الموضوع: مقارنة تفصيلية مبين كورولا 2014 و سيراتو 2014

المشاركة الأصلية كتبت بواسطة 2code

اشمعنا هنا بقى مش بناخد برأي الاجانب !!!!!!!!!!!!!!

لما بدأت كيا تتقدم وتتفوق على الشركات اللي على هوانا فأحنا بدأنا نكدبهم

ما كنا زمان كل ما تيجي تتكلم يقولك اصل مش عارف واخد كام في تقييم الامان اصل مش عارف ايه واخد ايه

طيب يا سيدي ولا تزعل نفسك اهو اثبت عربية و 5 نجوم من 5 نجوم امان يعني اعلى ستاندرد امان موجود دلوقتي واثبت العربيات هي السيراتو الشكل الجديد

معلش مش هيعجب الناس الحقيقة دي - لاننا لسه منعرفش ان فيه حاجة اسمها "تطور"

منعرفش كلمة تطور فمش قادرين نتصور ان شركة ممكن تتقدم على تويوتا وفورد في الثبات من خلال تحديث جيل واحد بس

عارف ليه حضرتك مش قادرين نتخيل ده ؟؟؟؟؟ علشان احنا بلد بنمشي بضهرنا فمش ممكن نتخيل الطفرة والتطور الهائل يحدث بشكل سريع

ما عليش حضرتك الموضوع مش موضوع راى اجانب او ﻻ . او اهانه للكورى او لكيا بوجه خاص او انهم ناس مش شغالين . لكن فيه حاجات بالعقل و المنطق . تقول لى 5 نجوم فى الامان اقول لك اه ما فيش فيها اعتراض . حضرتك بتكلمنى على التطور تمام بس فورد و تيوتا لغو التطور من عندهم مثلا ؟ نزلوا اشكال جديده فقط ؟ كل سنه فورد و تيوتا بيطوروا من نفسهم فى الثبات اكتر و اكتر و تيوتا نفسها عملت طفره فى موديل الكورولا الجديد بشهادة مالكيها . موديل السيراتو اللى قبل ده معظم مالكيه اشتكوا من الثبات و ناس هنا فى المنتدى كتبوا انهم باعوه بسبب كده اه هايعمل الموديل الجديد اكتر تطورا فى النقطه دى بس مش لدرجة انه يعدى الكورولا اللى مطوره نفسها فى النقطه دى . ما هو اصله بالمنطق . ممكن يكون زيها ماشى . كلنا بنعترف بتطور الكورى بس خلينا فى المعقول .
على فكره بنظلم المصريين لما نقول همه مش متخيلين التطور و الكلام ده و باعتبره نوع من جلد الذات . هو حضرتك مش شايف انتشار السيراتو الجديده ؟ ده مش معناه انه المصريين حاسسين بتطور الشركه و برغم سعرها العالى ؟

المشاركة الأصلية كتبت بواسطة Mohamed.Hany

بسم الله الرحمن الرحيم

لو بتفكر تشتري عربية جديدة و محتار مبين الكورولا و السيراتو فأنت في المكان الصح
سامحوني لو في اي حاجة نسيتها او غلطت فيها وبرجاء التعديل لو وجد.
هكتب الفروق بلون مختلف للسهولة

نبدأ بالكورولا 2014

مزودة بمحرك 1600 سي سي , 154/5200 نيوتن و 122/6000 حصان و بها زرار سبورت موود و ناقل حركة CVT و ستيبترونيك

متوفر منها فئة مانيوال 162 الف و ثلاث فئات اوتوماتيك 175 الف , 189 الف و 215 الف
المواصفات القياسية

الابعاد 4620X1775X1465
قاعدة العجلات 2700 ملم
نصف قطر الدوران 5.4 م
وزن السيارة 1300 كج
وزن كلي 1760 كج
الخلوص الارضي 12.5 سم
سعة خزان الوقود 55 لتر
مانع سرقة
مدخل USB AUX
حجم الشنطة 470 لتر
مقاس الجنط 205/55R16
نظام الفرامل ABS + EBD +BAS

الوسائد الهوائية 2 و

6 في الهاي لاين

نظام الحقن EFI

زجاج كهرباء 4

مرايات كهربائية
سنتر لوك و ريموت متوفر
عدادات اوبتيترون معدلة
مخادع اذرع خلفية متوفر
عجلة قيادة 4 اجزاء جلد و تحكم بالصوت قابل للتعديل و الامالة
مرايات جانبية كهربائية ملونة وقابلة للطى
نظام الثبات الالكتروني ESP
أضاءة نهارية ليد متوفر
خاصية trc
اشارات بالمرايات
فتح الشنطة من الريموت
حليات من النيكل كروم
اضاءة في الشماسات الامامية
علاقة او هولدر داخل الشنطة
دراع داخل الشنطة لسهولة الغلق
خاصية hill assist
خاصية follow me home
خاصية اضاءة انوار emergency بعد الفرملر القوية لتنبيه السائق الخلفي
تعديل سرعة المساحات الاوتوماتيكية
تعديل شدة اضاءة التابلوه
التحكم في ارتفاع المصابيح الامامية

