :copy of new:

ربنا يخليهولك
بالمعدل اللى احنا ماشيين بيه ده غالبا حيبقى مصروف ابنك اليومي لما يوصل لسن 5 سنين

**salodas** · 05-02-2014 08:40 PM

بصراحة انا 80 % مقتنع بكلامكم ... وخصوصا انى لى تجارب مش كويسة مع اليانز من أكتر من سنتين .
ولكن الواحد بيدور على أفضل حل .... لمساعدة الأولاد فى المستقبل (الأسود) الى هيشوفوه.

وأحب أسمع أراء باقى السادة المستمعين .