أود معرفة اسم ووظيفة هذة الاجزاء بخصوص هيلتى

**amr011111** · 09-02-2014 04:49 PM

متشكر جداً يا استاذ / hugan
بس يعنى ايه شنيور 13 مللى ويعنى ايه شنيور 26 مللى

وبالنسبه لتوكيل شنيور كروان هل مكانه فى شارع الجمهوريه واسعاره زى بره ولا التوكيل اغلى

**hugan** · 09-02-2014 05:15 PM

المشاركة الأصلية كتبت بواسطة amr011111

متشكر جداً يا استاذ / hugan
بس يعنى ايه شنيور 13 مللى ويعنى ايه شنيور 26 مللى

وبالنسبه لتوكيل شنيور كروان هل مكانه فى شارع الجمهوريه واسعاره زى بره ولا التوكيل اغلى

13 و16 مقاس اكبر بنطه ممنكن يتم تركيبها علي الشنيور
ال 13 شنيور للتخريم وليس دقاق او شاكوش
ولا يركب له بنطه هيلتي
يركب له بنط ملساء القاعده
ال 13 يشتغل شنيور فك وربط زيه زي الصغير اللي معروض في الصوره

توكيل كراون مابيبعش
البيع في المحلات

**hugan** · 09-02-2014 05:31 PM

المشاركة الأصلية كتبت بواسطة hugan

13 و16 مقاس اكبر بنطه ممنكن يتم تركيبها علي الشنيور
ال 13 شنيور للتخريم وليس دقاق او شاكوش
ولا يركب له بنطه هيلتي
يركب له بنط ملساء القاعده
ال 13 يشتغل شنيور فك وربط زيه زي الصغير اللي معروض في الصوره

توكيل كراون مابيبعش
البيع في المحلات

**hugan** · 10-02-2014 07:32 PM

المشاركة الأصلية كتبت بواسطة abo yasso

شكر خاص للسيد hugan على المعلومات القيمه
ربنا يجعله فى ميزان حسناتك

ربنا يتقبل
الشكر لله

**hugan** · 10-02-2014 07:41 PM

المشاركة الأصلية كتبت بواسطة wawamoha

طب الاستاذ هوجان الفاضل ممكن سؤال :

واضح انك بتنزل شارع الجمهوريه حيث محلات العدد ..زانا كنت بدور عل حاجه و مش لاقيها :
عاوز car waxxer
ده جهاز بيمسح الشمع على العربيه للتلميع ..تعرف تسالي عليه واو تقولي اجيبه منين و بكام الله يكرمك و يا سلام لو تعرف نوع كويس

المشاركة الأصلية كتبت بواسطة mk3

هتشترى حاجه شبه صاروخ ويركب له دايره بفوطه
وانتظر الاستاذ هوجان

لاء الماكينه دي ماشوفتهاش قبل كده في شارع ا لجمهوريه
الصاروخ موجود سعره من 350 الي 400
كراون وماركه تانيه كويسه اسمها دونج شانج
مزود بسرعات خلاف الصاروخ العادي
لائنه لو سرعه واحده هاياكل الدهان ويدمر اللون

**hugan** · 14-02-2014 06:36 PM

المشاركة الأصلية كتبت بواسطة amr011111

معلش يا استاذ/ هوجان هتعبك معايا
انا عاوز واحد زى البوش بس صينى
حضرتك قولتلى فيه واحد ب 350 وواحد ب 500
ايه الفرق بينهم هل الفرق فى الماركه
وهل اللى فى الصوره ديه ابو 500

واللى زى البوش ده بيشتغل شاكوش لتكسير الحوائط الطوب وبيشتغل دقاق لتخريم فى الخرسانه
ولما بركب له الظرف يشتغل كشنيور عادى يخرم خشب وطوب

وهل بيركبله نوعين بنط يعنى لما بركب الظرف اللى جاى معاه بيركب فيه ساعتها بنط عادىه

موجود طبعا تقليد البوش
سعره من 350 الي 400 جنيه
ابو 500 الموجود في الصوره كراون لكنه 26 ملم زي البوش الاصلي او الصيني
الكراون علشان ماركه معروفه حاليا عاملين اعتبار ومعداتها ليها جوده
علشان كده سعره عالي شويه عن الصيني التقليد
كمان شوف الاينكو معده محترمه جدا بجوده عااليه

اي نوع 26 هايشتغل دقاق للخرسانه
او شاكوش لتكسير الطوب بس
او تخريم عادي للخشب والحديد بعد ماتركب له الظرف زي الموجود في الصووره
بلضبط كده لما تركب الظرف هاتركب له بنط ملساء لتخريم الخشب او الحديد
بس مش هاينفع مثلا تركب له بنطه حدادي 3 ملم هاتتكسر بسرعه
هاتحتاج شنيور صغير لاماكنيه التحكم

نقطه تانيه بالنسبه لتشغيل الشاكوش للتكسير
مفيش شنيور 26 ملم يستحمل التكسير في الخرسانه او الطوب
غير الكوبايه الكبير
يعني من الاخر لو اشتريت واحد 26 ملم صيني عدل
اخره يكسر لك قالبين طوب
غير كده مش هايستحمل لازم كوبايه زي الموجود في الصوربتاعت صاحب الموضوع

**hugan** · 28-04-2014 01:37 AM

المشاركة الأصلية كتبت بواسطة m.farouk

لية استفسار انا لسة شارى شنيور كرون 810w الساسية القصير كان في واحد تانى نفس المتور بس ساسية طويل بس البائع قالى ده حلو قوى علشان الاستخدام المنزلى ويخرم في الحوائط والخرسانة وكنت جيبة ب250 جنية فهل ده كويس ولا اجيب الى انتا حطوا ال26 مللى احسن علشان انا لسة مستخدمتوش وممكن ابدلوا

رجعه
مش هايستحمل تخرم في الخرسانه
اشتري اي نوعيه 26ملم

-

-

الموضوع: أود معرفة اسم ووظيفة هذة الاجزاء بخصوص هيلتى

LinkBack

أدوات الموضوع

عرض

العرض المتطور

- انشر الموضوع فى :

-

-

-

-

-

-

المواضيع المتشابهه

استفسار فني بخصوص تحميل الملفات متعددة الاجزاء

استفسار بخصوص معرفة معلومات السيارة

مطلوب معرفة أراءكم بخصوص الاختيار مابين نيسان تيدا و لانسر و مازدا 3 و النترا

الكلمات الدلالية لهذا الموضوع

المفضلات

المفضلات

ضوابط المشاركة