راديو سي دي 4 سماعات

تزيد تاني فئة :

مثبت سرعة - تكييف أوتوماتيكي Dual Zone - تحكم بالنظام الصوتي والتليفون من عجلة القيادة - Bluetooth - راديو 6CD سماعات + مدخل USB+AUX - ضبط مستوى الاضاءة الامامية أوتوماتيك - 2ايرباج -كاوتش مقاس 55/16 205 R(جنوط سبور ) - حساسات ركن امامية وخلفية خاصية الركن التلقائى Park Assist – فوانيس شبورة أمامية وخلفية - مرايا كهرباء قابله للطى

تزيد الهاي لاين :

مفتاح ذكى -مرآة خافتة للاضاءه أوتوماتيك - ضبط مستوى الاضاءة الامامية أوتوماتيك -6 ايرباج- كاميرا خلفية - حساسات مطر - حساست ضوء

ثم السيراتو 2014

مزودة بمحرك 1600 سي سي , 156/5000 نيوتن و 130/6000 حصان و بها زرار سبورت موود و ناقل حركة CVT و ستيبترونيك

متوفر منها فئةمانيوال ب 140 الف و خمس فئات اوتو 156 الف, 158 الف, 168 الف, 185 الف, 198 الف.

المواصفات القياسية

الابعاد 4560X1755X1445

قاعدة العجلات 2700 ملم
وزن السيارة 1250 كج
سعة خزان الوقود 50 لتر
مانع سرقة
فوج لايت
حجم الشنطة 470 لتر
تكييف مانيوال
زجاج كهرباء 4
سنتر لوك و ريموت متوفر
مخادع اذرع خلفية متوفر
راديو سي دي 4 سماعات
مرايات كهربائىة

تزيد المانيوال و اول فئة فئة

جنوط حديد مقاس 15 عرض 195

تزيد تاني فئة

جنوط 16 عرض 205 , واحد ايرباج للسائق , مالتي فانكشن

تزيد تالت فئة

فرامل مانعة للانزلاق ABS,واحد ايرباج للراكب الامامي ,مرايات ضم , مخرج تكييف خلفي , نظام الدخول الذكي

تزيد رابع فئة

جنوط 17 عرض 215 , دركسيون جلد , نقلات بلدركسيون , فتحة سقف , مقابض نيكل , فوانيس ليد , ثلاجة بالدرج , بلوتوث , سمارت كي , حساسات ركن , اشارات بالمرايات

تزيد الهاي لاين

كراسي كهربائية من الجلد , كاسيت تاتش بكاميرا خلفية , تكييف اوتوماتيك

في النهاية اتمني اكون عرضت كل النقاط اللي قعدت اجمع فيها اسبوع عشان اعملكم الموضوع ده بكل حيادية.

بس لو حد هيطلب رأي في العربيتين هقول ممتازين و الفروق اللي ممكن اقرر بيها انهي انسب لي

هي

ان السيراتو تزيد : فتحة سقف و كراسي كهربا ونقلات بالدركسيون معظمها كماليات كتبتها كلها فوق

اما الكورلا تزيد في الكماليات و الامان و الثبات زى

الاوتوبارك او الركن التلقائي و hill assit, follow me home, emergency light مع الفرملة المفاجئة

ووزن و ابعاد و انخفاض العربية ,جميع الفئات بها 2 ايرباج وكاوتش 16 عرض 205
وان جميع الفئات حتي المانيوال بها ABS EBD BAS
وخاصية الثبات الالكتروني و 6 ايرباجESP وخاصية ال TRC

اترك لكم الاختيار و بالتوفيق للي بيشترى لان العربيتبن جيدين جدا و الاختيار هيبقي حسب احتياج كل واحد من الوبشنز والامان و الثبات و الشكل و الاداء

ماذا عن الrunning cost و الvalue vs money في العربيتين؟ والتوكيل؟ اسعار قطع الغيار؟ فرق السعر بينهم يستاهل إني اجيب الكورولا؟

والسؤال الأهم, بما إني أنا مش بيفرق معايا الoptions اوي, هل فيه فرق ملحوظ في الميكانيكا (موتور وعافسها و gearbox)والتقفيل في العربيتين؟ ولصالح أنهي واحدة فيهم؟

أنهي عربية فيهم تعتبر صفقة رابحة بالنسبة للرقم اللي الواحد هيدوس على نفسه وحيدفعوا فيها؟

آسف للاطالة, بس جنونية الاسعار خلت قرار شراء عربية ده صعب جدا.
منتظر رد حضراتكم.
مع الشكر.