عضو جديد ... والجميله ميجان

**Dr.ahmed Uro** · 07-02-2014 02:57 PM

السلام عليكم ورحمه الله وبركاته
اولا انا عضو جديد فى المنتدى بس متابعه بقالى سنه تقريبا..وربنا يعلم حبيت الساده الأعضاء من غير حتى ما اكلمهم.. لأنى حسيت ان الناس بتنصح لوجه الله.. وياريت تقبلونى عضو جديد معاكو يتعلم منكم ...
ثانيا انا بدور على عربيه مستعمله وحبيت الميجان من كلامكم عنها
بس فى ناس بتخوفنى لانها اول عربيه ليا وبيقولولى بلاش ..الميجان كويسه بس محتاجه حد فاهم كويس فى العربيات يقدر يتعامل معاها ...رأيكو ايه؟؟
وطبعا مش هشتريها غير من حد محافظ عليها...
وده ثالثا...ياترى فى ميجان تتوفر فيها الصفات دى للبيع:
تكون منتظمة فى صيانات التوكيل (اهم صفه)
تكون فابريكه
تكون عداد حوالين ال ١٠٠،٠٠٠ كم

وآسف جدا لو ضيعت وقتكم ...بس انا سعيد بالمشاركة معاكم
وشكرا جزيلا

**Dr.ahmed Uro** · 07-02-2014 07:53 PM

أرجو من وحوش الميجان ميبخلوش عليا بالنصيحة ...
لسه مستنى آرائكم...ولو فى حد من الأعضاء بيفكر يبيع الميجان بتاعته
شكرًا مقدما

**egyption88** · 07-02-2014 09:23 PM

المشاركة الأصلية كتبت بواسطة dr.ahmed uro

أرجو من وحوش الميجان ميبخلوش عليا بالنصيحة ...
لسه مستنى آرائكم...ولو فى حد من الأعضاء بيفكر يبيع الميجان بتاعته
شكرًا مقدما

بص يا باشا هي الميجان عربية مافيهاش كلام ... لكن...

انا رأيي مادام هي اول عربية ليك قدامك حلين..
اول حل...لو انت مقرر ان هي دي خلاص يبقى لااااااازم تكشف في التوكيل مش اي مركز خدمة عشان تبقى واخد عربية انت عارف كل صغيرة قبل كبيرة فيها لان انت ماعندكش خبرة قديمة بالعربيات

الحل التاني...انك تبتدي بعربية قليلة شوية حتى في السعر وتوفر جزء من الفلوس اللي معاك..تتعلم عليها براحتك وتبهدل فيها من غير خوف ومن غير ما تضطر انك تصرف عليها كتير في الصيانات والتصليحات الدورية والذي منه وتبقى انت كدا خدت خبرة شوية تقدر بعدها تركب الميجان وانت مطمن

حضرتك دا رأيي المتواضع وانت احسبها مع نفسك وربنا يوفقك لاختيار الحل الاصلح ليك

**Dr.ahmed Uro** · 07-02-2014 11:20 PM

المشاركة الأصلية كتبت بواسطة egyption88

بص يا باشا هي الميجان عربية مافيهاش كلام ... لكن...

انا رأيي مادام هي اول عربية ليك قدامك حلين..
اول حل...لو انت مقرر ان هي دي خلاص يبقى لااااااازم تكشف في التوكيل مش اي مركز خدمة عشان تبقى واخد عربية انت عارف كل صغيرة قبل كبيرة فيها لان انت ماعندكش خبرة قديمة بالعربيات

الحل التاني...انك تبتدي بعربية قليلة شوية حتى في السعر وتوفر جزء من الفلوس اللي معاك..تتعلم عليها براحتك وتبهدل فيها من غير خوف ومن غير ما تضطر انك تصرف عليها كتير في الصيانات والتصليحات الدورية والذي منه وتبقى انت كدا خدت خبرة شوية تقدر بعدها تركب الميجان وانت مطمن

حضرتك دا رأيي المتواضع وانت احسبها مع نفسك وربنا يوفقك لاختيار الحل الاصلح ليك

الف شكر على المرور والنصيحه ... انا فعلا عايز عربيه مش متهانه..وعلشان كده عايز اشترى من حد من أعضاء المنتدى
يكون محافظ على عربيته ... ولو مالاقيتش هشترى حاجه تانيه
بس ياترى ترشحوا ايه فى حدود ٨٠،٠٠٠
وآسف لو بتقل عليكو