الموضوع: مقارنة تفصيلية مبين كورولا 2014 و سيراتو 2014

المشاركة الأصلية كتبت بواسطة eagleofeast

نشكرك علي المجهود الرائع لكن نود معرفة رأي حضرتك أنت أيهما تفضل و لما؟
ولو سمحت لي عندك طلب الفلوكس سي سي أفضل ولا اوبل انجسينا ولا فولفو أس60و أس80
الرجاء مهم جداً بالنسبة لي
و لكم جزيل الشكر

انا افضل الكورولا 2014 للثبات و الامان و الاوبشنز و بقية الحاجات الكتيرة اللي انا كاتبها في التقرير.
و اعتقد ده رأي معظم الناس بعد المقارنة التفصيلية دي بنتيجة الاستطلاع بفارق كبير و ده يوضح الصورة طبعا و حابب اقول ان ده لا يعيب السيراتو في شئ فهي عربية جميلة و عملية و الدليل انتشارها في مصر .

اما بالنسبة للمقارنات التانية فمعرفش و اكيد مش هفتي لحضرتك فيا ريت تعمل موضوع في قسم المقارنات و تشوف رأي الناس و الخبراء في العربيات دي هيفيدوك اكتر مني و لو بتسأل عن رأي فانا اختار الفولفو s80 بدون تفكير
تحياتي لحضرتك

المشاركة الأصلية كتبت بواسطة ahramadan

تصليح الابعاد بلنسبة للسيراتو

4560X1780X1445

السيراتو اعرض ب 0.5 سم

و أيضا طول قاعدة العجلات في السيراتو و الكرولا متساو = 2700

و مساحة تخزين الشنطة للسيراتو 421 ليتر

وزن السيارتان متقارب 1300 كج

ولكن قوة الموتور و العزم لصالح السيراتو

130 PS (96 kW; 128 hp)@6000, 16.0 kg·m (157 N·m; 116 lbf·ft)@4850

اقصي عزم للسيراتو 157 عند 4850 rpm
اقصي عزم للكرولا 154 عند 5200 rpm

الصراحة كيا اتطورت جامد من بعد مصمم اودي انضم للشركة و نقدر نقارنها باليباني و الالماني كمان

استاذ احمد، شكرا لتوضيح معلومة ان السيراتو اعرض ب ٠.٥ سم.
بالنسبة لقاعدة العجلات انا بالفعل قولت انها ٢٧٠٠ .
شكرا ايضا لتوضيح حجم الشنطة انها ٤٢١ مش ٤٧٠ .
الكيا تطورت جامد فعلا بس في حاجات كتير في الامان لسة بتفتقدها زي ان كل الفئات تنزل ستاندرد ب abs ebd bas airbags مش تنزل كاوبشن في الفئات العالية فقط، و ايضا تحتاج لزيادة انظمة الثبات و الامان مثل esp TRC hac ebs عشان تعرف تجاري الياباني و الالماني في السوق لأن الانظمة دي بقت بتنزل اساسي ستاندرد فيها.
شكرا مرة تانية لمداخلة حضرتك اللي استفدت منها جدا

المشاركة الأصلية كتبت بواسطة ahramadan

شكرا للمجهود الرائع
وفعلا السيراتو محتاجة ال esp , لكن عيب الوكيل

الشكر لحضرتك يا فندم، انا شايف ان كل الفئات تنزل ستاندرد ب abs ebd airbags كبداية لتوحيد عوامل المان حتي لو الفئة الاولي ، مش معني اني اشتريت الفئة الاولي او التانية او التالتة ابقي مخدش اي عوامل امان ، و بعد كدة نبدأ نتكلم في esp لانه مرحلة متقدمة شوية.
ده في رأي و لازم منسكتش علي ابسط حقوقنا و هي السيارة الامنة ، و يارب كل التوكيلات المصرية ميسترخصوش و يشيلو عوامل امان عشان يقلل السعر و يعرف يبيع.